ನವದೆಹಲಿ: ಒಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದ ನೀರಜ್ ಚೋಪ್ರಾಗೆ ದೇಶ - ವಿದೇಶಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ನೀರಜ್ ಗೆಲುವನ್ನು ಇಡೀ ದೇಶವೇ ಸಂಭ್ರಮಿಸುತ್ತಿರುವ ಈ ಹೊತ್ತಲ್ಲಿ, ದೆಹಲಿಯ ಪಹರ್ಗಂಜ್ನಲ್ಲಿರುವ ಅಂಗಡಿಯೊಂದರ ಮಾಲೀಕರು ವಿಭಿನ್ನ ಕೆಲಸಕ್ಕೆ ಕೈ ಹಾಕಿದ್ದಾರೆ.
ಸೀತಾರಾಮ್ ದೇವನ್ಚಂದ್ ಎಂಬ ಅಂಗಡಿ ಮಾಲೀಕರು ಇಂದು ನೀರಜ್ ಎಂದು ಹೆಸರಿರುವ ಎಲ್ಲರಿಗೂ ಉಚಿತವಾಗಿ ಸ್ನ್ಯಾಕ್ಸ್ ಹಂಚಲು ಮುಂದಾಗಿದ್ದಾರೆ. ತಮ್ಮ (ನೀರಜ್) ಹೆಸರಿನ ಐಡಿ ತೋರಿಸಿದರೆ ಹಣ ತೆಗೆದುಕೊಳ್ಳುವುದಿಲ್ಲ ಎಂದು ಮಾಲೀಕರು ಹೇಳಿದ್ದಾರೆ.
ಅಂಗಡಿಗೆ ಬರುವ ಜನರು ತಮ್ಮೊಂದಿಗೆ ಹೆಸರಿರುವ (ನೀರಜ್) ಗುರುತಿನ ಚೀಟಿ ಹೊಂದಿದ್ದರೆ, ಅವರಿಗೆ ಚೋಲೆ-ಭಟುರೆ ಉಚಿತವಾಗಿ ನೀಡಲಾಗುತ್ತದೆ. ನೀರಜ್ ಚೋಪ್ರಾ ಚಿನ್ನದ ಪದಕ ಗೆದ್ದ ಖುಷಿಯಲ್ಲಿ ನಾವು ಈ ಕಾರ್ಯವನ್ನ ಹಮ್ಮಿಕೊಂಡಿದ್ದೇವೆಂದು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಆ.24ರಿಂದ ಪ್ಯಾರಾಲಿಂಪಿಕ್ಸ್: 54 ಸದಸ್ಯರ ಭಾರತ ತಂಡಕ್ಕೆ ಹೃದಯಸ್ಪರ್ಶಿ ಬೀಳ್ಕೊಡುಗೆ
ಇತ್ತೀಚೆಗಷ್ಟೇ ನಡೆದ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಜಾವಲಿನ್ ಎಸೆತದಲ್ಲಿ ನೀರಜ್ ಚೋಪ್ರಾ ಮೊದಲ ಸ್ಥಾನ ಗೆದ್ದು, ದೇಶಕ್ಕೆ ಚಿನ್ನದ ಪದಕ ತಂದು ಕೊಟ್ಟಿದ್ದರು.
