ಹೋಮ್​​ ಕ್ವಾರಂಟೈನ್​​​ಗೆ ವಿರೋಧ; ಶಾಲೆ ಗೇಟ್ ಬಂದ್​​

ಅನ್ಯ ರಾಜ್ಯಗಳಿಂದ ಬರುವವರನ್ನು ನಮ್ಮ ಗ್ರಾಮದ ಶಾಲೆಯಲ್ಲಿ​​ ಕ್ವಾರಂಟೈನ್​​​ಗೆ ಒಳಪಡಿಸುತ್ತಾರೆ ಎಂದು ಭಾವಿಸಿ ಶಾಲೆಯ ಗೇಟ್​​​ಗೆ ಸಪ್ತಸಾಗರ ಗ್ರಾಮಸ್ಥರು ಅಡ್ಡಲಾಗಿ ಮುಳ್ಳಿನ ಗಿಡಗಳನ್ನು ಹಾಕಿದ್ದರು. ತಾಲೂಕು ಆಡಳಿತ ಸ್ಪಷ್ಟನೆಯ ಬಳಿಕ ಅದನ್ನು ತೆರವುಗೊಳಿಸಿದ್ದಾರೆ.

ಅಥಣಿ: ಅನ್ಯ ರಾಜ್ಯಗಳಿಂದ ಬಂದವರನ್ನು ನಮ್ಮ ಗ್ರಾಮದ ಶಾಲೆಯಲ್ಲಿ ಹೋಮ್​​​ ಕ್ವಾರಂಟೈನ್ ಮಾಡಲಾಗುತ್ತದೆ ಎಂದು ಭಾವಿಸಿ ತಾಲೂಕಿನ ಸಪ್ತಸಾಗರ ಗ್ರಾಮಸ್ಥರು ಶಾಲೆಯ ಗೇಟ್ ಬಂದ್ ಮಾಡಿದ್ದಾರೆ.

ಗ್ರಾಮಸ್ಥರು ಸರ್ಕಾರಿ ಪ್ರಾಥಮಿಕ ಶಾಲೆ ಗೇಟ್​​ಗೆ ಮುಳ್ಳಿನ ಗಿಡಗಳನ್ನು ಅಡ್ಡಲಾಗಿ ಹಾಕಿದ್ದರು. ಅಲ್ಲಿ ಯಾರನ್ನೂ ಕ್ವಾರಂಟೈನ್ ಮಾಡುವುದಿಲ್ಲ ಎಂದು ತಾಲೂಕು ಆಡಳಿತ ಸ್ಪಷ್ಟಪಡಿಸಿದ ಬಳಿಕ ಮುಳ್ಳಿನ ಗಿಡಗಳನ್ನು ಗ್ರಾಮಸ್ಥರು ತೆರವುಗೊಳಿಸಿದ್ದಾರೆ.