ಬೆಂಗಳೂರು: ಇಂದು ಸಿಎಂ ಯಡಿಯೂರಪ್ಪ ಸಿಟಿ ರೌಂಡ್ಸ್ಗೆ ತೆರಳಿದ್ದಾರೆ. ಬಿಎಸ್ವೈ ಸಂಚರಿಸುತ್ತಿರುವ ಬಿಎಂಟಿಸಿ ವೋಲ್ವೋ ಬಸ್ಗೆ ನಾಲ್ಕು ಮುಖ್ಯಮಂತ್ರಿಗಳಿಗೆ ನಗರ ಸಂಚಾರ ಮಾಡಿಸಿದ ಸೈಯದ್ ನೂರುಲ್ಲಾ ಸಾರಥಿಯಾಗಿದ್ದಾರೆ.
ಸೈಯದ್ ನೂರುಲ್ಲಾ ಸಿಎಂ ಸಿಟಿ ರೌಂಡ್ಸ್ ಬಸ್ ಚಾಲಕ. ಸಿಟಿ ರೌಂಡ್ಸ್ಗೆ ಯಾವ ಸಿಎಂ ಬರಲಿ ಅವರಿಗೆ ಇವರೇ ಸಾರಥಿ. ಈ ಹಿಂದೆ ಸಿದ್ದರಾಮಯ್ಯ ಅವರಿಗೆ 40ಕ್ಕೂ ಹೆಚ್ಚು ಬಾರಿ, ಸದಾನಂದಗೌಡರಿಗೆ 8 ಬಾರಿ, ಜಗದೀಶ್ ಶೆಟ್ಟರ್ ಜೊತೆ ಒಂದು ಬಾರಿ ಸಿಟಿ ರೌಂಡ್ಸ್ ಹಾಕಿದ್ದಾರೆ. ಅಲ್ಲದೇ ಸಿಎಂ ಯಡಿಯೂರಪ್ಪ ಜೊತೆ ಈ ಹಿಂದೆ 7 ಬಾರಿ ನಗರ ಸಂಚಾರ ಮಾಡಿರುವ ಸೈಯದ್ ಈಗ 8 ನೇ ಬಾರಿ ಬಿಎಸ್ವೈ ಜೊತೆ ಸಿಟಿ ರೌಂಡ್ಸ್ಗೆ ಹೋಗಿದ್ದಾರೆ.
ಈ ಬಗ್ಗೆ ಮಾತಾನಾಡಿದ ಸೈಯದ್ ನೂರುಲ್ಲಾ, ಮುಖ್ಯಮಂತ್ರಿಗಳನ್ನು ರೌಂಡ್ಸ್ಗೆ ಕರೆದುಕೊಂಡು ಹೋಗೋದಕ್ಕೆ ಸಂತಸವಾಗುತ್ತದೆ. ಕುಟುಂಬದಲ್ಲೂ ಈ ಬಗ್ಗೆ ಮೆಚ್ಚುಗೆ ಇದೆ. ನಮ್ಮ ಮನೆಯವರೂ ಈ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸುತ್ತಾರೆ ಅಂತಾರೆ ಸೈಯದ್ ನೂರುಲ್ಲಾ.
7 ನೇ ಬಿಎಂಟಿಸಿ ಡಿಪೋದಲ್ಲಿ ಚಾಲಕನಾಗಿರುವ ಸೈಯದ್ ನೂರುಲ್ಲಾ, 1994 ರಿಂದಲೂ ಚಾಲಕನಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇದುವರೆಗೂ 4 ಮುಖ್ಯಮಂತ್ರಿಗಳಿಗೆ ಬಸ್ ಚಾಲಕನಾಗಿ ಕರ್ತವ್ಯ ನಿರ್ವಹಿಸಿದ್ದಾರೆ.
