ಬೆಂಗಳೂರು : ಕೊರೊನಾ ಸಾಂಕ್ರಾಮಿಕ ಸೋಂಕು ಹಿನ್ನೆಲೆ ಪರೀಕ್ಷೆ ನಡೆಸಬೇಕಾ ಬೇಡ್ವಾ ಎಂಬ ಚರ್ಚೆ, ವಾದಗಳ ನಡುವೆಯೇ ಇದೀಗ SSLC ಪರೀಕ್ಷೆಗೆ ದಿನಗಣನೆ ಶುರುವಾಗಿದೆ. ಜುಲೈ 19-22 ರಂದು ರಾಜ್ಯಾದ್ಯಂತ ಪರೀಕ್ಷೆ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ಪರೀಕ್ಷಾ ಕೇಂದ್ರದಲ್ಲಿ ಅಣಕು ಪರೀಕ್ಷಾ ಪ್ರಕ್ರಿಯೆ ನಡೆಸಲಾಯ್ತು.
ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಕ್ಕೆ ಬಂದಾಗ ಯಾವ ರೀತಿ ಒಳ ಪ್ರವೇಶಿಸಬೇಕು, ಪರೀಕ್ಷಾ ಕೊಠಡಿ ಸಂಖ್ಯೆ, ಸ್ಯಾನಿಟೈಸ್ ಮಾಡುವುದು, ಆರೋಗ್ಯ ತಪಾಸಣೆ, ಮೊಬೈಲ್ ಸಂಗ್ರಹ, ಬ್ಯಾಗ್ ಸೆಂಟರ್ ಹೀಗೆ ಪ್ರತಿಯೊಂದಕ್ಕೂ ಜಾಗ ನಿಗದಿ ಮಾಡಲಾಗಿದೆ.
ನಗರದ ಮಲ್ಲೇಶ್ವರಂನ 18ನೇ ಕ್ರಾಸ್ನಲ್ಲಿರುವ ಸರ್ಕಾರಿ ಪ್ರೌಢಶಾಲೆಯಲ್ಲಿ ಸಕಲ ಸಿದ್ಧತೆ ನಡೆದಿದೆ. ಆ ಶಾಲೆಯ ವಿಜ್ಞಾನ ವಿಭಾಗದ ಶಿಕ್ಷಕಿ ಮೈತ್ರಾ ಪರೀಕ್ಷಾ ಕೇಂದ್ರದ ಕುರಿತು ಸಂಪೂರ್ಣ ವಿವರಣೆ ನೀಡಿದ್ದಾರೆ.
ಯಾವುದೇ ಮಕ್ಕಳು ಭಯಪಡದೇ ಪರೀಕ್ಷಾ ಕೇಂದ್ರಕ್ಕೆ ಧೈರ್ಯವಾಗಿ ಬನ್ನಿ, ನಿಮಗಾಗಿ ನಾವಿದ್ದೇವೆ ಅಂತಾ ಪ್ರೋತ್ಸಾಹದ, ವಿಶ್ವಾಸದ ಮಾತುಗಳನ್ನ ಹೇಳಿದ್ದಾರೆ. ಪರೀಕ್ಷಾ ಕೇಂದ್ರ ಹೇಗಿದೆ ಅಂತಾ ಶಿಕ್ಷಕಿ ಮೈತ್ರಾ ಈ ರೀತಿ ವಿವರಿಸಿದ್ದಾರೆ.
