Hockey: ಏಷ್ಯಾಡ್​ ಹಾಕಿಯಲ್ಲಿ ಇಂದು ಭಾರತ-ಪಾಕಿಸ್ತಾನ ಪೈಪೋಟಿ; ನೆರೆ ದೇಶಕ್ಕೆ ಮಾಡು ಇಲ್ಲವೇ ಮಡಿ ಪಂದ್ಯ!

Asian Hockey Champions Trophy: ಏಷ್ಯನ್ ಹಾಕಿ ಚಾಂಪಿಯನ್ಸ್​​ ಟ್ರೋಫಿಯಲ್ಲಿ ಇಂದು ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನದ ನಡುವೆ ಪಂದ್ಯ ನಡೆಯಲಿದೆ.

ಚೆನ್ನೈ (ತಮಿಳುನಾಡು): ಏಷ್ಯನ್ ಹಾಕಿ ಚಾಂಪಿಯನ್ಸ್​​ ಟ್ರೋಫಿಯಲ್ಲಿಂದು ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ. ಸಾಂಪ್ರದಾಯಿಕ ಬದ್ಧ ಎದುರಾಳಿಗಳ ಪಂದ್ಯ ಕ್ರೀಡಾಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ಪಾಕಿಸ್ತಾನ ಸೆಮಿಸ್​ಗೇರಲು ಇದು ಮಾಡು ಇಲ್ಲವೇ ಮಡಿ ಪಂದ್ಯ. ಇನ್ನೊಂದೆಡೆ, ಭಾರತ ರಾಬಿನ್​ ರೌಂಡ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದು, ಸೆಮಿಫೈನಲ್​ ಸ್ಥಾನವನ್ನು ಈಗಾಗಲೇ ಖಚಿತಪಡಿಸಿಕೊಂಡಿದೆ.

ಏಷ್ಯಾಡ್​ನಲ್ಲಿ ಭಾರತ ಉತ್ತಮ ಲಯದಲ್ಲಿದ್ದು, ನಾಲ್ಕು ಪಂದ್ಯದಲ್ಲಿ 3ನ್ನು ಗೆದ್ದು ಒಂದರಲ್ಲಿ ಡ್ರಾ ಸಾಧಿಸಿ 10 ಅಂಕಗಳಿಂದ ಟಾಪ್​ ತಂಡವಾಗಿ ಹೊರಹೊಮ್ಮಿದೆ. ಚೀನಾ (7-2 ಗೋಲು), ಮಲೇಷ್ಯಾ (5-0) ಮತ್ತು ದಕ್ಷಿಣ ಕೊರಿಯಾ ತಂಡದೆದುರು (3-2) ರಿಂದ ಭಾರತ ಜಯಭೇರಿ ಸಾಧಿಸಿತ್ತು. ಜಪಾನ್ (1-1)​ ಎದುರು ಮಾತ್ರ ಡ್ರಾ ಮೂಲಕ ಪಂದ್ಯ ಅಂತ್ಯವಾಗಿತ್ತು.

• The big day is here! A new chapter will be added to the historic rivalry of India & Pakistan, as the teams face off in the final match of the group stages of the Hero Asian Champions Trophy today!
  
  🏑 - India vs Pakistan
  ⏰ - 20:30 IST
  📲 - Follow LIVE on https://t.co/71D0pOq2OG pic.twitter.com/K9fF5UC7ed

  — International Hockey Federation (@FIH_Hockey) August 9, 2023 " class="align-text-top noRightClick twitterSection" data="

  The big day is here! A new chapter will be added to the historic rivalry of India & Pakistan, as the teams face off in the final match of the group stages of the Hero Asian Champions Trophy today!
  
  🏑 - India vs Pakistan
  ⏰ - 20:30 IST
  📲 - Follow LIVE on https://t.co/71D0pOq2OG pic.twitter.com/K9fF5UC7ed

  — International Hockey Federation (@FIH_Hockey) August 9, 2023

  ">

  The big day is here! A new chapter will be added to the historic rivalry of India & Pakistan, as the teams face off in the final match of the group stages of the Hero Asian Champions Trophy today!
  
  🏑 - India vs Pakistan
  ⏰ - 20:30 IST
  📲 - Follow LIVE on https://t.co/71D0pOq2OG pic.twitter.com/K9fF5UC7ed

  — International Hockey Federation (@FIH_Hockey) August 9, 2023

ಪಾಕಿಸ್ತಾನ ಆಡಿರುವ ನಾಲ್ಕು ಪಂದ್ಯಗ ಪೈಕಿ 1ರಲ್ಲಿ ಗೆದ್ದು, ಮೂರರಲ್ಲಿ ಡ್ರಾ ಸಾಧಿಸಿದೆ. ಇಂದಿನ ಪಂದ್ಯವನ್ನೂ ಡ್ರಾ ಮಾಡಿಕೊಂಡಲ್ಲಿ ಅಥವಾ ಗೆದ್ದಲ್ಲಿ ಮಾತ್ರ ಮುಂದಿನ ಹಂತವಾದ ಸೆಮಿಸ್​​ಗೆ ಪ್ರವೇಶ ಪಡೆಯಲು ಸಾಧ್ಯವಿದೆ. ಇಂದು ರೌಂಡ್​ ರಾಬಿನ್​ ಸುತ್ತಿನಲ್ಲಿ ಚೀನಾ ಮತ್ತು ಜಪಾನ್​ ಮುಖಾಮುಖಿ ಆಗುತ್ತಿವೆ. ಪಂದ್ಯದಲ್ಲಿ ಜಪಾನ್​ ಜಯಶಾಲಿಯಾದರೆ ಪಾಕಿಸ್ತಾನದ ಹಾದಿ ಕಠಿಣವಾಗಲಿದೆ. ಹಾಗಾಗಿ ಸೆಮಿಸ್​ ಪ್ರವೇಶಕ್ಕೆ ಭಾರತದ ವಿರುದ್ಧ ಗೆಲುವು ಅನಿವಾರ್ಯ. ಸದ್ಯ ಪಾಕ್​ ಅಂಕಪಟ್ಟಿಯಲ್ಲಿ 5 ಅಂಕ ಹೊಂದಿದೆ.

ಭಾರತಕ್ಕೆ ಗೆಲುವಿನ ರೇಟಿಂಗ್​ ಹೆಚ್ಚಿದೆ. ಇದಕ್ಕೆ ಕಾರಣ ಅನುಭವಿಗಳ ಬಲ. ವಿಶ್ವ ಶ್ರೇಯಾಂಕ ಪಟ್ಟಿಯಲ್ಲಿ ಭಾರತ ನಾಲ್ಕನೇ ಸ್ಥಾನದಲ್ಲಿದೆ. ಹೀಗಾಗಿ, 16ನೇ ರ್‍ಯಾಂಕಿಂಗ್‌ ಮತ್ತು ಹೆಚ್ಚು ಯುವ ಆಟಗಾರರನ್ನೇ ಒಳಗೊಂಡಿರುವ ಪಾಕಿಸ್ತಾನವನ್ನು ಸುಲಭವಾಗಿ ಮಣಿಸಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಸೆಮಿಫೈನಲ್​ಗೆ ಅರ್ಹತೆ ಪಡೆಯಲು ಪ್ರಬಲ ಪೈಪೋಟಿ ನೀಡುವ ನಿರೀಕ್ಷೆಯೂ ಇದೆ.

ಭಾರತ- ಪಾಕಿಸ್ತಾನ ಎರಡೂ ತಂಡಗಳು ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಇತಿಹಾಸದಲ್ಲಿ ತಲಾ ಮೂರು ಚಾಂಪಿಯನ್​ ಆಗಿವೆ. ಕೊನೆಯ ಬಾರಿಗೆ, ಜಕಾರ್ತಾದಲ್ಲಿ ನಡೆದ 2022ರ ಏಷ್ಯಾ ಕಪ್​ನಲ್ಲಿ ಮುಖಾಮುಖಿ ಆಗಿದ್ದಾಗ ಪಂದ್ಯ 1-1 ಡ್ರಾ ಆಗಿತ್ತು. 2016ರಲ್ಲಿ ಭಾರತ ಎಸ್​ಎಎಫ್ ಗೇಮ್ಸ್​ನಲ್ಲಿ ಪಾಕಿಸ್ತಾನ ವಿರುದ್ಧ ಸೋಲುಂಡಿತ್ತು. ನಂತರ ಉಭಯ ತಂಡಗಳು 14 ಪಂದ್ಯಗಳಲ್ಲಿ ಮುಖಾಮುಖಿ ಆಗಿದ್ದು, ಭಾರತ 12 ರಲ್ಲಿ ಗೆದ್ದು, ಎರಡರಲ್ಲಿ ಡ್ರಾ ಸಾಧಿಸಿದೆ.

ಇಂದಿನ ಪಂದ್ಯ ಎಲ್ಲಿ?: ಮೇಯರ್ ರಾಧಾಕೃಷ್ಣನ್ ಕ್ರೀಡಾಂಗಣ, ಚೆನ್ನೈ

ಸಮಯ: ರಾತ್ರಿ 8:30ಕ್ಕೆ.

ಇದನ್ನೂ ಓದಿ: ವಿಶ್ವ ಯೂನಿರ್ವಸಿಟಿ ಗೇಮ್ಸ್‌ನಲ್ಲಿ ಭಾರತಕ್ಕೆ ದಾಖಲೆಯ 26 ಪದಕ: ಅಥ್ಲೀಟ್‌ಗಳಿಗೆ ಶುಭಾಶಯ ಕೋರಿದ ಪ್ರಧಾನಿ