ಬೆಂಗಳೂರು: ಇದೇ ಭಾನುವಾರ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಭಾರತ-ದ.ಆಫ್ರಿಕಾ ಟಿ-20 ಪಂದ್ಯಾವಳಿ ವೀಕ್ಷಣೆಗೆ ಆಗಮಿಸುವ ಸಾರ್ವಜನಿಕರ ಅನುಕೂಲಕ್ಕಾಗಿ ಬಿಎಂಟಿಸಿ ಹೆಚ್ಚಿನ ಬಸ್ ವ್ಯವಸ್ಥೆ ಕಲ್ಪಿಸಿದೆ.
ಪಂದ್ಯಾ ಸಂಜೆ 07.00 ಗಂಟೆಗೆ ಶುರುವಾಗಲಿದ್ದು, ಪ್ರಯಾಣಿಕರು ಚಿನ್ನಸ್ವಾಮಿ ಕ್ರೀಡಾಂಗಣದ ಹತ್ತಿರ ಇರುವ ನಿಲುಗಡೆಯಲ್ಲಿ ಇಳಿಯುವುದು ಹಾಗೂ ಕ್ರಿಕೆಟ್ ಪಂದ್ಯ ಮುಗಿದ ನಂತರ ಚಿನ್ನಸ್ವಾಮಿ ಕ್ರೀಡಾಂಗಣದಿಂದ ಸುಮಾರು ರಾತ್ರಿ 11:30 ಗಂಟೆಗೆ ಮನೆಗೆ ತೆರಳಲು, ಕ್ರೀಡಾಂಗಣದಿಂದಲೇ ಚೀಟಿ ವಿತರಿಸಿ ಹೆಚ್ಚುವರಿ ಬಸ್ಸುಗಳನ್ನು ನಿಯೋಜಿಸಲು ಕ್ರಮ ಕೈಗೊಳ್ಳಲಾಗಿದೆ.
ಬಸ್ ರೂಟ್‌ ವ್ಯವಸ್ಥೆ ಹೀಗಿದೆ:
* ಶಿವಾಜಿನಗರದಿಂದ- ಕಾಡುಗೋಡಿ ಬಸ್ ನಿಲ್ದಾಣ ( ಮಾರ್ಗ: ಟ್ರಿನಿಟಿ, ದೊಮ್ಮಲೂರು, ಹೆಚ್ ಎ ಎಲ್, ಮಾರತಹಳ್ಳಿ),
* ಮೆಯೋ ಹಾಲ್ನಿಂದ ಸರ್ಜಾಪುರ (ಮಾರ್ಗ: ವಿವೇಕ್ ನಗರ, ಕೋರಮಂಗಲ, ಅಗರ),
* ಬ್ರಿಗೇಡ್ ರಸ್ತೆಯಿಂದ ಎಲೆಕ್ಟ್ರಾನಿಕ್ ಸಿಟಿ ( ಮಾರ್ಗ: ಆಡುಗೋಡಿ ಮಡಿವಾಳ,ಬೊಮ್ಮನಹಳ್ಳಿ),
* ಬ್ರಿಗೇಡ್ ರಸ್ತೆಯಿಂದ ಬನ್ನೇರುಘಟ್ಟ ನ್ಯಾಷನಲ್ ಪಾರ್ಕ್‌ವರೆಗೆ ( ಮಾರ್ಗ: ಆಡುಗೋಡಿ, ಜಯದೇವ ಆಸ್ಪತ್ರೆ ,ಹುಳಿಮಾವು ಗೇಟ್),
* ಶಾಂತಿನಗರ ಬಸ್ ನಿಲ್ದಾಣದಿಂದ ಕೆಂಗೇರಿ ಕೆಹೆಚ್ಬಿ ಕ್ವಾಟ್ರಸ್ವರೆಗೆ ( ಮಾರ್ಗ: ಮೈಸೂರು ರಸ್ತೆ, ನಾಯಂಡಳ್ಳಿ, ಕೆಂಗೇರಿ),
* ಕೆಂಪೇಗೌಡ ಬಸ್ ನಿಲ್ದಾಣದಿಂದ ಜನಪ್ರಿಯ ಟೌನ್ ಶಿಪ್ವರೆಗೆ ( ಮಾರ್ಗ: ಮಾಗಡಿ ರಸ್ತೆ, ಸುಂಕದಕಟ್ಟೆ ಗೊಲ್ಲರಹಟ್ಟಿ ),
* ಎಂಜಿ ರಸ್ತೆ ಮೆಟ್ರೋ ನಿಲ್ದಾಣದಿಂದ ನೆಲಮಂಗಲದವರೆಗೆ ( ಮಾರ್ಗ:ಶಿವಾಜಿನಗರ, ಮೇಕ್ರಿ ಸರ್ಕಲ್ ,ಯಶವಂತಪುರ),
* ಎಂಜಿ ರಸ್ತೆ ಮೆಟ್ರೋ ನಿಲ್ದಾಣದಿಂದ ಯಲಹಂಕ 5 ನೇ ಹಂತವರೆಗೆ ( ಮಾರ್ಗ: ಶಿವಾಜಿನಗರ, ಮೇಕ್ರಿ ಸರ್ಕಲ್, ಹೆಬ್ಬಾಳ)
* ಕೆ ಆರ್ ಮಾರ್ಕೆಟ್ನಿಂದ ಆರ್ ಕೆ ಹೆಗಡೆ ನಗರದವರೆಗೆ ( ಮಾರ್ಗ: ಶಿವಾಜಿನಗರ ಟ್ಯಾನರಿ ರೋಡ್ ನಾಗವಾರ),
* ಎಂಜಿ ರಸ್ತೆ ಮೆಟ್ರೋ ನಿಲ್ದಾಣದಿಂದ ಬಾಗಲೂರುವರೆಗೆ(ಮಾರ್ಗ: ಶಿವಾಜಿನಗರ, ಲಿಂಗರಾಜಪುರ, ಹೆಣ್ಣೂರು ಕ್ರಾಸ್)
