ಬಟ್ಲರ್​, ಮಾರ್ಗನ್​ ಆಟಕ್ಕೆ ತಲೆ ಬಾಗಿದ ಸಿಂಹಳೀಯರು : ಶ್ರೀಲಂಕಾ ವಿರುದ್ಧ ಗೆದ್ದು ಸೆಮಿಫೈನಲ್​ ಪ್ರವೇಶಿಸಿದ ಇಂಗ್ಲೆಂಡ್​

ಜೋಸ್​ ಬಟ್ಲರ್​ 67 ಎಸೆತಗಳಲ್ಲಿ ಅಜೇಯ 101 ರನ್​ಗಳಿಸಿ ಇಂಗ್ಲೆಂಡ್​ ತಂಡ 163 ರನ್​ಗಳ ಸವಾಲಿನ ಮೊತ್ತ ದಾಖಲಿಸಲು ನೆರವಾದರು. ಇಂಗ್ಲೆಂಡ್​ ನೀಡಿದ 164 ರನ್​ಗಳ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ್ದ ಶ್ರೀಲಂಕಾ ಹೀನಾಯ ಸೋಲು ಕಂಡಿತು. ಇಂಗ್ಲೆಂಡ್​ ತಂಡ ಈ ಗೆಲುವಿನ ಮೂಲಕ ಸೆಮಿ ಫೈನಲ್​ ಪ್ರವೇಶಿಸಿತು.

ಶಾರ್ಜಾ: ಆರಂಭಿಕ ಬ್ಯಾಟರ್​ ಜೋಸ್​ ಬಟ್ಲರ್​ ಅವರ ಸಿಡಿಲಬ್ಬರದ ಶತಕದ ನೆರವಿನಿಂದ ಇಂಗ್ಲೆಂಡ್​ ತಂಡ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 163 ರನ್​ಗಳಿಸಿದ್ದು, ಶ್ರೀಲಂಕಾ ತಂಡಕ್ಕೆ ಗೆಲ್ಲಲು 164 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ಗುರಿ ನೀಡಿತ್ತು. ಆದ್ರೆ ಗೆಲುವಿನ ಆಸೆ ಕಂಡಿದ್ದ ಶ್ರೀಲಂಕಾ ಕೊನೆಯಲ್ಲಿ ಎಡವಿದ್ದು, ಹೀನಾಯ ಸೋಲು ಕಂಡಿತು.

ಇಂಗ್ಲೆಂಡ್​ ಇನ್ನಿಂಗ್ಸ್​: ಟಾಸ್​ ಸೋತು ಬ್ಯಾಟಿಂಗ್ ಆರಂಭಿಸಿದ ಇಂಗ್ಲೆಂಡ್​ ಕೇವಲ 35 ರನ್​ಗಳಾಗುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡು ಆಘಾತಕ್ಕೀಡಾಯಿತು. ಆದರೆ ಬಟ್ಲರ್​ 67 ಎಸೆತಗಳಲ್ಲಿ ತಲಾ 6 ಬೌಂಡರಿ ಮತ್ತು 6 ಸಿಕ್ಸರ್​ಗಳ ನೆರವಿನಿಂದ ಅಜೇಯ 101 ರನ್​ಗಳಿಸಿ 163 ರನ್​ಗಳ ಸವಾಲಿನ ಮೊತ್ತ ದಾಖಲಿಸಲು ನೆರವಾದರು.

ಇವರಿಗೆ ಸಾಥ್ ನೀಡಿದ ನಾಯಕ ನಾಯಕ ಮಾರ್ಗನ್​ 36 ಎಸೆತಗಳಲ್ಲಿ ಒಂದು ಬೌಂಡರಿ ಮತ್ತು 3 ಸಿಕ್ಸರ್​ಗಳ ನೆರವಿನಿಂದ 40 ರನ್​ಗಳಿಸಿದರು. ಜೇಸನ್ ರಾಯ್ (9), ಡೇವಿಡ್ ಮಲನ್ (6) ಹಾಗೂ ಬೈರ್​ಸ್ಟೋವ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.ಶ್ರೀಲಂಕಾ ಪರ ವನಿಂಡು ಹಸರಂಗ 21 ರನ್​ ನೀಡಿ 3 ವಿಕೆಟ್​ ಪಡೆದರು. ತೀಕ್ಷಾನ 4 ಓವರ್​ಗಳಲ್ಲಿ ಕೇವಲ 13 ರನ್​ ನೀಡಿ ಆಂಗ್ಲರ ರನ್​ಗತಿಗೆ ಕಡಿವಾಣ ಹಾಕಿದರು. ಆದರೆ ವೇಗಿಗಳಾದ ಚಮೀರ (43ಕ್ಕೆ1), ಲಹಿರು ಕುಮಾರ (44) ದುಬಾರಿಯಾದರು.

• England's unbeaten run continues 🔥#T20WorldCup | #ENGvSL | https://t.co/06x6wzNqW1 pic.twitter.com/z5XP93NwTS

  — ICC (@ICC) November 1, 2021 " class="align-text-top noRightClick twitterSection" data="

  England's unbeaten run continues 🔥#T20WorldCup | #ENGvSL | https://t.co/06x6wzNqW1 pic.twitter.com/z5XP93NwTS

  — ICC (@ICC) November 1, 2021

  ">

  England's unbeaten run continues 🔥#T20WorldCup | #ENGvSL | https://t.co/06x6wzNqW1 pic.twitter.com/z5XP93NwTS

  — ICC (@ICC) November 1, 2021

ಶ್ರೀಲಂಕಾ ಇನ್ನಿಂಗ್ಸ್​: ಇಂಗ್ಲೆಂಡ್​ ನೀಡಿದ ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನತ್ತಿದ್ದ ಶ್ರೀಲಂಕಾಕ್ಕೆ ಆರಂಭಿಕ ಆಘಾತ ಎದುರಾಯಿತು. ನಿಸ್ಸಾಂಕ್​ ಮೊದಲ ಓವರ್​ನಲ್ಲೇ ರನ್​ಔಟ್​ಗೆ ಗುರಿಯಾದರು. ಶ್ರೀಲಂಕಾ ತಂಡ 24 ರನ್​ಗಳಿಸಿದ್ದಾಗ ಚರಿತ್ ಅಸಲಂಕಾ 21 ರನ್​ಗಳಿಸಿ ಪೆವಿಲಿಯನ್​ ಹಾದಿ ಹಿಡಿದರು.

ಬಳಿಕ ಬಂದ ಪೆರೆರಾ (7) ಮತ್ತು ಫರ್ನಾಂಡೋ (13) ಹೆಚ್ಚು ಹೊತ್ತು ಕ್ರಿಸ್​ನಲ್ಲಿ ಉಳಿಯದೇ ಪೆವಿಲಿಯನ್​ಗೆ ಮರಳಿದರು. ಶ್ರೀಲಂಕಾ ತಂಡ 57 ರನ್​ಗಳಿಗೆ 4 ವಿಕೆಟ್​ಗಳನ್ನು ಕಳೆದುಕೊಂಡು ತೀವ್ರ ಸಂಕಷ್ಟಕ್ಕೆ ಸಿಲುಕಿತು. ಬಳಿಕ ಬಂದ ರಾಜಪಕ್ಸಾ (26), ನಾಯಕ ದಸುನ್​ ಸನಕ್ (26) ಮತ್ತು ಹಸರಂಗ್​ (34) ಅವರ ಅದ್ದೂರಿ ಬ್ಯಾಟಿಂಗ್​ ಪ್ರದರ್ಶನದಿಂದ ಗೆಲುವಿನ ಆಸೆ ಕಂಡಿತು. ಬಳಿಕ ಮೇಲಿಂದ ಮೇಲೆ ವಿಕೆಟ್​ಗಳು ಉರುಳಿದ್ದರಿಂದ ಮತ್ತೆ ಶ್ರೀಲಂಕಾ ತಂಡ ತೀವ್ರ ಸಂಕಟಕ್ಕೆ ಸಿಲುಕಿ ಸೋಲು ಕಂಡಿತು.

ಇಂಗ್ಲೆಂಡ್​ ತಂಡದ ಪರ ಮೋಯಿನ್​ ಅಲಿ, ಆದಿಲ್​ ರಶೀದ್, ಕ್ರಿಸ್​ ಜೋರ್ಡಾನ್​ ತಲಾ ಎರಡು ವಿಕೆಟ್​ಗಳನ್ನು ಪಡೆದು ಮಿಂಚಿದರು. ಕ್ರಿಸ್​ ವೋಕ್ಸ್​ ಮತ್ತು ಲೈಮ್​ ಲಿವಿಂಗ್​ಸ್ಟೋನ್​ ತಲಾ ಒಂದೊಂದು ವಿಕೆಟ್​ ಪಡೆದು ತಂಡದ ಗೆಲುವಿಗೆ ಆಸರೆಯಾದರು. ಈ ಗೆಲುವಿನಿಂದ ಇಂಗ್ಲೆಂಡ್​ ತಂಡ ಪಾಯಿಂಟ್​ ಟೇಬಲ್​ನಲ್ಲಿ 8 ಅಂಕಗಳನ್ನು ಪಡೆಯುವ ಮೂಲಕ ಸೆಮಿ ಫೈನಲ್​ನ್ನು ಪ್ರವೇಶಿಸಿದೆ ಮೊದಲ ತಂಡವಾಗಿದೆ.