ಬಸ್​ಗಳಲ್ಲಿ ಪಟಾಕಿ ಸಾಗಣೆ: ನೆಲಮಂಗಲ ಆರ್​ಟಿಒ ಅಧಿಕಾರಿಗಳಿಂದ ತಪಾಸಣೆ

ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಖಾಸಗಿ ಬಸ್​ಗಳಲ್ಲಿ ಪಟಾಕಿ ಸಾಗಣೆ ಮಾಡಲಾಗುವ ಹಿನ್ನೆಲೆಯಲ್ಲಿ ನೆಲಮಂಗಲ ಆರ್​ಟಿಒ ಅಧಿಕಾರಿಗಳು ಇಲ್ಲಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಸ್​ಗಳ ತಪಾಸಣೆ ನಡೆಸಿದರು.

ನೆಲಮಂಗಲ: ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಖಾಸಗಿ ಬಸ್​ಗಳಲ್ಲಿ ಪಟಾಕಿ ಸಾಗಣೆ ಮಾಡುತ್ತಾರೆ. ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಹಿತದೃಷ್ಟಿಯಿಂದ ನೆಲಮಂಗಲ ಆರ್​ಟಿಒ ಅಧಿಕಾರಿಗಳು ಇಲ್ಲಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಸ್​ಗಳ ತಪಾಸಣೆ ನಡೆಸಿದರು.

ನೆಲಮಂಗಲ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಸುಮಾರು 50ಕ್ಕೂ ಹೆಚ್ಚು ಬಸ್​ಗಳನ್ನು ತನಿಖೆ ನಡೆಸಿದ್ದಾರೆ. ಈ ವೇಳೆ 18ಕ್ಕೂ ಹೆಚ್ಚು ಬಸ್​ಗಳ ರಹದಾರಿ ಉಲ್ಲಂಘನೆಗೆ ನೋಟಿಸ್ ನೀಡಿದ್ದು ತೆರಿಗೆ ಪಾವತಿ ಮಾಡದಿರುವ ಕಾರಣ ಒಂದು ಬಸ್​​ ವಶಕ್ಕೆ ಪಡೆದಿದ್ದಾರೆ.

ಸಾರಿಗೆ ಅಧಿಕಾರಿ ಗುರುಮೂರ್ತಿಯವರ ನಿರ್ದೇಶನದಲ್ಲಿ, ಜಂಟಿ ಸಾರಿಗೆ ಆಯುಕ್ತ ಮಲ್ಲಿಕಾರ್ಜುನರವರ ಆದೇಶದ ಮೇರೆಗೆ ಹಿರಿಯ ಮೋಟಾರು ವಾಹನ ನಿರೀಕ್ಷಕರಾದ ವಿವೇಕಾನಂದ ಮಲ್ಲೇಶ್, ಮಂಜುನಾಥ್ ಡಿ.ಎಸ್ ಒಡೆಯರ್​ ಅವರ ತಂಡ ಕಾರ್ಯಾಚರಣೆಯಲ್ಲಿ ಭಾಗವಹಿಸಿತ್ತು.