ಬೆಂಗಳೂರು: ಮದ್ಯದ ಅಮಲಿನಲ್ಲಿದ್ದ ದಂಪತಿ ನಗರದಲ್ಲಿ ರಂಪಾಟ ನಡೆಸಿದ್ದಾರೆ. ಮದ್ಯ ಸೇವಿಸಿ ಕಾರು ಚಲಾಯಿಸುತ್ತಿದ್ದ ಈ ದಂಪತಿಗೆ ಪೊಲೀಸರು ಪ್ರಶ್ನಿಸಿದ್ದಕ್ಕೆ, ನಡು ರಸ್ತೆಯಲ್ಲೇ ದಂಪತಿ ಜಗಳವಾಡಿಕೊಂಡಿರುವ ಘಟನೆ ಕಬ್ಬನ್ ಪಾರ್ಕ್ ಮೆಟ್ರೋ ನಿಲ್ದಾಣದ ಬಳಿ ನಡೆದಿದೆ ಎನ್ನಲಾಗ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.
ಬುಧವಾರ ರಾತ್ರಿ ಕ್ವೀನ್ಸ್ ರಸ್ತೆಯ ಕಬ್ಬನ್ ಪಾರ್ಕ್ ಮೆಟ್ರೋ ಸ್ಟೇಷನ್ ಬಳಿ ಸಂಚಾರಿ ಠಾಣಾ ಪೊಲೀಸರು ವಾಹನ ತಪಾಸಣೆ ನಡೆಸುತ್ತಿದ್ದು. ಈ ಸಂದರ್ಭದಲ್ಲಿ ಅಜಾಗರೂಕತೆಯಿಂದ ಬರುತ್ತಿದ್ದ ಕಾರನ್ನು ಪೊಲೀಸರು ತಡೆದು ಪರಿಶೀಲಿಸಿದ್ದಾರೆ. ವಾಹನದಲ್ಲಿ ಇಬ್ಬರು ಯುವಕರು, ಮೂವರು ಮಹಿಳೆಯರಿದ್ದರು. ಅದರಲ್ಲಿ ದಂಪತಿ ಮದ್ಯ ಸೇವಿಸಿದ್ದು, ವ್ಯಕ್ತಿ ಕಾರು ಚಲಾಯಿಸುತ್ತಿದ್ದ. ಪಾನಮತ್ತ ವ್ಯಕ್ತಿಯೇ ಕಾರು ಚಲಾಯಿಸುತ್ತಿದ್ದುದರಿಂದ ಪೊಲೀಸರು ಕಾರನ್ನು ಸೀಝ್ ಮಾಡಿದ್ದು, ದಂಡ ವಿಧಿಸಿದ್ದಾರೆ.
ಈ ಸಮಯದಲ್ಲಿ ಇರಾನ್ ಮೂಲದ ವ್ಯಕ್ತಿ, ಕಾರು ಮರಳಿಸುವಂತೆ ಪೊಲೀಸರಿಗೆ ಮನವಿ ಮಾಡಿದ್ದಾನೆ. ಆಗ ಆತನ ಪತ್ನಿ ಪೊಲೀಸರ ಬಳಿ ಹೋಗದಂತೆ ಪತಿಯನ್ನು ತಡೆದು ಜಗಳವಾಡಿದ್ದಾಳೆ. ಇದನ್ನು ಕಂಡು ಹೈರಾಣಾದ ಪೊಲೀಸರು, ನ್ಯಾಯಾಲಯಕ್ಕೆ ಬಂದು ಕಾರನ್ನು ಪಡೆಯಿರಿ ಎಂದು ಸೂಚಿಸಿದ್ದಾರೆ. ಈ ದಂಪತಿ ಜಗಳ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗ್ತಿದೆ.
ಇದನ್ನೂ ಓದಿ:ಪೊಲೀಸರಿಗೆ ಬೆದರಿಕೆ: AIMIM ಮುಖಂಡ ಮಜೀದ್ ವಿರುದ್ಧ ಕೇಸ್
