ಹರ್ಷಲ್​ ಪಟೇಲ್​ ಮಾಡಿದ ಮಂಕಡಿಂಗ್ ಔಟ್​ ಏಕಿಲ್ಲ? ಎಂಸಿಸಿ ಕಾನೂನು ಏನು?

ಬೆನ್​ ಸ್ಟೋಕ್ಸ್​​ ಬೌಲರ್‌ಸ್ನೇಹಿ ಹೊಸ ನಿಯಮಕ್ಕಾಗಿ ಬೇಡಿಕೆ ಇಟ್ಟಿದ್ದಾರೆ. ಅವರ ಪ್ರಕಾರ ನಾನ್​ ಸ್ಟ್ರೈಕರ್​ ರನ್​ ಕದಿಯುವ ಬರದಲ್ಲಿ ಮೊದಲೇ ಕ್ರೀಸ್​ ಬಿಟ್ಟರೆ ಬ್ಯಾಟಿಂಗ್​ ತಂಡಕ್ಕೆ 6 ರನ್​ ದಂಡ ಹಾಕುವಂತೆ ಹೇಳಿದ್ದಾರೆ.

ಬೆಂಗಳೂರು: ನಿನ್ನೆ ಆರ್​ಸಿಬಿ ಮತ್ತು ಲಕ್ನೋ ನಡುವಣ ಪಂದ್ಯದಲ್ಲಿ ಕೊನೆಯ ಓವರ್​ ರೋಚಕತೆಯಿಂದ ಕೂಡಿತ್ತು. ಹಲವಾರು ವಿಚಿತ್ರ ಕ್ಷಣಗಳಿಗೂ ಸಾಕ್ಷಿಯಾಯಿತು. ಕೊನೆಯ 6 ಬಾಲ್​ಗೆ 5 ರನ್​ನ ಅಗತ್ಯ ಸೂಪರ್ ಕಿಂಗ್ಸ್​ಗೆ ಇತ್ತು. ಇದನ್ನು ರಕ್ಷಿಸಿಕೊಳ್ಳವಲ್ಲಿ ಹರ್ಷಲ್​ ಪಟೇಲ್​ ಹರಸಾಹಸ ಪಟ್ಟರಾದರೂ ಗೆಲುವು ಲಕ್ನೋ ಪಾಲಾಯಿತು. ಲಕ್ನೋ ಸೂಪರ್​ ಜೈಂಟ್ಸ್​ ಅಭಿಮಾನಿಗಳಿಗೆ ಇದು ಅವಿಸ್ಮರಣೀಯ ಗೆಲುವಾದರೆ, ಆರ್​ಸಿಬಿ ಪಾಲಿಗೆ ಅತ್ಯಂತ ದುಃಖದ ಸೋಲಾಗಿದೆ.

ಹರ್ಷಲ್​ ಓವರ್​ ಹೀಗಿತ್ತು..: ಮೊದಲ ಬಾಲ್​ ಎದುರಿಸಿದ ಜಯದೇವ್​ ಉನಾದ್ಕತ್​ ಒಂದು ರನ್​ಗಳಿಸಿದರು. ಎರಡನೇ ಬಾಲ್​ನಲ್ಲಿ ಮಾರ್ಕ್​ ವುಡ್​ ಕ್ಲೀನ್​ ಬೌಲ್ಡ್​ ಆದರು. ನಂತರ ಬಂದ ರವಿ ಬಿಷ್ಣೋಯಿ ಮೂರು ಮತ್ತು ನಾಲ್ಕನೇ ಬಾಲ್​ನಲ್ಲಿ ಕ್ರಮವಾಗಿ ಎರಡು ಮತ್ತು 1 ರನ್​ಗಳಿಸಿದರು. ಪಂದ್ಯ ಟೈ ಆಗಿತ್ತು. ಲಕ್ನೋ ಗೆಲುವಿಗೆ 1 ರನ್​ ಅಗತ್ಯ ಇತ್ತು. ಐದನೇ ಬಾಲ್​ನಲ್ಲಿ ಜಯದೇವ್​ ಡು ಪ್ಲೆಸಿಸ್​ಗೆ ಕ್ಯಾಚ್​ ನೀಡಿದರು. ಇದರಿಂದ 1 ಬಾಲ್​ 1 ರನ್​ ಮತ್ತು 1 ವಿಕೆಟ್ ಉಳಿದುಕೊಂಡಿತ್ತು.

• Thought’s Harsha?
  
  Umpires discretion.. 6 penalty runs if obviously trying to gain unfair advantage by leaving crease early?
  Would stop batters doing it without all the controversy https://t.co/xjK7Bnw0PS

  — Ben Stokes (@benstokes38) April 10, 2023 " class="align-text-top noRightClick twitterSection" data="

  Thought’s Harsha?
  
  Umpires discretion.. 6 penalty runs if obviously trying to gain unfair advantage by leaving crease early?
  Would stop batters doing it without all the controversy https://t.co/xjK7Bnw0PS

  — Ben Stokes (@benstokes38) April 10, 2023

  ">

  Thought’s Harsha?
  
  Umpires discretion.. 6 penalty runs if obviously trying to gain unfair advantage by leaving crease early?
  Would stop batters doing it without all the controversy https://t.co/xjK7Bnw0PS

  — Ben Stokes (@benstokes38) April 10, 2023

ಹರ್ಷಲ್​ ಪಟೇಲ್​ ಆರನೇ ಬಾಲ್​ ಮಾಡಲು ಮುಂದಾದಾಗ ಆವೇಶ್​ ಖಾನ್​ ಕ್ರೀಸ್​ ಬಿಟ್ಟಿದ್ದರು. ಮಂಕಡಿಂಗ್ ಮಾಡಲು ಪ್ರಯತ್ನಿಸಿ ವಿಫಲರಾದರು. ಆದರೆ ಮುಂದೆ ಹೋಗಿದ್ದ ಅವರು ಥ್ರೋ ಮೂಲಕ ಡೈರೆಕ್ಟ್​ ಹಿಟ್​ ಮಾಡಿದ್ದರು. ಆದರೆ ಅದನ್ನು ಅಂಪೈಯರ್​ ಔಟ್​ ನೀಡಲಿಲ್ಲ. ಮತ್ತೆ ಕೊನೆಯ ಬಾಲ್​ನಲ್ಲಿ ಬೈಸ್​ ಮುಖಾಂತರ ಒಂದು ರನ್​ ಪಡೆದು ಲಕ್ನೋ ಗೆಲುವು ದಾಖಲಿಸಿತು.

ಡೈರೆಕ್ಟ್​ ಹಿಟ್ ಏಕೆ ಔಟ್ ಅಲ್ಲ:​ ಮೇರಿಲ್ಬೋನ್ ಕ್ರಿಕೆಟ್ ಕ್ಲಬ್ (MCC) ನ ಕಾನೂನು 38.3.1.2 ರ ಪ್ರಕಾರ, 'ಬೌಲರ್ ಸಾಮಾನ್ಯವಾಗಿ ಚೆಂಡನ್ನು ಹಾಕಲು ಬಂದಾಗ ತಕ್ಷಣವೇ ನಾನ್-ಸ್ಟ್ರೈಕರ್ ತುದಿಯಲ್ಲಿರುವ ಆಟಗಾರ ಕ್ರೀಸ್​ ತೊರೆದಿದ್ದರೆ ಔಟ್​ ಮಾಡಬಹುದು. ಆದರೆ ಒಮ್ಮೆ ಮಾತ್ರ ಬೌಲರ್​ ಈ ಪ್ರಯತ್ನ ಮಾಡಿಬಹುದು. ಮುಂದೆ ಹೋಗಿ ಮತ್ತೆ ಪ್ರಯತ್ನ ಪಟ್ಟರೆ ಅದು ಅಮಾನ್ಯವಾಗುತ್ತದೆ'.

ನಿನ್ನೆ ಹರ್ಷಲ್​ ಪಟೇಲ್​ ಬಾಲ್​ ಮಾಡಲು ಮಂಕಡಿಂಗ್​ಗೆ ಪ್ರಯತ್ನಿಸಿದ್ದರು. ನಂತರ ಮುಂದೆ ಓಡಿದ ಅವರು ಹಿಂತಿರುಗಿ ಡೈರೆಕ್ಟ್​ ಹಿಟ್​ ಮಾಡಿದ್ದರಿಂದ ಅದು ಔಟ್​ ಅಲ್ಲ ಎಂದು ಅಂಪೈರ್​ ಹೇಳುತ್ತಾರೆ. ಇದರಿಂದ ಪಂದ್ಯ ಟೈ ಆಗಿ ಸೂಪರ್​ ಓವರ್​ ಆಗುವುದು ತಪ್ಪಿತು.

ಬೆನ್​​ ಸ್ಟೋಕ್ಸ್​ ಹೊಸ ನಿಯಮಕ್ಕೆ ಒತ್ತಾಯ: ಬೆನ್ ಸ್ಟೋಕ್ಸ್​ ಈ ಕ್ಷಣದ ಬಗ್ಗೆ ಟ್ವಿಟ್​ ಮಾಡಿ "ಕ್ರೀಸ್​ ಬೇಗನೆ ಬಿಟ್ಟು ರನ್​ ಗಳಿಸಲು ಪ್ರಯತ್ನಿಸಿದರೆ ಬ್ಯಾಟಿಂಗ್​ ತಂಡಕ್ಕೆ 6 ಫೆನಾಲ್ಟಿ ರನ್​ ಹಾಕಬೇಕು. ಇದು ಅಂಪೈರ್​ ವಿವೇಚನೆಗೆ ಬಿಟ್ಟಿದ್ದು" ಎಂದು ಬರೆದಿದ್ದಾರೆ. ಈ ಮೂಲಕ ಬೌಲರ್​ ಸ್ನೇಹಿ ಕಾನೂನ ಕ್ರಿಕೆಟ್​ನಲ್ಲಿ ಬರಬೇಕು ಎಂಬ ಅಭಿಪ್ರಾಯ ಬಂದಂತಿದೆ.

ಹರ್ಷ ಬೋಗ್ಲೆ ಅವರು "ಬಿಷ್ಣೋಯ್ ಬೇಗನೇ ಕ್ರೀಸ್ ತೊರೆಯುತ್ತಿದ್ದರು. ಅಲ್ಲಿರುವ ಯಾವುದೇ ಜನರು ನೀವು ನಾನ್ ಸ್ಟ್ರೈಕರ್ ಅನ್ನು ರನ್ ಔಟ್ ಮಾಡಬಾರದು ಎಂದು ಹೇಳುತ್ತಾರೆ? ಎಂದು ಪ್ರಶ್ನೆ ಮಾಡಿದ್ದಾರೆ.

ಇದನ್ನೂ ಓದಿ: IPL 2023 MI vs DC: ಮೊದಲ ಗೆಲುವಿಗಾಗಿ ಡೆಲ್ಲಿ vs ಮುಂಬೈ ಕಾಳಗ