ಬೆಂಗಳೂರು: ಅಡುಗೆ ಅನಿಲ ಲೀಕ್ ಆಗಿ ಮಲಗಿದ್ದ ದಂಪತಿ ಉಸಿರು ಗಟ್ಟಿ ಸಾವನ್ನಪ್ಪಿರುವ ಘಟನೆ ಬೇಗೂರಿನ ದೇವರ ಚಿಕ್ಕನಹಳ್ಳಿ ಬಳಿ ನಡೆದಿದೆ.
ರೋಹಿಣಿ ಕಟೋಚ್, ದಕ್ಷಿಣ ವಿಭಾಗ ಡಿಸಿಪಿ
ನಾಗಮುನಿ ಮತ್ತು ಪದ್ಮಾವತಿ ಮೃತ ದಂಪತಿ. ಮೂಲತಃ ಇವರು ಆಂಧ್ರದ ಚಿತ್ತೂರು ಮೂಲದವರಾಗಿದ್ದು, ಕಳೆದ 15 ವರ್ಷಗಳಿಂದ ಬೇಗೂರಿನಲ್ಲಿ ವಾಸವಾಗಿದ್ದರು. ನಾಗಮುನಿರವರು ಕಾರ್ಪೆಂಟರ್ಆಗಿ ಕೆಲಸ ಮಾಡುತ್ತಿದ್ದು, ಪದ್ಮಾವತಿ ಗಾರ್ಮೆಂಟ್ಸ್ನಲ್ಲಿ ಕೆಲಸ ಮಾಡುತ್ತಾ ಜೀವನ ನಡೆಸುತ್ತಿದ್ದರು.
ಮುಂಜಾನೆ ಕೆಲಸಕ್ಕೆ ಬೇಗ ಹೋಗಲೆಂದು ನಾಗಮುನಿ ಗ್ಯಾಸ್ನಲ್ಲಿ ಕಾಫಿ ಮಾಡಲು ಹಾಲು ಇಟ್ಟು ನಿದ್ದೆಗೆ ಜಾರಿದ್ದಾರೆ. ಹಾಲು ಉಕ್ಕಿದ ಬೆಂಕಿ ನಂದಿ ಹೋಗಿ ಮನೆಯೆಲ್ಲ ಗ್ಯಾಸ್ ಸೋರಿಕೆಯಾಗಿದೆ. ಮನೆ ಚಿಕ್ಕದಾದ ಕಾರಣ ಗಾಳಿ ಹೊರಹೊಗದೆ ಇದಿದ್ದರಿಂದ ದಂಪತಿಗಳು ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ.
ಅಕ್ಕಪಕ್ಕ ಮನೆಯವರು ಅನುಮಾನ ಬಂದು ಸ್ಥಳಕ್ಕೆ ಹೋಗಿ ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ. ಸದ್ಯ ಬೇಗೂರು ಪೊಲೀಸರು ಭೇಟಿ ನೀಡಿದ್ದು, ತನಿಖೆ ಮುಂದುವರೆಸಿದ್ದಾರೆ.
