ಮೊಣಕಾಲಿಗೆ ಗಾಯ, ಲಂಕಾ ಸರಣಿಯಿಂದ ಸಂಜು ಸ್ಯಾಮ್ಸನ್​ ಔಟ್​: ಜಿತೇಶ್ ಶರ್ಮಾಗೆ ಚಾನ್ಸ್​

ಫೀಲ್ಡಿಂಗ್​ ಮಾಡುವಾಗ ಗಾಯ ಮಾಡಿಕೊಂಡಿರುವ ಸಂಜು ಸ್ಯಾಮ್ಸನ್​ ಶ್ರೀಲಂಕಾದ ಎದುರಿನ ಸರಣಿಯಿಂದ ಹೊರಬಿದ್ದಿದ್ದಾರೆ. ಇನ್ನೊಬ್ಬ ವಿಕೆಟ್​ ಕೀಪರ್​ ಜಿತೇಶ್​ ಶರ್ಮಾಗೆ ಅವಕಾಶ ನೀಡಲಾಗಿದೆ.

ನವದೆಹಲಿ: ಯುವ ಕ್ರಿಕೆಟಿಗ ಸಂಜು ಸ್ಯಾಮ್ಸನ್​ ಅದೃಷ್ಟವೇ ಸರಿಯಿಲ್ಲವೋ ಏನೋ. ಕಳೆದ ನ್ಯೂಜಿಲ್ಯಾಂಡ್​ ಸರಣಿಯಲ್ಲಿ ಏಕಮಾತ್ರ ಪಂದ್ಯವಾಡಿ ಬೆಂಚ್​ ಕಾದಿದ್ದ ಯುವ ಕ್ರಿಕೆಟಿಗ, ಶ್ರೀಲಂಕಾ ಎದುರಿನ ಸರಣಿಯಲ್ಲಿ ಗಾಯಗೊಂಡು ಹೊರಬಿದ್ದಿದ್ದಾರೆ. ಉಳಿದೆರಡು ಪಂದ್ಯಗಳನ್ನು ತಪ್ಪಿಸಿಕೊಳ್ಳಲಿರುವ ಸಂಜು ಬದಲಾಗಿ ಜಿತೇಶ್ ಶರ್ಮಾರನ್ನು ಸರಣಿಗೆ ಆಯ್ಕೆ ಮಾಡಲಾಗಿದೆ.

ಲಂಕಾ ವಿರುದ್ಧ ಮಂಗಳವಾರ ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಕ್ಷೇತ್ರರಕ್ಷಣೆ ವೇಲೆ ಚೆಂಡು ಹಿಡಿಯುವ ರಭಸದಲ್ಲಿ ಮೈದಾನದಲ್ಲಿ ಬಿದ್ದಿದ್ದರು. ಈ ವೇಳೆ ಮೊಣಕಾಲಿಗೆ ಗಾಯವಾಗಿದೆ. ಬಳಿಕ ನಡೆದ ಸ್ಕ್ಯಾನಿಂಗ್​ನಲ್ಲಿ ಗಾಯವಾಗಿದ್ದು ಕಂಡು ಬಂದಿದೆ. ಇದರಿಂದ ವೈದ್ಯರ ಸಲಹೆಯ ಮೇರೆಗೆ ಉಳಿದ ಪಂದ್ಯಗಳಿಂದ ವಿಶ್ರಾಂತಿ ಪಡೆಯಲಿದ್ದಾರೆ. ರಾಷ್ಟ್ರೀಯ ಹಿರಿಯರ ಆಯ್ಕೆ ಸಮಿತಿ ಸರಣಿಯ ಉಳಿದೆರಡು ಪಂದ್ಯಗಳಿಗೆ ಬ್ಯಾಟರ್​ ಜಿತೇಶ್ ಶರ್ಮಾರನ್ನು ಸೇರಿಸಿಕೊಂಡಿದೆ.

• NEWS - Sanju Samson ruled out of the remainder of T20I series.
  
  The All-India Senior Selection Committee has named Jitesh Sharma as replacement for Sanju Samson.
  
  More details here - https://t.co/0PMIjvONn6 #INDvSL @mastercardindia

  — BCCI (@BCCI) January 4, 2023 " class="align-text-top noRightClick twitterSection" data="

  NEWS - Sanju Samson ruled out of the remainder of T20I series.
  
  The All-India Senior Selection Committee has named Jitesh Sharma as replacement for Sanju Samson.
  
  More details here - https://t.co/0PMIjvONn6 #INDvSL @mastercardindia

  — BCCI (@BCCI) January 4, 2023

  ">

  NEWS - Sanju Samson ruled out of the remainder of T20I series.
  
  The All-India Senior Selection Committee has named Jitesh Sharma as replacement for Sanju Samson.
  
  More details here - https://t.co/0PMIjvONn6 #INDvSL @mastercardindia

  — BCCI (@BCCI) January 4, 2023

ಈ ಹಿಂದೆಯೂ ಅನೇಕ ಟೂರ್ನಿಗಳಲ್ಲಿ ತಂಡಕ್ಕೆ ಆಯ್ಕೆಯಾದರೂ ಬೆಂಚ್​ ಕಾಯುತ್ತಿದ್ದ ಸಂಜು ಸ್ಯಾಮ್ಸನ್​ ಈ ಸಲ ಅದೃಷ್ಟವೇ ಕೈಕೊಟ್ಟಂತಿದೆ. ಮೊದಲ ಟಿ20 ಪಂದ್ಯದಲ್ಲಿ ಆಡುವ 11ರ ಬಳಗದಲ್ಲಿ ಸ್ಥಾನ ಪಡೆದರೂ ಕೂಡ ಮೈದಾನದಲ್ಲಿ ಹೆಚ್ಚಿನ ಗಮನ ಸೆಳೆಯುವಲ್ಲಿ ವಿಫಲರಾದರು. ಬ್ಯಾಟರ್​ ಆಗಿ ಅವಕಾಶ ಗಿಟ್ಟಿಸಿಕೊಂಡಿದ್ದ ಸಂಜು ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಇಳಿದಿದ್ದರು. ಆದರೆ, ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲಲಿಲ್ಲ. 6 ಎಸೆತಗಳಲ್ಲಿ ಕೇವಲ 5 ರನ್​ ಗಳಿಸಿದ ಅವರು ದೊಡ್ಡ ಹೊಡೆತಕ್ಕೆ ಯತ್ನಿಸಿ ನಿರಾಸೆ ಅನುಭವಿಸಿದ್ದರು. ಔಟಾಗುವ ಹಿಂದಿನ ಎಸೆತದಲ್ಲೂ ಸಿಕ್ಸರ್​ ಸಿಡಿಸಲು ಪ್ರಯತ್ನಿಸಿದ್ದ ಅವರು ಕ್ಯಾಚ್​ ಕೈಚೆಲ್ಲಿದ್ದರಿಂದ ಬಚಾವ್​ ಆಗಿದ್ದರು. ಆದರೆ, ಮರು ಎಸೆತದಲ್ಲೇ ಮತ್ತೆ ಪ್ರಮಾದವೆಸಗಿ ಔಟಾಗಿದ್ದರು.

2022ರಲ್ಲಿ ವಿಶ್ವಕಪ್​ ಸೇರಿದಂತೆ ಅನೇಕ ಸರಣಿಗಳಲ್ಲಿ ತಂಡದಿಂದ ಕಡೆಗಣಿಸಲ್ಪಟ್ಟ ಸ್ಯಾಮ್ಸನ್​ಗೆ 2023ರ ಆರಂಭವೂ ಸಹ ಆಘಾತಕಾರಿಯಾಗಿದೆ. ಪಂದ್ಯದ ಆರಂಭದಲ್ಲೇ ಕ್ಯಾಚ್​ ಕೈಚೆಲ್ಲಿದ್ದ ಸಂಜು, ಬಳಿಕ ಕ್ಷೇತ್ರ ರಕ್ಷಣೆ ವೇಳೆ ಮೊಣಕಾಲು ಗಾಯಕ್ಕೆ ತುತ್ತಾದರು. ಇದರಿಂದ ತಂಡದಿಂದ ಹೊರಗುಳಿಯುವ ಅನಿವಾರ್ಯತೆ ಎದುರಾಗಿದೆ. ಸಂಜು ಸ್ಯಾಮ್ಸನ್ ಮೊಣಕಾಲಿನ ಗಾಯದಿಂದ ಹೊರಗುಳಿದ ಹಿನ್ನೆಲೆಯಲ್ಲಿ ಭಾರತದ ಟಿ20 ತಂಡದಲ್ಲಿ ಜಿತೇಶ್ ಶರ್ಮಾಗೆ ಅದೃಷ್ಟದ ಬಾಗಿಲು ತೆರೆದಿದೆ.

ಅಚ್ಚರಿಯ ಆಯ್ಕೆ: ಜಿತೇಶ್ ಶರ್ಮಾ ಆಯ್ಕೆಯು ಬಿಸಿಸಿಐನ ಆಚ್ಚರಿಯ ನಡೆ, ತಮ್ಮ ಆಯ್ಕೆಯನ್ನು ಜಿತೇಶ್ ಕೂಡ ಊಹಿಸಿರಲು ಸಾಧ್ಯವಿಲ್ಲ ಎಂಬ ಮಾತುಗಳು ಕೇಳಿಬರುತ್ತಿದೆ. ರಿಷಭ್​ ಪಂತ್ ಹಾಗೂ ಕೆಎಲ್​​ ರಾಹುಲ್ ಅಲಭ್ಯತೆ ಹಿನ್ನೆಲೆಯಲ್ಲಿ ಜಿತೇಶ್​ಗೆ ಅದೃಷ್ಟ ಒಲಿದಿದೆ. ಐಪಿಎಲ್​ನಲ್ಲಿ ಪಂಜಾಬ್ ಕಿಂಗ್ಸ್ ವಿಕೆಟ್ ಕೀಪರ್ ಬ್ಯಾಟರ್ ಆಗಿರುವವ ಜಿತೇಶ್​​ ಭಾರತ ತಂಡ ಡ್ರೆಸ್ಸಿಂಗ್ ರೂಮ್​ ಸೇರಿಕೊಳ್ಳಲಿದ್ದಾರೆ.

ಜಿತೇಶ್ ಶರ್ಮಾ ಯಾರು?: ಜಿತೇಶ್ ಶರ್ಮಾ ಪಂಜಾಬ್ ಕಿಂಗ್ಸ್‌ ತಂಡದಲ್ಲಿ ಸಾಕಷ್ಟು ಮುನ್ನೆಲೆಗೆ ಬಂದರು. ಅವರು ಈ ಹಿಂದೆ 2017ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಭಾಗವಾಗಿದ್ದರು. ಅಲ್ಲಿ ಯಾವುದೇ ಅವಕಾಶ ಸಿಕ್ಕಿರಲಿಲ್ಲ. ಕಳೆದ ಆವೃತ್ತಿಯಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಚೊಚ್ಚಲ ಪಂದ್ಯವಾಡಿದ ಜಿತೇಶ್, ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 17 ಎಸೆತಗಳಲ್ಲಿ 26 ರನ್ ಬಾರಿಸಿದ್ದರು. ಪಂಜಾಬ್​ ಪರ ವಿಕೆಟ್ ಕೀಪರ್ - ಬ್ಯಾಟರ್ 12 ಪಂದ್ಯಗಳನ್ನು ಆಡಿದ್ದಾರೆ. 234 ರನ್ ಗಳಿಸಿರುವ ಜಿತೇಶ್​​ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 34 ಎಸೆತಗಳಲ್ಲಿ 44 ರನ್​ ಬಾರಿಸಿರುವುದು ಗರಿಷ್ಠ ಸ್ಕೋರ್ ಆಗಿದೆ.

ವಿದರ್ಭ ತಂಡದಲ್ಲಿ ಜಿತೇಶ್:​ ದೇಶಿ ಕ್ರಿಕೆಟ್​ನಲ್ಲಿ ವಿದರ್ಭ ತಂಡವನ್ನು ಪ್ರತಿನಿಧಿಸುವ ಜಿತೇಶ್ ಅತ್ಯಂತ ಸ್ಥಿರ ಪ್ರದರ್ಶನ ನೀಡಿದ ಆಟಗಾರರಲ್ಲೊಬ್ಬರು. 2012-13ರಲ್ಲಿ ಕೂಚ್ ಬೆಹಾರ್ ಟ್ರೋಫಿಯಲ್ಲಿ ಭರ್ಜರಿ ಪ್ರದರ್ಶನದ ಬಳಿಕ ಜಿತೇಶ್ ಅವರನ್ನು ವಿದರ್ಭ ತಂಡಕ್ಕೆ ಆಯ್ಕೆ ಆಗಿದ್ದರು. ಕೂಚ್ ಬೆಹಾರ್ ಟ್ರೋಫಿಯ 12 ಇನ್ನಿಂಗ್ಸ್‌ಗಳಲ್ಲಿ 537 ರನ್ ಗಳಿಸಿದ್ದರು. ಬಳಿಕ 2014ರ ಮಾರ್ಚ್​​ನಲ್ಲಿ ಟಿ20ಗೆ ಪದಾರ್ಪಣೆ ಮಾಡಿದರು. ವಿಜಯ್ ಹಜಾರೆ ಟ್ರೋಫಿ ವೇಳೆ ಅದೇ ಋತುವಿನಲ್ಲಿ ತಮ್ಮ ಮೊದಲ ಲಿಸ್ಟ್ ಎ ಪಂದ್ಯ ಆಡಿದರು. ಜಿತೇಶ್​ ಹೆಚ್ಚಾಗಿ ಅಗ್ರ ಕ್ರಮಾಂಕದಲ್ಲಿ ಬ್ಯಾಟ್​ ಬೀಸಿದ್ದಾರೆ.

2015-16ರ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಅತಿ ಹೆಚ್ಚು ರನ್ ​​ಗಳಿಸಿದವರಲ್ಲಿ ಮೂರನೇ ಸ್ಥಾನದಲ್ಲಿದ್ದರು. ಬಲಗೈ ಬ್ಯಾಟರ್ 140ಕ್ಕೂ ಅಧಿಕ ಸ್ಟ್ರೈಕ್ ರೇಟ್‌ನಲ್ಲಿ 343 ರನ್‌ ಪೇರಿಸಿದ್ದರು. ಇದರಲ್ಲಿ ಒಂದು ಶತಕ ಮತ್ತು ಎರಡು ಅರ್ಧ ಶತಕಗಳೂ ಸೇರಿದ್ದವು. ಈ ಪ್ರದರ್ಶನದಿಂದ ಐಪಿಎಲ್​ ಫ್ರಾಂಚೈಸಿಗಳ ಗಮನ ಸೆಳೆದಿದ್ದ ಜಿತೇಶ್​ರನ್ನು 2016ರ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್ ತಂಡವು 10 ಲಕ್ಷ ರೂಪಾಯಿಗೆ ಖರೀದಿಸಿತು. ಅಲ್ಲದೆ, 2015-16ರ ಋತುವಿನಲ್ಲಿ ರಣಜಿ ಟ್ರೋಫಿಗೂ ಪದಾರ್ಪಣೆ ಮಾಡಿದರು. ಆದರೆ ಹೆಚ್ಚಿನ ಗಮನ ಸೆಳೆಯುವಲ್ಲಿ ವಿಫಲರಾಗಿದ್ದರು. ಬಳಿಕ 2022ರ ಮೆಗಾ ಹರಾಜಿನಲ್ಲಿ ಜಿತೇಶ್ ಪಂಜಾಬ್ ಕಿಂಗ್ಸ್ ತಂಡಕ್ಕೆ 20 ಲಕ್ಷ ರೂಪಾಯಿಗೆ ಸೇರ್ಪಡೆಯಾಗಿದ್ದಾರೆ.

ಪರಿಷ್ಕೃತ ಭಾರತ ತಂಡ: ಹಾರ್ದಿಕ್ ಪಾಂಡ್ಯ (ನಾಯಕ), ಇಶಾನ್ ಕಿಶನ್, ಋತುರಾಜ್ ಗಾಯಕ್ವಾಡ್, ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ರಾಹುಲ್ ತ್ರಿಪಾಠಿ, ಜಿತೇಶ್ ಶರ್ಮಾ, ವಾಷಿಂಗ್ಟನ್ ಸುಂದರ್, ಯಜುವೇಂದ್ರ ಚಹಲ್, ಅಕ್ಷರ್ ಪಟೇಲ್, ಅರ್ಷದೀಪ್ ಸಿಂಗ್, ಹರ್ಷಲ್ ಪಟೇಲ್, ಉಮ್ರಾನ್ ಮಲಿಕ್, ಶಿವಂ ಮಾವಿ, ಮುಖೇಶ್ ಕುಮಾರ್.

ಇದನ್ನೂ ಓದಿ: ಎರಡನೇ ಪಂದ್ಯದಲ್ಲಿ ಗಾಯಕ್ವಾಡ್​ಗೆ ಸಿಗಲಿದೆಯೇ ಆರಂಭಿಕನ ಸ್ಥಾನ: ಸರಣಿ ಗೆಲ್ಲಲು ಹಾರ್ದಿಕ್​ ಚಿಂತನೆ