ಬೆಂಗಳೂರು; ನಿಷೇಧಿತ ನೋಟುಗಳನ್ನ ಕಮಿಷನ್ಗಾಗಿ ವಿನಿಮಯ ಮಾಡುತ್ತಿದ್ದ ಇಬ್ಬರು ಆರೋಪಿಗಳ ಬಂಧನ ಮಾಡುವಲ್ಲಿ ಉತ್ತರ ವಿಭಾಗ ಪೊಲೀಸರು ಯಶಸ್ವಿಯಾಗಿದ್ದಾರೆ .
ಶೇಕ್ ತುಫೆಲ್ ಆಲಿ ಅಲಿಯಾಸ್ ಸಲ್ಮಾನ್, ಮುದಾಸೀರ್ ನಜೀರ್ ಬಂಧಿತ ಆರೋಪಿಗಳು.ಮತ್ತೋರ್ವ ಒಡಿಶಾ ಮೂಲದ ಆರೋಪಿ ತಲೆಮರೆಸಿಕೊಂಡಿದ್ದಾನೆ. ಆರ್.ಟಿ. ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಸುಲ್ತಾನ್ ಪಾಳ್ಯ ಬಳಿ ಇರುವ ಮುದಾಸೀರ್ ನಜೀರ್ ಮನೆಯಲ್ಲಿ ಕೇಂದ್ರ ಸರ್ಕಾರ ನಿಷೇಧ ಮಾಡಿರುವ ಸಾವಿರ ಮುಖ ಬೆಲೆಯ ಹಳೆ ನೋಟುಗಳನ್ನ ಕಮಿಷನ್ಗಾಗಿ ಸಾರ್ವಜನಿಕರಿಗೆ ಕೊಡಲು ಇಟ್ಟುಕೊಂಡ ಮಾಹಿತಿ ಪೊಲೀಸರಿಗೆ ಲಭ್ಯವಾಗಿತ್ತು. ಈ ಮಾಹಿತಿ ಮೇರೆಗೆ ದಾಳಿ ನಡೆಸಿ ತನಿಖೆಗೆ ಒಳಪಡಿಸಿದಾಗ ಆರೋಪಿ ನೀಡಿದ ಮಾಹಿತಿ ಮೇರೆಗೆ ಮತ್ತೊಬ್ಬನನ್ನ ಖೆಡ್ಡಾಕ್ಕೆ ಕೆಡವಿದ್ದಾರೆ.
