ಐಸಿಸಿ ಟಿ20 ರ್‍ಯಾಂಕ್​: 'SKY' ತಲುಪಲು ರಿಜ್ವಾನ್​, ಬಾಬರ್​ ಫೈಟ್​​

ಭಾರತ ಲೀಗ್​​ ಪಂದ್ಯದಲ್ಲಿ ತೊಡಗಿರುವಾಗ ಪಾಕಿಸ್ತಾನ ಅಂತಾರಾಷ್ಟ್ರೀಯ ಪಂದ್ಯ ಆಡುತ್ತಿದ್ದು, ಇದು ಐಸಿಸಿ ರ್‍ಯಾಂಕಿಂಗ್​ನಲ್ಲಿ ಪಾಕ್ ಆಟಗಾರರಿಗೆ ಲಾಭವಾಗುತ್ತಿದೆ.

ದುಬೈ: ಐಸಿಸಿ ಟಿ20 ರ್‍ಯಾಂಕಿಂಗ್​ನಲ್ಲಿ ಅಗ್ರಸ್ಥಾನಕ್ಕಾಗಿ ಪೈಪೋಟಿ ಹೆಚ್ಚಾಗಿದೆ. ಪಾಕಿಸ್ತಾನದ ಬ್ಯಾಟರ್‌ಗಳಾದ ಮೊಹಮ್ಮದ್ ರಿಜ್ವಾನ್ ಮತ್ತು ಬಾಬರ್ ಅಜಮ್ ಭಾರತದ ಸ್ಟಾರ್​ ಟಿ20 ಪ್ಲೇಯರ್​ ಸೂರ್ಯ ಕುಮಾರ್​ ಯಾದವ್​ ಅವರ ಸ್ಥಾನ ಕಬಳಿಸಲು ಹಣಾಹಣಿಗೆ ಬಿದ್ದಿದ್ದಾರೆ. ಇಂದು ನವೀಕರಿಸಲಾದ ಶ್ರೇಯಾಂಕ ಪಟ್ಟಿಯಲ್ಲಿ ಪಾಕ್​ ಆಟಗಾರರು ಏರಿಕೆ ಕಂಡಿದ್ದಾರೆ.

ಪಾಕ್​ ಆಟಗಾರರಿಗೆ ಸೂರ್ಯ ಕುಮಾರ್ ಯಾದವ್​(SKY) ಸ್ಥಾನಕ್ಕೇರಲು ಅವಕಾಶವಿದೆ. ಇದಕ್ಕಾಗಿ ಇಬ್ಬರು ಆಟಗಾರರ ನಡುವೆಯೇ ಅಗ್ರಸ್ಥಾನಕ್ಕಾಗಿ ಪೈಪೋಟಿ ಏರ್ಪಟ್ಟಿದೆ. ಇದೇ ತಿಂಗಳ 14 ರಿಂದ ನ್ಯೂಜಿಲೆಂಡ್​ ವಿರುದ್ಧ ತವರಿನಲ್ಲಿ ಪಾಕಿಸ್ತಾನ 5 ಟಿ20 ಪಂದ್ಯಗಳ ಸರಣಿ ಆಡುತ್ತಿದೆ. ಇದು ಪಾಕ್​ ಆಟಗಾರರ ಶ್ರೇಯಾಂಕಕ್ಕೆ ಸಹಕಾರಿಯಾಗಲಿದೆ.

• A pair of Pakistan superstars are aiming for Suryakumar Yadav's top spot in the @MRFWorldwide ICC Men's T20I Batting Rankings 👀
  
  Details 👇 https://t.co/m6k3m1A35h

  — ICC (@ICC) April 12, 2023 " class="align-text-top noRightClick twitterSection" data="

  A pair of Pakistan superstars are aiming for Suryakumar Yadav's top spot in the @MRFWorldwide ICC Men's T20I Batting Rankings 👀
  
  Details 👇 https://t.co/m6k3m1A35h

  — ICC (@ICC) April 12, 2023

  ">

  A pair of Pakistan superstars are aiming for Suryakumar Yadav's top spot in the @MRFWorldwide ICC Men's T20I Batting Rankings 👀
  
  Details 👇 https://t.co/m6k3m1A35h

  — ICC (@ICC) April 12, 2023

ಸೂರ್ಯ ಕುಮಾರ್ ಯಾದವ್ ಪ್ರಸ್ತುತ 906 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ಟಿ20 ಶ್ರೇಯಾಂಕದಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಎರಡನೇ ಸ್ಥಾನದಲ್ಲಿ ರಿಜ್ವಾನ್ (811) ಮತ್ತು ಮೂರನೇ ಸ್ಥಾನದಲ್ಲಿ ಬಾಬರ್ (755) ಇದ್ದಾರೆ. ಭಾರತದಲ್ಲಿ ಐಪಿಎಲ್​ ನಡೆಯುವ ಸಂದರ್ಭದಲ್ಲಿ ಪಾಕಿಸ್ತಾನ ಅಂತಾರಾಷ್ಟ್ರೀಯ ಪಂದ್ಯ ಆಡುತ್ತಿರುವುದರಿಂದ ರಿಜ್ವಾನ್​ ಮತ್ತು ಬಾಬರ್​ಗೆ ನೆರವಾಗುತ್ತಿದೆ.

ಇತ್ತೀಚೆಗೆ ಶ್ರೀಲಂಕಾ ತಂಡ ನ್ಯೂಜಿಲೆಂಡ್​ ಪ್ರವಾಸ ಕೈಗೊಂಡಿತ್ತು. ಸರಣಿಯಲ್ಲಿ ಕಿವೀಸ್​ನ ಡೆವೊನ್ ಕಾನ್ವೆ ಅನುಪಸ್ಥಿತಿಯಿಂದಾಗಿ ಬಾಬರ್ ನವೀಕೃತ ಶ್ರೇಯಾಂಕದಲ್ಲಿ ಒಂದು ಸ್ಥಾನ ಏರಿಕೆ ಕಂಡಿದ್ದಾರೆ. ಕಾನ್ವೆ ಇಳಿಕೆಯಿಂದ ದಕ್ಷಿಣ ಆಫ್ರಿಕಾದ ಆ್ಯಡಂ​ ಮಾಕ್ರಮ್​ ಕೂಡ ಒಂದು ಸ್ಥಾನದ ಏರಿಕೆ ಕಂಡಿದ್ದಾರೆ. ಕಾನ್ವೆ (745) ಮೂರರಿಂದ 5ನೇ ಸ್ಥಾನಕ್ಕೆ ಕುಸಿದಿದ್ದಾರೆ.

ಇದನ್ನೂ ಓದಿ: ಕೊನೆಯ ಓವರ್​ ಥ್ರಿಲ್ಲರ್​ ಗೆದ್ದ ಮುಂಬೈಗೆ ಮೊದಲ ಗೆಲುವಿನ ಸಿಂಚನ: ಡೆಲ್ಲಿಗೆ 4 ನೇ ಸೋಲು

ಸೂರ್ಯ ಕುಮಾರ್​ ಯಾದವ್​ ಹೊರತಾಗಿ ಟಾಪ್​ ಹತ್ತರ ಟಿ20 ರ್‍ಯಾಂಕಿಂಗ್​ನಲ್ಲಿ ಬೇರೆ ಯಾವುದೇ ಆಟಗಾರರಿಲ್ಲ. 15ನೇ ಸ್ಥಾನದಲ್ಲಿ ವಿರಾಟ್​ ಕೊಹ್ಲಿ (612) ಇದ್ದರೆ, ಲೋಕೇಶ್​ ರಾಹುಲ್​ (548) 31ನೇ ಸ್ಥಾನದಲ್ಲಿದ್ದಾರೆ. ರೋಹಿತ್​ ಶರ್ಮಾ (545) ಮತ್ತು ಶುಭಮನ್​ ಗಿಲ್​ (542) ಕ್ರಮವಾಗಿ 34 ಮತ್ತು 35ನೇ ಸ್ಥಾನದಲ್ಲಿದ್ದಾರೆ. ಸದ್ಯ ಭಾರತ ತಂಡ ಅಂತಾರಾಷ್ಟ್ರೀ ಟಿ20 ಪಂದ್ಯಗಳನ್ನು ಆಡುತ್ತಿಲ್ಲ. ಮುಂಬರುವ ಟೆಸ್ಟ್​ ಚಾಂಪಿಯನ್​ ಶಿಪ್​ ನಂತರ ಏಕದಿನ ವಿಶ್ವಕಪ್​ ಹಿನ್ನೆಲೆಯಲ್ಲಿ ಒನ್​-ಡೇ ಮಾದರಿಯ ಕ್ರಿಕೆಟ್ ಮೇಲೆ ತಂಡ ಹೆಚ್ಚು ಗಮನ ಕೇಂದ್ರೀಕರಿಸಲಿದೆ.

ಬೌಲಿಂಗ್​ ಶ್ರೇಯಾಂಕ: ಟಿ20 ಬೌಲಿಂಗ್ ರ್‍ಯಾಂಕಿಂಗ್​ನ ಟಾಪ್​ ಟೆನ್​ ಸ್ಥಾನದಲ್ಲಿ ಯಾವುದೇ ಭಾರತೀಯ ಬೌಲರ್​ಗಳಿಲ್ಲ. 14ನೇ ಸ್ಥಾನದಲ್ಲಿ ಅರ್ಷದೀಪ್​ ಸಿಂಗ್​ ಇದ್ದರೆ, 18ನೇ ಸ್ಥಾನದಲ್ಲಿ ಭುವನೇಶ್ವರ್​ ಕುಮಾರ್​ ಇದ್ದಾರೆ. ಲಂಕಾ ಬೌಲರ್​ ​ಮಹಿಷ್ ತೀಕ್ಷ್ಣ ನ್ಯೂಜಿಲೆಂಡ್​ ಸರಣಿಯಲ್ಲಿ ಮ್ಯಾಚ್​ ವಿನ್ನಿಂಗ್ ಪ್ರದರ್ಶನ ನೀಡಿ ಭರ್ಜರಿ ಏರಿಕೆ ಕಂಡಿದ್ದಾರೆ. 13ನೇ ಸ್ಥಾನದಲ್ಲಿದ್ದ ಅವರು 684 ಅಂಕದಿಂದ 5ನೇ ಶ್ರೇಯಾಂಕಕ್ಕೆ ಏರಿದ್ದಾರೆ. ವನಿಂದು ಹಸರಂಗ ಎರಡನೇ ಸ್ಥಾನದಿಂದ 4ಕ್ಕೆ ಕುಸಿದಿದ್ದಾರೆ.

ಇದನ್ನೂ ಓದಿ: ಧೋನಿ ನಾಯಕತ್ವದಲ್ಲಿ 200ನೇ IPL ಪಂದ್ಯ: ಗೆಲುವಿನ ಉಡುಗೊರೆ ನೀಡುತ್ತೇವೆ- ಜಡೇಜಾ