ಕಾರು​ ತಡೆದಿದ್ದಕ್ಕೆ ಪೊಲೀಸರ ಜೊತೆ ವಾಗ್ವಾದ ನಡೆಸಿದ ರಮೇಶ್​ ಜಾರಕಿಹೊಳಿ ಅಳಿಯ

ಪೊಲೀಸರ ಜೊತೆ ಅಂಬಿರಾವ ಅವರ ಕಾರು ಚಾಲಕ ದರ್ಪ ಮೆರೆದಿದ್ದು, ಇದಕ್ಕೆ ಅಂಬಿರಾವ ಕೂಡ ಸಾಥ್ ನೀಡಿದ್ದಾರೆ. ಈ ವೇಳೆ ಪೊಲೀಸರ ವಿರುದ್ಧ ಅವರು ವಾಗ್ದಾಳಿ ನಡೆಸಿದ್ದಾರೆ.

ಚಿಕ್ಕೋಡಿ: ರಮೇಶ್​ ಜಾರಕಿಹೊಳಿ ಅಳಿಯ ಅಂಬಿರಾವ ಪಾಟೀಲ್​ರ ವಾಹನ ಚಾಲಕ ಪೊಲೀಸರ ಮೇಲೆ ದರ್ಪ ತೋರಿಸಿದ್ದಾರೆ.

ಸಂಕೇಶ್ವರ ಪಟ್ಟಣದ ಚನ್ನಮ್ಮ ವೃತ್ತದಲ್ಲಿ ಪೊಲೀಸರ ಜೊತೆ ಅಂಬಿರಾವ ಅವರ ಕಾರು ಚಾಲಕ ದರ್ಪ ಮೆರೆದಿದ್ದು, ಇದಕ್ಕೆ ಅಂಬಿರಾವ ಕೂಡ ಸಾಥ್ ನೀಡಿದ್ದಾರೆ. ಇವರ ವಾಹನವನ್ನು ತಡೆದ ಎಎಸ್​ಐ ಹಾಗೂ ಪೊಲೀಸರ ಮೇಲೆ ವಾಗ್ದಾಳಿ ನಡೆಸಿದ್ದಾರೆ.

ನಾನು ಯಾರು ಅನ್ನೋದು ಗೊತ್ತಿಲ್ವಾ? ಎಂದು ಹೇಳಿ ಅಂಬಿರಾವ ಪೊಲೀಸರನ್ನು ಬೆದರಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.