ಬೆಂಗಳೂರು: ಇದು ಆಫ್ರಿಕನ್ ಖಂಡದಿಂದ ಏಷ್ಯಾಕ್ಕೆ ಬಂದು, ಭಾರತದ ಬೆಂಗಳೂರಿನಲ್ಲಿ ಬಿಸಿನೆಸ್ ಮಾಡಿಕೊಂಡಿದ್ದು, ಭಾರತದ ಹೆಣ್ಣಿಗಾಗಿ ಕಡಿದಾಡಿಕೊಂಡು ಕೊಲೆಯಾದ ಆಫ್ರಿಕನ್ ಪ್ರಜೆಯ ದುರಂತ ಅಂತ್ಯ ಇದು. ಆಫ್ರಿಕಾದ 36 ವರ್ಷದ ಆರಡಿ ಡೇವಿಡ್ ಕೊಲೆಯಾದ ವ್ಯಕ್ತಿ. ಈತನನ್ನು ಕೊಲೆ ಮಾಡಿರುವ ಆರೋಪದಡಿ ಆಫ್ರಿಕಾ ಮೂಲದ ವಿಕ್ಟರ್ ಎಂಬಾತನನ್ನ ಅಮೃತಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.
ನಿನ್ನೆ ಸಂಜೆ 6-30ಕ್ಕೆ ಅಮೃತಹಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿ ದಾಸರಹಳ್ಳಿಯ ಮುನಿಕೆಂಪಣ್ಣ ಬಡಾವಣೆಯ ನಡುರಸ್ತೆಯಲಿ ಡೇವಿಡ್ ಹೆಣವಾಗಿದ್ದ. ಡೇವಿಡ್ ಕೊಲೆ ಆರೋಪಿ ಮನೆಗೆ ಬಂದು ಆತನ ಲಿವಿಂಗ್ ಟುಗೆದರ್ ಪಾರ್ಟನರ್ ಜೊತೆ ಸಾಂಗತ್ಯ ಬಯಸಿದ್ದ. ಇದು ವಿಕ್ಟರ್ಗೆ ಇಷ್ಟವಿರಲಿಲ್ಲ. ತಾನಿದ್ದ ಬಾಡಿಗೆ ಮನೆಯಲ್ಲಿ ಕಳೆದ ಎರಡು ದಿನಗಳ ಹಿಂದೆ ಪಾರ್ಟನರ್ ಜೊತೆ ಡೇವಿಡ್ನನ್ನು ಕಂಡ ಆರೋಪಿ ವಿಕ್ಟರ್ ಜಗಳ ತೆಗೆದಿದ್ದಾನೆ.
ಚಾಕುವಿನಿಂದ ಭೀಕರವಾಗಿ ಐದಾರು ಸಲ ಎದೆ, ಹೊಟ್ಟೆ, ಕತ್ತಿಗೆ ಚುಚ್ಚಿ ಚುಚ್ಚಿ ಕೊಲೆ ಮಾಡಿದ್ದಾನೆ. ಬ್ಯುಸಿನೆಸ್ ವೀಸಾ ಅವಧಿ ಮುಗಿದಿದ್ದರೂ ಇಬ್ಬರು ಆಫ್ರಿಕನ್ ಪ್ರಜೆಗಳು ಅಕ್ರಮವಾಗಿ ವಾಸವಿದ್ದರು. ಈಶಾನ್ಯ ಭಾರತದ ಮಹಿಳೆ ಸಾಂಗತ್ಯಕ್ಕಾಗಿ ಒಬ್ಬ ಕೊಲೆಯಾಗಿದ್ದರೆ, ಮತ್ತೊಬ್ಬ ಪೊಲೀಸರ ಅತಿಥಿಯಾಗಿದ್ದಾನೆ.
