ಬೆಂಗಳೂರು : ಕೃಷಿ ಮೇಳದ ಕೊನೆಯ ದಿನವಾದ ನಿನ್ನೆ ಕೃಷಿ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ರೈತರಿಗೆ ಪ್ರಶಸ್ತಿ ನೀಡಿ ಗೌರವಿಸುವ ಜೊತೆಗೆ ಮತ್ತಷ್ಟು ಸಾಧನೆಗೆ ಪ್ರೋತ್ಸಾಹ ನೀಡಲಾಯ್ತು.
ಸಚಿವ ಮಾಧುಸ್ವಾಮಿ ಹೇಳಿಕೆ
ಈ ವೇಳೆ ಮಾತನಾಡಿದ ಸಚಿವ ಮಾಧುಸ್ವಾಮಿ, ದೇಸಿ ಬೆಳೆಗಳನ್ನು ನಾವು ಉಳಿಸಿಕೊಳ್ಳಬೇಕಾಗಿದೆ. ಕೇವಲ ಒಳ್ಳೆಯ ಇಳುವರಿ ಬರಬೇಕೆಂಬ ಕಾರಣಕ್ಕೆ ಸಂಶೋಧನೆಗಳು ನಡೆಯಬಾರದು. ಯಾವುದೇ ರೀತಿಯ ಯೋಚನೆಗಳನ್ನು ಮಾಡದೆ, ಕೆಲ ಪ್ರಯೋಗಗಳನ್ನು ಮಾಡಿ ನಮ್ಮ ಮೂಲ ಬೆಳೆಗಳಿಗೆ ಕುತ್ತು ತಂದಿದ್ದಾರೆ. ಜಿಕೆವಿಕೆ ಯ ವಿದ್ಯಾರ್ಥಿಗಳಿಗೆ ಮೊದಲು ನಮ್ಮ ದೇಸಿ ತಳಿಯ ಬಗ್ಗೆ ತಿಳಿಹೇಳಬೇಕು. ಮೊದಲು ವಿಜ್ಞಾನಿಗಳು ಮತ್ತು ಅಧ್ಯಾಪಕ ವೃಂದದವರು ಯೋಚಿಸಿ ನಂತರ ಹೊಸ ಪ್ರಯೋಗಗಳಿಗೆ ಕೈ ಹಾಕುವುದು ಉತ್ತಮ ಎಂದು ಸಚಿವ ಮಾಧುಸ್ವಾಮಿ ತಿಳಿಸಿದರು.
