ರಾಂಚಿ : ಭಾರತದ ಅರ್ಚರಿ ಸ್ಟಾರ್ಗಳಾದ ದೀಪಿಕಾ ಕುಮಾರಿ ಹಾಗೂ ಅತುನು ದಾಸ್ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಅಲ್ಲದೆ ಸೈನಾ-ಕಶ್ಯಪ್, ದಿನೇಶ್ ಕಾರ್ತಿಕ್- ದೀಪಿಕಾ ಪಳ್ಳಿಕಲ್ರಂತೆ ಕ್ರೀಡಾ ಜೋಡಿಗಳ ಸಾಲಿಗೆ ಸೇರಿಕೊಂಡಿದ್ದಾರೆ.
ಸಾಮಾಜಿ ಅಂತರ ಹಾಗೂ ಮಾಸ್ಕ್ ಬಳಕೆ ಹಾಗೂ ಸ್ಯಾನಿಟೈಸರ್ ಬಳಕೆ ಸೇರಿ ಕೋವಿಡ್ ನಿಯಮಗಳನ್ನು ಪಾಲಿಸಿ ಈ ಜೋಡಿ ವಿವಾಹ ನೆರವೇರಿಸಿಕೊಂಡರು. ಆತನು ದಾಸ್ ಕೋಲ್ಕತ್ತಾದದಿಂದ ರಾಂಚಿಗೆ ತೆರಳಿ ಅವರ ಸಾಂಪ್ರಾಯದಂತೆ ವಿವಾಹ ಮಾಡಿಕೊಂಡಿದ್ದಾರೆ.
2008ರಲ್ಲಿ ಮೊದಲ ಬಾರಿ ಭೇಟಿಯಾಗಿದ್ದ ಈ ಜೋಡಿ 2019ರಲ್ಲಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದರು. ಈ ಜೋಡಿಯ ವಿವಾಹಕ್ಕೆ ಮಾಜಿ ಜಾರ್ಖಂಡ್ ಸಿಎಂ ಹೇಮಂತ್ ಸೋರೆನ್ ಹಾಗೂ ಅರ್ಚರಿ ಅಸೋಸಿಯೇಷನ್ ಆಫ್ ಇಂಡಿಯಾದ ಅರ್ಜುನ್ ಮುಂಡಾ ಆಗಮಿಸಿದ್ದರು.
ದೀಪಿಕಾ ಕುಮಾರಿ ಅರ್ಚರಿ ವಿಶ್ವಕಪ್ನಲ್ಲಿ 5 ಭಾರಿ ಚಿನ್ನದ ಪದಕ ಪಡೆದಿದ್ದಾರೆ. ಎರಡು ಬಾರಿ ವೈಯಕ್ತಿಕ ಹಾಗೂ 3 ಬಾರಿ ತಂಡದ ವಿಭಾಗದಲ್ಲಿ ಪದಕ ಮುಡಿಗೇರಿಸಿಕೊಂಡಿದ್ದಾರೆ. ಅವರಿಗೆ 2012ರಲ್ಲಿ ಅರ್ಜುನ ಪ್ರಶಸ್ತಿ, 2016ರಲ್ಲಿ ಭಾರತ ಸರ್ಕಾರ ಪದ್ಮಶ್ರೀ ಪ್ರಶಸ್ತಿ ನೀಡಿ ಗೌರವಿಸಿದೆ.
