ಚಿಕ್ಕಮಗಳೂರು : ನಗರದ ಉಮಾ ಶಂಕರ್ ಎಂಬಾತ ನಿತ್ಯ ನೂರಾರು ಬೀದಿ ನಾಯಿಗಳಿಗೆ ಊಟ ನೀಡುವುದರ ಮೂಲಕ ಮಾನವೀಯತೆ ಮೆರೆದಿದ್ದಾರೆ.
ವೆಲ್ಡಿಂಗ್ ಶಾಪ್ ಇಟ್ಟುಕೊಂಡಿರುವ ಉಮಾ ಶಂಕರ್ ಗೆ ನಾಯಿಗಳೆಂದರೆ ಪಂಚ ಪ್ರಾಣ, ಒಂದು ವೇಳೆ ತಾನು ಊಟ ಮಾಡುವುದು ಮರೆತರೂ ಬೀದಿ ನಾಯಿಗಳಿಗೆ ಊಟ, ಬ್ರೆಡ್, ಬಿಸ್ಕೆಟ್ ಹಾಕೋದು ಮರೆಯುವುದಿಲ್ಲವಂತೆ. ಇವರ ಈ ಶ್ವಾನ ಪ್ರೀತಿ ಇಂದು ನಿನ್ನೆಯದಲ್ಲ ಬರೋಬ್ಬರಿ ಐದು ವರ್ಷಗಳಿಂದ ನಡೆದುಕೊಂಡು ಬಂದಿದೆ.
ಶ್ವಾನಪ್ರಿಯ ಉಮಾ ಶಂಕರ್
ನಿತ್ಯ ಸಂಜೆ 5 ರಿಂದ 7 ರವರೆಗೆ ಬರೋಬ್ಬರಿ 2 ಗಂಟೆಗಳ ಕಾಲ ಸುಮಾರು 100 ಕ್ಕೂ ಅಧಿಕ ಬೀದಿ ನಾಯಿಗಳಿಗೆ ಊಟ ಹಾಕುತ್ತಾರೆ. ಇದಕ್ಕಾಗಿ ಅವರು ಪ್ರತಿದಿನ 500 ರೂ. ಖರ್ಚು ಮಾಡುತ್ತಾರೆ. ಲಾಕ್ಡೌನ್ ವೇಳೆಯಲ್ಲಿ ನಗರದ ಹೋಟೆಲ್ಗಳೆಲ್ಲ ಬಂದ್ ಆಗಿವೆ, ಹೀಗಾಗಿ ನಗರದ ಬೀದಿ ನಾಯಿಗಳೆಲ್ಲ ಊಟವಿಲ್ಲದೇ ಪರದಾಡಬಾರದೆಂದು ಕೊರೊನಾ ನಡುವೆಯೂ ನಾಯಿಗಳಿಗೆ ಊಟ ಹಾಕುತ್ತಿದ್ದಾರೆ.
ಮನೆಯಲ್ಲಿ ಕೂಡ 3 ಡ್ಯಾಶ್ ಎಂಡ್ ನಾಯಿಗಳನ್ನು ಸಾಕಿರುವ ಇವರಿಗೆ, ಬೀದಿ ನಾಯಿಗಳ ಮೇಲೆ ವಿಶೇಷ ಕಾಳಜಿ ಮತ್ತು ಪ್ರೀತಿ ಹೊಂದಿದ್ದಾರೆ.
