ಬೆಂಗಳೂರು: ಹಸಿರು ಕಾಶಿ ಎಂದು ಕರೆಸಿಕೊಂಡಿರುವ ಕಬ್ಬನ್ ಪಾರ್ಕ್ ನೋಡಲು ನಿತ್ಯ ನೂರಾರು ಜನ ಬರುತ್ತಾರೆ. ಈ ಪಾರ್ಕ್ ಪ್ರೇಮಿಗಳಿಗೆ ಲವ್ ಸ್ಪಾಟ್ ಆದರೆ, ಇನ್ನು ಕೆಲವರಿಗೆ ಅದು ಟೈಂ ಪಾಸ್ ಹಾಗೂ ರಿಲ್ಯಾಕ್ಸ್ಗೆ ಬೆಸ್ಟ್ ಪ್ಲೇಸ್. ಹೊರ ರಾಜ್ಯ ಮಾತ್ರವಲ್ಲದೇ, ದೇಶ-ವಿದೇಶದಿಂದಲೂ ಈ ಪಾರ್ಕ್ಗೆ ಬರುತ್ತಾರೆ. ಈ ನಿಟ್ಟಿನಲ್ಲಿ ನಿನ್ನೆ ಕಬ್ಬನ್ ಪಾರ್ಕ್ ಅಸೋಸಿಯೇಷನ್ ಜನರ ಮೂಲಕವೇ ಒಂದು ಸರ್ವೇ ನಡೆಸಲಾಯಿತು.
ಈ ವೇಳೆ ಕಬ್ಬನ್ ಪಾರ್ಕ್ಗೆ ಬರುವ ಪ್ರವಾಸಿಗರಿಗೆ, ನಡಿಗೆದಾರರಿಗೆ, ಸಾರ್ವಜನಿಕರಿಗೆ ಕಾಣುವ ಕುಂದುಕೊರತೆಗಳು,ಅಭಿವೃದ್ಧಿ ಕಾರ್ಯಗಳು, ಅವಶ್ಯಕ - ಅನಾವಶ್ಯಕ ಗಳ ಬಗ್ಗೆ ವರದಿ ಸಂಗ್ರಹಿಸಲಾಯಿತು. ಪಾರ್ಕ್ನಲ್ಲಿ ನಡೆದ ಸರ್ವೇಯಲ್ಲಿ ಎರಡು ಬ್ಯಾಚ್ಗಳನ್ನಾಗಿ ಮಾಡಿ ಜನರಿಂದಲೇ ಮಾಹಿತಿ ಸಂಗ್ರಹಿಸಲಾಯಿತು.
ಇದಕ್ಕಾಗಿ ಕಾಲೇಜು ವಿದ್ಯಾರ್ಥಿಗಳು ಈ ಸರ್ವೇಯಲ್ಲಿ ಭಾಗಿಯಾಗಿದ್ದರು. ಅವರಿಂದ ಬಂದ ಸಂಪೂರ್ಣ ಮಾಹಿತಿಯನ್ನ ಪಾರ್ಕ್ನ ನಿರ್ದೇಶಕರಿಗೂ ಮತ್ತು ಸರ್ಕಾರಕ್ಕೆ ವರದಿ ಸಲ್ಲಿಸಲಾಗುವುದು ಅಂತ ಪಾರ್ಕ್ ಅಸೋಸಿಯೇಷನ್ ಪ್ರೆಸಿಡೆಂಟ್ ಉಮೇಶ್ ತಿಳಿಸಿದರು.
