ಲಂಡನ್: ಈ ವರ್ಷ ಕೋವಿಡ್ 19 ಕಾರಣ ಮುಂದೂಡಲ್ಪಟ್ಟಿರುವ 14ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಸೆಪ್ಟೆಂಬರ್ನಲ್ಲಿ ಇಂಗ್ಲೆಂಡ್ನಲ್ಲಿ ನಡೆಯಬೇಕೆಂದು ಬಯಸುವುದಾಗಿ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಕೆವಿನ್ ಪೀಟರ್ಸನ್ ಅಭಿಪ್ರಾಯಪಟ್ಟಿದ್ದಾರೆ.
ಭಾರತ ತಂಡ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ವಿರುದ್ದದ 5 ಪಂದ್ಯಗಳ ಟೆಸ್ಟ್ ಸರಣಿಗಾಗಿ ಇಂಗ್ಲೆಂಡ್ಗೆ ಮುಂದಿನ ತಿಂಗಳು ಪ್ರಯಾಣ ಬೆಳಸಲಿದೆ. ಈ ಸರಣಿ ಸೆಪ್ಟೆಂಬರ್ 14 ರಂದು ಮುಗಿಯಲಿದೆ. ಹಾಗಾಗಿ ಮುಂದಿನ 31 ಪಂದ್ಯಗಳನ್ನು ಆಯೋಜಿಸಲು ಇಂಗ್ಲೆಂಡ್ ಸೂಕ್ತ ಜಾಗ ಎಂದು ಅವರು ತಿಳಿಸಿದ್ದಾರೆ.
ಸೆಪ್ಟೆಂಬರ್ನಲ್ಲಿ ಐಪಿಎಲ್ ಮುಂದುವರಿದ ಭಾಗವನ್ನು ಯುಎಇನಲ್ಲಿ ಪೂರ್ಣಗೊಳಿಸುವ ಬಗ್ಗೆ ಮಾತನಾಡುತ್ತಿರುವ ಕೆಲವು ಜನರನ್ನು ನಾನು ನೋಡಿದ್ದೇನೆ. ಆದರೆ, ನಾನು ಐಪಿಎಲ್ ಇಂಗ್ಲೆಂಡ್ಗೆ ಸ್ಥಳಾಂತರವಾಗಬೇಕೆಂದು ಬಯಸುತ್ತಿದ್ದೇನೆ . ಆ ಸಮಯದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ಟೆಸ್ಟ್ ಸರಣಿ ಮುಕ್ತಾಯವಾಗಿರುತ್ತದೆ. ಭಾರತದ ಅತ್ಯುತ್ತಮ ಕ್ರಿಕೆಟಿಗರು ಅಲ್ಲೇ ಇರುತ್ತಾರೆ. ಮತ್ತು ಎಲ್ಲಾ ಉತ್ತಮ ಇಂಗ್ಲಿಷ್ ಆಟಗಾರರು ಕೂಡ ಅಲ್ಲೇ ಸಿಗಲಿದ್ದಾರೆ ಎಂದು ಬೆಟ್ವೇ ವೆಬ್ಸೈಟ್ಗೆ ಬರೆದಿರುವ ತಮ್ಮ ಲೇಖನದಲ್ಲಿ ಉಲ್ಲೇಖಿಸಿದ್ದಾರೆ.
