ಬೆಂಗಳೂರು: ಕೊರೊನಾ ಸೋಂಕು ಪತ್ತೆಯಾದ ಏರಿಯಾಗಳನ್ನ ಸೀಲ್ಡೌನ್ ಮಾಡಿ ಪೊಲೀಸರು ಮುನ್ನೆಚ್ಚರಿಕೆ ಕ್ರಮವನ್ನ ಕೈಗೊಳ್ತಾರೆ. ಸದ್ಯ ಯಶವಂತಪುರದ ತ್ರಿವೇಣಿ ರಸ್ತೆ ಸಂಪೂರ್ಣ ಸೀಲ್ಡೌನ್ ಆಗಿದ್ದರೂ ಜನ ಸೀಲ್ಡೌನ್ ಏರಿಯಾದಲ್ಲಿ ಓಡಾಟ ಮಾಡಿ ಆತಂಕ ಸೃಷ್ಟಿ ಮಾಡಿದ್ದಾರೆ.
ಸೀಲ್ಡೌನ್ ಏರಿಯಾ ಮೀರಿ ಹೊರಬರಲು ಜನ ಪ್ರಯತ್ನ ಪಟ್ಟಿದ್ದಾರೆ. ಈ ವಿಚಾರ ತಿಳಿದು ಭದ್ರತೆಗೆ ನಿಯೋಜನೆ ಮಾಡಿದ ಉತ್ತರ ವಿಭಾಗ ಪೊಲೀಸರು ಜನರನ್ನು ಎಚ್ಚರಿಸುವ ಕೆಲಸ ಮಾಡಿ ವಾಕಿ ಮೂಲಕ ಮನೆಯ ಒಳಗಡೆ ತೆರಳುವಂತೆ ತಿಳಿಸಿದ್ದಾರೆ.
ಹಿನ್ನೆಲೆ: ಕೋಲ್ಕತ್ತಾ ಮೂಲದ ಮಹಿಳೆ ಯಶವಂತಪುರ ಬಳಿಯ ಮಂಗಳ ನರ್ಸಿಂಗ್ ಹೋಮ್ನಲ್ಲಿ ಚಿಕೂನ್ ಗುನ್ಯಾಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದರು. ಈ ವೇಳೆ, ಮಹಿಳೆಯಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿತ್ತು.
ಹೀಗಾಗಿ ಮಹಿಳೆಯನ್ನು ಕೊರೊನಾ ಚಿಕಿತ್ಸೆಗೆ ಒಳಪಡಿಸಿ ನರ್ಸಿಂಗ್ ಹೋಮ್ ವೈದ್ಯರು, ಸಿಬ್ಬಂದಿಯನ್ನು ಕ್ವಾರಂಟೈನ್ಗೆ ಒಳಪಡಿಸಿ ನರ್ಸಿಂಗ್ ಹೋಂ ಸೀಲ್ಡೌನ್ ಮಾಡಿದ್ದರು. ಆ ಏರಿಯಾದಲ್ಲಿ ಜನರು ಓಡಾಟ ಮಾಡದ ಹಾಗೆ ರಸ್ತೆ ಕ್ಲೋಸ್ ಮಾಡಿದ್ದು, ಸದ್ಯ ಜನ ಓಡಾಟ ನಡೆಸ್ತಿದ್ದು, ಪೊಲೀಸರು ಜಾಗೃತರಾಗಿದ್ದಾರೆ.
