ಬಾಕ್ಸ್​​ಗಳಲ್ಲಿ ಜನರ ಬದಲು ಚೀಲಗಳ ಸರತಿ... ಯಾಕೆ ಗೊತ್ತಾ!?

ಲಾಕ್​ಡೌನ್​​ ಹಿನ್ನೆಲೆ ಗಣಿನಾಡು ಬಳ್ಳಾರಿ ಗ್ರಾಮಾಂತರದಲ್ಲಿ ಸಾರ್ವಜನಿಕರಿಗೆ ನ್ಯಾಯಬೆಲೆ ಅಂಗಡಿಯಲ್ಲಿ ಅಕ್ಕಿ ಹಾಗೂ ಗೋಧಿಯನ್ನ ವಿತರಿಸಲಾಯಿತು. ಆದ್ರೆ ಬಿಸಿಲಿನ ಪ್ರಮಾಣ 36 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದ್ದರಿಂದ ಸರತಿ ಸಾಲಿನ ಬಾಕ್ಸ್​​ನಲ್ಲಿ ಚೀಲಗಳನ್ನು ಇಟ್ಟು ಮರದ ನೆರಳಿನಲ್ಲಿ ಜನ ವಿಶ್ರಮಿಸಿದ ದೃಶ್ಯ ಕಂಡುಬಂತು.

ಬಳ್ಳಾರಿ: ಜಿಲ್ಲೆಯ ಶ್ರೀ ರಾಮಾಂಜನೇಯ ನಗರದ ನ್ಯಾಯಬೆಲೆ ಅಂಗಡಿಯಲ್ಲಿ ಸಾರ್ವಜನಿಕರಿಗೆ ಏಪ್ರಿಲ್ ಮತ್ತು ಮೇ ತಿಂಗಳ ಅಕ್ಕಿ ಹಾಗೂ ಗೋಧಿ ವಿತರಿಸಲಾಯಿತು.

ಕುಟುಂಬದ ಒಬ್ಬರಿಗೆ10 ಕೆಜಿ‌ ಅಕ್ಕಿ ( ಎರಡು ತಿಂಗಳಿಗೆ 20 ಕೆಜಿ), ಗೋಧಿ ಒಂದು ಕುಟುಂಬಕ್ಕೆ 2 ಕೆಜಿ ( ಎರಡು ತಿಂಗಳಿಗೆ 4 ಕೆಜಿ) ವಿತರಣೆ ಮಾಡಲಾಯಿತು.

ಬಿಸಿಲಿನ ಪ್ರಮಾಣ 36 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದ್ದರಿಂದ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ರಚಿಸಲಾಗಿದ್ದ ಬಾಕ್ಸ್​​ಗಳಲ್ಲಿ ಜನರು ನಿಲ್ಲಲಾಗದೇ ತಮ್ಮ ಚೀಲಗಳನ್ನು ಅಲ್ಲಿಯೇ ಇಟ್ಟು ಮರದ ನೆರಳಿಗೆ ಹೋಗಿ ಕುಳಿತುಕೊಂಡರು. ನಂತರ ಅಂತರ ಕಾಯ್ದುಕೊಂಡ ಸಾರ್ವಜನಿಕರು ಅಕ್ಕಿ, ಗೋಧಿಯನ್ನು ಪಡೆದುಕೊಂಡರು.