ಚೆನ್ನೈ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ವಿರುದ್ಧ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2021ರ ಆವೃತ್ತಿಯ ಉದ್ಘಾಟನಾ ಪಂದ್ಯದಲ್ಲಿ ಸೋತ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ, 'ಆರಂಭಿಕ ಪಂದ್ಯ ಗೆಲ್ಲುವುದಕ್ಕಿಂತ ಟೂರ್ನಿ ಗೆಲ್ಲುವುದೇ ನಮಗೆ ಅತ್ಯಂತ ಮಹತ್ವದ್ದು' ಎಂದರು.
ಎಂ.ಎ.ಚಿದಂಬರಂ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಎಬಿ ಡಿವಿಲಿಯರ್ಸ್ ಅವರ ಮಾಸ್ಟರ್‌ಕ್ಲಾಸ್ ಬ್ಯಾಟಿಂಗ್ ಹಾಗೂ ಹರ್ಷಲ್ ಪಟೇಲ್ ಅವರ ಅದ್ಭುತ ಬೌಲಿಂಗ್ ಪ್ರದರ್ಶನದಿಂದಾಗಿ ಆರ್ಸಿಬಿ, ಮುಂಬೈ ಇಂಡಿಯನ್ಸ್ ತಂಡವನ್ನು ರೋಚಕ ಎರಡು ವಿಕೆಟ್‌ಗಳಿಂದ ಸೋಲಿಸಿತು.
ಇದನ್ನೂ ಓದಿ: ಎಬಿಡಿ ಸ್ಫೋಟಕ ಬ್ಯಾಟಿಂಗ್ಗೆ ಬೆಚ್ಚಿದ ಹಾಲಿ ಚಾಂಪಿಯನ್ಸ್ ಮುಂಬೈ: RCBಗೆ ರೋಚಕ ಜಯ
ಐಪಿಎಲ್ ಟ್ರೋಫಿ ಗೆಲ್ಲುವುದು ಮುಖ್ಯ, ಮೊದಲ ಪಂದ್ಯವಲ್ಲ ಎಂದು ನಾನು ಬಾವಿಸುತ್ತೇನೆ. ಇದೊಂದು ದೊಡ್ಡ ಹೋರಾಟ. ನಾವು ಇದನ್ನು ಸುಲಭವಾಗಿ ಕೈತಪ್ಪಲು ಬಿಡಲಿಲ್ಲ. ಟಾರ್ಗೆಟ್ ನೀಡಿದ್ದ ಸ್ಕೋರ್ ನಮಗೆ ಸಂತೋಷ ನೀಡಿಲ್ಲ. ನಿಗದಿತ ಗುರಿಯಲ್ಲಿ 20 ರನ್ಗಳ ಅಭಾವ ಕಂಡು ಬಂತು ಎಂದು ಪಂದ್ಯದ ಬಳಿಕ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಹೇಳಿದರು.
ನಾವು ಕೆಲವು ತಪ್ಪುಗಳನ್ನು ಮಾಡಿದ್ದೇವೆ, ಅವೆಲ್ಲಾ ತಿಳಿಯದೆ ಸಂಭವಿಸಿವೆ. ನಾವು ಇಲ್ಲಿಂದ ಮುಂದಕ್ಕೆ ಹೋಗಬೇಕಾಗಿದೆ. (ಜಾನ್ಸೆನ್) ಖಂಡಿತವಾಗಿಯೂ ನಾವು ಗುರುತಿಸಿರುವ ಪ್ರತಿಭಾನ್ವಿತ ಆಟಗಾರ. ಕೊನೆಯ ನಾಲ್ಕು ಓವರ್ಗಳ ವೇಳೆ ಎಬಿ ಮತ್ತು ಕ್ರಿಶ್ಚಿಯನ್ ಬ್ಯಾಟಿಂಗ್ ಮಾಡುತ್ತಿದ್ದರು. ಅವರನ್ನು ಹೊರ ಹಾಕುವ ಪ್ರಯತ್ನವಾಗಿ ಬುಮ್ರಾ ಮತ್ತು ಬೌಲ್ಟ್ ಅವರ ಕೈಗೆ ಬಾಲ್ ನೀಡಿದ್ದೇವು ಎಂದರು.
ಖಂಡಿತವಾಗಿಯೂ ಇದು ಬ್ಯಾಟಿಂಗ್ ಮಾಡಲು ಸುಲಭವಾದ ಪಿಚ್ ಅಲ್ಲ. ಇಲ್ಲಿ ನಮ್ಮ ಮುಂದಿನ ಕೆಲವು ಪಂದ್ಯಗಳ ಬಗ್ಗೆ ನಾವು ಯೋಚಿಸಬೇಕಿದೆ. ಡಿವಿಲಿಯರ್ಸ್ ಚೆನ್ನಾಗಿ ಬ್ಯಾಟಿಂಗ್ ಮಾಡಿ ತಂಡವನ್ನು ಗೆಲುವಿನತ್ತ ಕೊಂಡೊಯ್ದರು ಎಂದು ರೋಹಿತ್ ಹೇಳಿದರು.
