ಭಾರತದ ಗೆಲುವಿಗೆ ಮಂದಬೆಳಕು ಅಡ್ಡಿ: ರೋಚಕ ಡ್ರಾನಲ್ಲಿ ಮೊದಲ ಟೆಸ್ಟ್ ಅಂತ್ಯ

ಕೊನೆಯ ವಿಕೆಟ್​ಗೆ ರಚಿನ್​ ರವೀಂದ್ರ ಮತ್ತು ಅಜಾಜ್ ಪಟೇಲ್​ 52 ಎಸೆತಗಳನ್ನೆದುರಿಸಿ ಭಾರತದ ಗೆಲುವಿಗೆ ಮುಳ್ಳಾದರು. ರವೀಂದ್ರ 91 ಎಸೆತಗಳಲ್ಲಿ ಅಜೇಯ 18 ರನ್​ಗಳಿಸಿದರೆ ಪಟೇಲ್ 23 ಎಸೆತಗಳಲ್ಲಿ 2 ರನ್​ಗಳಿಸಿ ನ್ಯೂಜಿಲ್ಯಾಂಡ್​ ಸೋಲು ತಪ್ಪಿಸಿದರು.

ಕಾನ್ಪುರ: ಭಾರತ ಮತ್ತು ನ್ಯೂಜಿಲ್ಯಾಂಡ್​ ನಡುವಿನ ಮೊದಲ ಟೆಸ್ಟ್​ ಪಂದ್ಯ ರೋಚಕ ಡ್ರಾನಲ್ಲಿ ಅಂತ್ಯವಾಗಿದೆ. ಪಂದ್ಯ ಮುಗಿಯಲು ಇನ್ನೂ 10-13 ನಿಮಿಷಗಳಿದ್ದರೂ ಮಂದ ಬೆಳಕಿನ ಕಾರಣ ಅಂಪೈರ್​ಗಳು ಪಂದ್ಯಗಳನ್ನು ಸ್ಥಗಿತಗೊಳಿಸಿದ್ದರಿಂದ ಮ್ಯಾಚ್​ ರೋಚಕ ಡ್ರಾನಲ್ಲಿ ಅಂತ್ಯವಾಯಿತು.

ಮೊದಲ ಟೆಸ್ಟ್​ ಪಂದ್ಯದ ಕೊನೆಯ ದಿನವಾದ ಸೋಮವಾರ ನ್ಯೂಜಿಲ್ಯಾಂಡ್​ 98 ಓವರ್​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡು 165 ರನ್​ಗಳಿಸಿತು. ಭಾರತೀಯ ಮೂಲದ ರಚಿನ್​ ರವೀಂದ್ರ 97 ಎಸೆತಗಳನ್ನೆದುರಿಸಿ ಭಾರತದ ಗೆಲುವಿಗೆ ತಣ್ಣೀರೆರಚಿದರು.

ಭಾರತ ತಂಡ 4ನೇ ದಿನ 234 ರನ್​ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡು ಕಿವೀಸ್​ಗೆ 280 ರನ್​ಗಳ ಗುರಿ ನೀಡಿತ್ತು. 4ನೇ ದಿನವೇ ವಿಲ್​ ಯಂಗ್​(2) ವಿಕೆಟ್​ ಪಡೆದು ಮುನ್ನಡೆ ಪಡೆದುಕೊಂಡಿತ್ತು. ಮೊದಲೆರಡು ಸೆಷನ್​ಗಳಲ್ಲಿ ಅದ್ಭುತವಾಗಿ ಆಡಿದ ನ್ಯೂಜಿಲ್ಯಾಂಡ್ ಕೇವಲ 3 ವಿಕೆಟ್​ ಕಳೆದುಕೊಂಡಿತ್ತು.

• A nail-biting draw in Kanpur 👏#WTC23 | #INDvNZ | https://t.co/9OZPrsh0Tm pic.twitter.com/rUg3AFmuja

  — ICC (@ICC) November 29, 2021 " class="align-text-top noRightClick twitterSection" data="

  A nail-biting draw in Kanpur 👏#WTC23 | #INDvNZ | https://t.co/9OZPrsh0Tm pic.twitter.com/rUg3AFmuja

  — ICC (@ICC) November 29, 2021

  ">

  A nail-biting draw in Kanpur 👏#WTC23 | #INDvNZ | https://t.co/9OZPrsh0Tm pic.twitter.com/rUg3AFmuja

  — ICC (@ICC) November 29, 2021

ಟಾಮ್ ಲೇಥಮ್​(52) ಮತ್ತು ಸಮರ್​ವಿಲ್​(36) 2ನೇ ವಿಕೆಟ್​ಗೆ 36 ಓವರ್​ಗಳನ್ನಾಡಿ 76 ರನ್​ ಸೇರಿಸಿ ಭಾರತೀಯರನ್ನು ಕಾಡಿದರು.

ಆದರೆ ಭೋಜನ ವಿರಾಮದ ಬಳಿಕ ಭಾರತೀಯ ಬೌಲರ್​ಗಳು ಮೇಲುಗೈ ಸಾಧಿಸಿದರು. ಲೇಥಮ್​ ವಿಕೆಟ್​ ಬೀಳುತ್ತಿದ್ದಂತೆ ಕಿವೀಸ್ ನಿರಂತರ ವಿಕೆಟ್ ಕಳೆದುಕೊಂಡಿತು. ರಾಸ್ ಟೇಲರ್​ (2),ಹೆನ್ರಿ ನಿಕೋಲ್ಸ್​(1), ಕೇನ್​ ವಿಲಿಯಮ್ಸನ್​(24), ಟಾಮ್​ ಬ್ಲಂಡೆಲ್​(2), ಕೈಲ್ ಜೇಮಿಸನ್​(5) ಮತ್ತು ಟಿಮ್​ ಸೌಥಿ(4) ಭಾರತದ ಸ್ಪಿನ್​ ದಾಳಿಗೆ ನಿಲ್ಲಲಾಗದೇ ತತ್ತರಿಸಿತು.

ಆದರೆ ಕೊನೆಯ ವಿಕೆಟ್​ಗೆ ರಚಿನ್​ ರವೀಂದ್ರ ಮತ್ತು ಅಜಾಜ್ ಪಟೇಲ್​ 52 ಎಸೆತಗಳನ್ನೆದುರಿಸಿ ಭಾರತದ ಗೆಲುವಿಗೆ ಮುಳ್ಳಾದರು. ರವೀಂದ್ರ 91 ಎಸೆತಗಳಲ್ಲಿ ಅಜೇಯ 18 ರನ್​ಗಳಿಸಿದರೆ ಪಟೇಲ್ 23 ಎಸೆತಗಳಲ್ಲಿ 2 ರನ್​ಗಳಿಸಿದರು.

ಸ್ಕೋರ್​ ವಿವರ:

ಭಾರತ ಮೊದಲ ಇನ್ನಿಂಗ್ಸ್​: 345ಕ್ಕೆ ಆಲೌಟ್​; ಶ್ರೇಯಸ್ ಅಯ್ಯರ್ 105, ಶುಬ್ಮನ್ ಗಿಲ್​ 52, ಜಡೇಜಾ 50, ಟಿಮ್​ ಸೌಥಿ 69ಕ್ಕೆ 5, ಜೇಮಿಸನ್ 91ಕ್ಕೆ 3

ನ್ಯೂಜಿಲ್ಯಾಂಡ್​ ಮೊದಲ ಇನ್ನಿಂಗ್ಸ್​ 296ಕ್ಕೆ ಆಲೌಟ್​; ವಿಲ್​ ಯಂಗ್ 89, ಟಾಮ್ ಲೇಥಮ್​ 95, ಅಕ್ಷರ್ ಪಟೇಲ್ 62ಕ್ಕೆ 5, ಅಶ್ವಿನ್​ 82ಕ್ಕೆ 3

ಭಾರತ 2ನೇ ಇನ್ನಿಂಗ್ಸ್​: 234/7 ಡಿಕ್ಲೇರ್​; ಶ್ರೇಯಸ್ ಅಯ್ಯರ್​ 65, ವೃದ್ಧಿಮಾನ್ ಸಹಾ 61, ಸೌಥಿ 75ಕ್ಕೆ 3, ಜೇಮಿಸನ್​ 40ಕ್ಕೆ 3

ನ್ಯೂಜಿಲ್ಯಾಂಡ್​ 2ನೇ ಇನ್ನಿಂಗ್ಸ್​: 165ಕ್ಕೆ9; ಟಾಮ್ ಲೇಥಮ್​ 52, ಸಮರ್​ವಿಲ್​ 36, ರವೀಂದ್ರ ಜಡೇಜಾ 40ಕ್ಕೆ 4, ರವೀಂದ್ರ 35ಕ್ಕೆ 3

ಇದನ್ನೂ ಓದಿ:ಹರ್ಭಜನ್​ ಸಿಂಗ್​ ಹಿಂದಿಕ್ಕಿದ ಅಶ್ವಿನ್ : ಭಾರತದ ಪರ ಹೆಚ್ಚು ವಿಕೆಟ್ ಪಡೆದ 3ನೇ ಬೌಲರ್​