ಬೆಂಗಳೂರು: ಜೆಡಿಎಸ್ ಎಂಎಲ್ಸಿ ರಮೇಶ್ ಗೌಡ ಅವರು ಸಂಸದೆ ಸುಮಲತಾ ವಿರುದ್ಧ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದಾರೆ. ವಿಧಾನಸೌಧದಲ್ಲಿ ರಾಕ್ಲೈನ್ ವಿಡಿಯೋ ರಿಲೀಸ್ ವಿಚಾರವಾಗಿ ಮಾತನಾಡುತ್ತಾ, 'ಅವರು ತಾಕತ್ತಿದ್ದರೆ, ವಿಡಿಯೋ ಬಿಡಲಿ. ನಾವೇನು ಸಿಡಿ ರಿಲೀಸ್ ಮಾಡ್ತೇವೆ ಎಂದಿದ್ವಾ?' ಎಂದು ಹೇಳಿದರು.
'ರೂಂನಲ್ಲಿದ್ದಾಗ ವಿಡಿಯೋ ಮಾಡಿದ್ದಾರೆ ಅಂತಾರೆ. ಅವರೇ ರೂಂನಲ್ಲಿರೋದ್ರ ಬಗ್ಗೆ ಹೇಳ್ಕೊಂಡಿದ್ದಾರೆ. ಅವರು ಕೈ ಹಿಂಗೆ ಹಾಕಿದ್ದಾರೆ?, ಕಾಲು ಹಿಂಗೆ ಹಾಕಿದ್ದಾರೆ ಅಂತ ನಾವೇನು ಹೇಳಿದ್ದೇವಾ?' ಎಂದು ಹರಿಹಾಯ್ದರು.
'ನಾವ್ಯಾರೂ ಅದರ ಬಗ್ಗೆ ಹೇಳಿಲ್ಲ. ಆ ವಿಡಿಯೋ ಇದ್ದರೆ ರಿಲೀಸ್ ಮಾಡಲಿ. ನೀವೇ ನಮ್ಮ ಫೋಟೋ, ವಿಡಿಯೋ ಎಡಿಟ್ ಮಾಡಿದ್ದಾರೆ ಎಂದು ಹೇಳಿದ್ದೀರಾ. ನಮ್ಮನ್ನು ಟ್ರ್ಯಾಪ್ ಮಾಡೋದಕ್ಕೆ ಪ್ರಯತ್ನಪಟ್ಟರು ಎಂದು ಆರೋಪ ಮಾಡಿದ್ದೀರಿ. ನಿಮ್ಮ ಮೇಲೆ ಯಾರೂ ಆರೋಪ ಮಾಡದೇ ನೀವೇ ನಿರೀಕ್ಷಣಾ ಜಾಮೀನು ತೆಗದುಕೊಂಡಿದ್ದೀರಿ' ಎಂದು ಕಿಡಿ ಕಾರಿದರು.
ಹೆಚ್ಚಿನ ಓದಿಗೆ: ಹಲ್ಲೆ ಆರೋಪ: ನಿರ್ದೇಶಕ ಇಂದ್ರಜಿತ್ ಲಂಕೇಶ್ ವಿರುದ್ಧ ನಟ ದರ್ಶನ್ ಗರಂ
'ಅವರು ಸಿನಿಮಾದವರು. ನಮಗೆ ಸಿಡಿ ಮಾಡುವ ಬಗ್ಗೆ ಗೊತ್ತಿಲ್ಲ. ಅವರ ಬಳಿ ಇರುವ ಸಿಡಿ ಬಿಡುಗಡೆ ಮಾಡಲಿ' ಎಂದು ರಾಕ್ಲೈನ್ ವೆಂಕಟೇಶ್‌ಗೆ ಸವಾಲು ಹಾಕಿದ್ದಾರೆ.
