ನವದೆಹಲಿ: ಇತ್ತೀಚೆಗೆ ಕೋಪಾ ಅಮೆರಿಕ ಕಪ್ ಗೆಲ್ಲುವ ಮೂಲಕ ವೃತ್ತಿ ಜೀವನದಲ್ಲಿ ಮೊಟ್ಟ ಮೊದಲ ಪ್ರಮುಖ ಟ್ರೋಫಿ ಗೆದ್ದ ಶ್ರೇಯಕ್ಕೆ ಪಾತ್ರರಾಗಿದ್ದ ಅರ್ಜೆಂಟೀನಾ ತಂಡದ ನಾಯಕ ಲಿಯೋನಲ್ ಮೆಸ್ಸಿ ಇನ್ಸ್ಟಾಗ್ರಾಮ್ನಲ್ಲಿ ವಿಶೇಷ ದಾಖಲೆಗೆ ಪಾತ್ರರಾಗಿದ್ದಾರೆ.
ಲಿಯೋನಲ್ ಮೆಸ್ಸಿ ಕೋಪಾ ಅಮೆರಿಕ ಟ್ರೋಫಿಯೊಂದಿಗೆ ಕುಳಿತು ಪೋಸ್ ಕೊಟ್ಟಿರುವ ಫೋಟೋ ಬರೋಬ್ಬರಿ 2 ಕೋಟಿ ಲೈಕ್ ಗಿಟ್ಟಿಸಿಕೊಂಡಿದೆ. ಇದು ಕ್ರೀಡಾಪಟುವೊಬ್ಬನ ಪೋಸ್ಟ್ ಸಾಮಾಜಿಕ ಜಾಲಾತಾಣದಲ್ಲಿ ಪಡೆದ ಗರಿಷ್ಠ ಲೈಕ್ ಎಂಬ ಹೆಗ್ಗಳಿಕೆ ಪಡೆದಿದೆ.
ಈ ಹಿಂದೆ ಪೋರ್ಚುಗಲ್ ತಂಡದ ನಾಯಕ ಕ್ರಿಶ್ಚಿಯನ್ ರೊನಾಲ್ಡೊ ಫುಟ್ಬಾಲ್ ದಂತಕತೆ ಡಿಯಾಗೋ ಮರಡೋನಾ ಅವರಿಗೆ ಸಂತಾಪ ಸೂಚಿಸಿ ಮಾಡಿದ್ದ ಪೋಸ್ಟ್ 19.8 ಮಿಲಿಯನ್(1.98 ಕೋಟಿ) ಲೈಕ್ ಪಡೆದಿದ್ದ ಪೋಸ್ಟ್ ಇಲ್ಲಿಯವರೆಗಿನ ಗರಿಷ್ಠ ಲೈಕ್ ಪಡೆದ ಪೋಸ್ಟ್ ಆಗಿತ್ತು.
ಇದನ್ನು ಓದಿ:ಬ್ರೆಜಿಲ್ ಮಣಿಸಿ 28 ವರ್ಷಗಳ ಬಳಿಕ ಕೋಪಾ ಅಮೆರಿಕಾ ಕಪ್ ಗೆದ್ದ ಮೆಸ್ಸಿ ಪಡೆ
ಮೆಸ್ಸಿ ಕೋಪಾ ಅಮೆರಿಕ ಟ್ರೋಫಿ ಗೆದ್ದ ನಂತರ, "ಇದೆಂಥಾ ಸುಂದರವಾದ ಹುಚ್ಚು, ನನಗೆ ನಂಬಲಾಗುತ್ತಿಲ್ಲ, ಧನ್ಯವಾದಗಳು ದೇವರೆ, ನಾವೀಗ ಚಾಂಪಿಯನ್ಸ್" ಎಂದು ಬರೆದು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದರು.
ಲಿಯೋನಲ್ ಮೆಸ್ಸಿ ಬಾರ್ಸಿಲೋನಾ ಕ್ಲಬ್ನೊಂದಿಗಿನ ವಿರಸ ಮರೆತು ಮತ್ತೆ 5 ವರ್ಷಗಳ ಕಾಲ ಕ್ಲಬ್ ಪರ ಆಡಲು ಒಪ್ಪಿಗೆ ಸೂಚಿಸಿದ್ದಾರೆ. ವಿಶೇಷವೆಂದರೆ ನಷ್ಟದಲ್ಲಿರುವ ಕ್ಲಬ್ನ ಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ತಮ್ಮ ಹಿಂದಿನ ಒಪ್ಪಂದದ ಅರ್ಧದಷ್ಟ ಮೊತ್ತಕ್ಕೆ ಮಾತ್ರ ಒಪ್ಪಂದ ಮಾಡಿಕೊಂಡಿದ್ದಾರೆ.
ಇದನ್ನು ಓದಿ: ನಷ್ಟದಲ್ಲಿರುವ ಬಾರ್ಸಿಲೋನಾ ಕೈಬಿಡದ ಮೆಸ್ಸಿ.. 5 ವರ್ಷಗಳ ಹೊಸ ಒಪ್ಪಂದಕ್ಕೆ ಅರ್ಜೆಂಟೀನಾ ಸ್ಟಾರ್‌ ಸಹಿ..
