ಬೆಂಗಳೂರು: ಮುಂಬೈ ಇಂಡಿಯನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಭರ್ಜರಿ ಜಯ ಸಾಧಿಸಿರುವುದು ತಿಳಿದಿರುವ ವಿಷಯ. ಈ ಪಂದ್ಯದ ಮೂಲಕ ಐಪಿಎಲ್ನ ಎಲ್ಲ 10 ತಂಡಗಳು ತಲಾ ಒಂದು ಸುತ್ತು ಆಟ ಮುಗಿಸಿದಾಂತಾಯ್ತು. ಹೀಗಿದೆ ಸದ್ಯದ ಪಾಯಿಂಟ್ ಪಟ್ಟಿ..
ಅಗ್ರಸ್ಥಾನದಲ್ಲಿದೆ ರಾಜಸ್ಥಾನ ರಾಯಲ್ಸ್ : ಐಪಿಎಲ್ನ ನಾಲ್ಕನೇ ಪಂದ್ಯದಲ್ಲಿ ರಾಜಸ್ಥಾನ ತಂಡದ ಮಿಸ್ಟ್ರಿ ಸ್ಪಿನ್ನರ್ ಯಜುವೇಂದ್ರ ಚಹಾಲ್ ಅವರ ದಾಳಿಗೆ ನಲುಗಿದ ಸನ್ ರೈಸರ್ಸ್ 72 ರನ್ಗಳ ಬೃಹತ್ ಅಂತರದ ಸೋಲು ಕಂಡಿತು. ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭುವನೇಶ್ವರ್ ನಿರ್ಧಾರ ಮೊದಲ ಇನ್ನಿಂಗ್ಸ್ನಲ್ಲೇ ವೈಫಲ್ಯ ಕಂಡಿತು. ರಾಜಸ್ಥಾನ ಬ್ಯಾಟರ್ಗಳು ಹೈದರಾಬಾದ್ ಬೌಲರ್ಗಳನ್ನು ಮನಸೋಇಚ್ಛೆ ದಂಡಿಸಿ 204 ರನ್ಗಳ ಬೃಹತ್ ಟಾರ್ಗೆಟ್ ನೀಡಿದರು. ಈ ಗುರಿ ಬೆನ್ನತ್ತಿದ ಹೈದರಾಬಾದ್ ಶೂನ್ಯ ರನ್‌ಗೆ ಎರಡು ವಿಕೆಟ್ ಕಳೆದುಕೊಂಡಿತು. ಬಳಿಕ ಪಂದ್ಯದುದ್ದಕ್ಕೂ ಯಾರೂ ಪರಿಣಾಮಕಾರಿ ಬ್ಯಾಟಿಂಗ್ ಮಾಡಲಿಲ್ಲ. ನಿಗದಿತ 20 ಓವರ್ಗಳ ಅಂತ್ಯಕ್ಕೆ ಸನ್ ರೈಸರ್ಸ್ 8 ವಿಕೆಟ್ಗಳನ್ನು ಕಳೆದುಕೊಂಡು 131 ರನ್ ಗಳಿಸಲಷ್ಟೇ ಶಕ್ತವಾಯಿತು. 72 ರನ್ ಗೆಲುವಿನ ಮೂಲಕ ರಾಜಸ್ಥಾನ ರಾಯಲ್ಸ್ ತಂಡ ರನ್ರೇಟ್ನಲ್ಲಿ ಮೊದಲ ಸ್ಥಾನ ಪಡೆದಿದ್ದು, ಸನ್‌ರೈಸರ್ಸ್ ಹೈದರಾಬಾದ್ ತಂಡ ಕೊನೆಯ ಸ್ಥಾನಕ್ಕೆ ಕುಸಿಯಿತು.
2 ಸ್ಥಾನದಲ್ಲಿ ಕೆ.ಎಲ್.ರಾಹುಲ್ ಬಳಗ: ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ ಶನಿವಾರ ನಡೆದ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಭರ್ಜರಿ ಗೆಲುವು ಸಾಧಿಸಿತು. 194 ರನ್ಗಳ ಗುರಿ ಬೆನ್ನಟ್ಟಿದ ದೆಹಲಿ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 143 ರನ್ ಗಳಿಸಿ ಸೋಲುಂಡಿತು. ಈ ಗೆಲುವಿನ ಮೂಲಕ ಲಕ್ನೋ ಪಾಯಿಂಟ್ ಟೇಬಲ್ಸ್ನಲ್ಲಿ ಎರಡನೇ ಸ್ಥಾನ ಅಲಂಕರಿಸಿದ್ದು, ಡೆಲ್ಲಿ ಕ್ಯಾಪಿಟಲ್ಸ್ 9ನೇ ಸ್ಥಾನದಲ್ಲಿದೆ.
ಇದನ್ನೂ ಓದಿ: ವಿರಾಟ್-ಡುಪ್ಲೆಸಿಸ್ ಮಿಂಚು: ಮುಂಬೈ ವಿರುದ್ಧ 4ನೇ ಅತ್ಯಧಿಕ ಆರಂಭಿಕ ಜೊತೆಯಾಟದ ದಾಖಲೆ
3ನೇ ಸ್ಥಾನದಲ್ಲಿದೆ ಆರ್ಸಿಬಿ: ಐಪಿಎಲ್ 16ನೇ ಆವೃತ್ತಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಭರ್ಜರಿ ಶುಭಾರಂಭ ಮಾಡಿದೆ. ಮುಂಬೈ ಇಂಡಿಯನ್ಸ್ ವಿರುದ್ಧ ವಿರಾಟ್ ಕೊಹ್ಲಿ (82 ಅಜೇಯ) ಮತ್ತು ಫಾಫ್ ಡು ಪ್ಲೆಸಿಸ್(73) ಅಬ್ಬರದ ಬ್ಯಾಟಿಂಗ್ ಮೂಲಕ ಆರ್ಸಿಬಿ ಮೊದಲ ಪಂದ್ಯದಲ್ಲೇ ಜಯ ದಾಖಲಿಸಿದೆ. ರೋಹಿತ್ ಶರ್ಮಾ ಪಡೆ ನೀಡಿದ್ದ ಸವಾಲಿನ 172 ರನ್ಗಳ ಗುರಿಯನ್ನು ಆರ್ಸಿಬಿ ಕೇವಲ 2 ವಿಕೆಟ್ ಕಳೆದುಕೊಂಡು 3.4 ಓವರ್ಗಳು ಬಾಕಿ ಇರುವಾಗಲೇ ಪೂರೈಸಿತು. ಈ ಮೂಲಕ ಆರ್ಸಿಬಿ ಪಾಯಿಂಟ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಮುಂಬೈ ತಂಡ 8ನೇ ಸ್ಥಾನಕ್ಕೆ ಕುಸಿತ ಕಂಡಿದೆ.
4ನೇ ಸ್ಥಾನದಲ್ಲಿ ಗುಜರಾತ್: ಐಪಿಎಲ್ ಮೊದಲನೇ ಪಂದ್ಯದಲ್ಲೇ ಚೆನ್ನೈ ತಂಡದ ವಿರುದ್ಧ ಗೆದ್ದು ಗುಜರಾತ್ ಟೈಟನ್ಸ್ ಶುಭಾರಂಭ ಮಾಡಿತ್ತು. ಟಾಸ್ ಸೋತು ಮೊದಲು ಬ್ಯಾಂಟಿಂಗ್ ಮಾಡಿದ್ದ ಚೆನ್ನೈ ಸೂಪರ್ ಕಿಂಗ್ಸ್, ಗುಜರಾತ್ ತಂಡಕ್ಕೆ 179 ರನ್ ಗಳ ಗುರಿ ನೀಡಿತ್ತು. ಈ ಗುರಿ ಬೆನ್ನಟ್ಟಿದ್ದ ಗುಜರಾತ್ ಟೈಟನ್ಸ್ 19.2 ಓವರ್ ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 182 ರನ್ ಗಳಿಸಿ ಗೆಲುವಿನ ಗುರಿ ತಲುಪಿತು. ಪಾಯಿಂಟ್ ಟೇಬಲ್ನಲ್ಲಿ ಗುಜರಾತ್ ನಾಲ್ಕನೇ ಸ್ಥಾನದಲ್ಲಿದೆ. ಚೆನ್ನೈ 7ನೇ ಸ್ಥಾನದಲ್ಲಿದೆ.
5ನೇ ಸ್ಥಾನದಲ್ಲಿ ಪಂಜಾಬ್ ಕಿಂಗ್ಸ್: ಪಂಜಾಬ್ ಕಿಂಗ್ಸ್ ತವರು ನೆಲ ಮೊಹಾಲಿಯಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಗೆಲುವು ದಾಖಲಿಸಿತ್ತು. ಕೆಕೆಆರ್ ಗೆಲುವಿಗೆ 46 ರನ್ ಬಾಕಿ ಇರುವಾಗ ಮಳೆ ಬಂದು ಪಂದ್ಯ ಸ್ಥಗಿತಗೊಂಡು, ಡಿಎಲ್ಎಸ್ ನಿಯಮದ ಪ್ರಕಾರ 7 ರನ್ನಿಂದ ಪಂಜಾಬ್ ಗೆಲುವು ಸಾಧಿಸಿತ್ತು. 16 ಓವರ್ ವೇಳೆಗೆ ಕೆಕೆಆರ್ 146ಕ್ಕೆ 7 ವಿಕೆಟ್ ನಷ್ಟ ಅನುಭವಿಸಿತ್ತು. ಕೋಲ್ಕತ್ತಾ ನೈಟ್ ರೈಡರ್ಸ್ಗೆ ಕೊನೆಯ 4 ಓವರ್ನಲ್ಲಿ 46 ರನ್ ಬೇಕಿತ್ತು. ಆದ್ರೆ ಮೊದಲ ಇನ್ನಿಂಗ್ಸ್ನಲ್ಲಿ ಪಂಜಾಬ್ 16 ಓವರ್ ವೇಳೆಗೆ 4 ವಿಕೆಟ್ ನಷ್ಟದಿಂದ 153 ರನ್ ಗಳಿಸಿತ್ತು. ಕೆಕೆಆರ್ 7 ರನ್ ಹಿನ್ನಡೆಯಲ್ಲಿದ್ದ ಕಾರಣ ಡಿಎಲ್ಎಸ್ ನಿಮಯದ ಪ್ರಕಾರ ಸೋಲನುಭವಿಸಬೇಕಾಯಿತು. ಈ ಮೂಲಕ ಐದನೇ ಸ್ಥಾನದಲ್ಲಿ ಪಂಜಾಬ್ ತಂಡ ಅಲಂಕರಿಸಿದ್ರೆ, ಕೆಕೆಆರ್ ತಂಡ ಆರನೇ ಸ್ಥಾನದಲ್ಲಿದೆ.
ಐಪಿಎಲ್ ಪಾಯಿಂಟ್ ಟೇಬಲ್ಸ್ 2023:
| ತಂಡಗಳು | ಪಂದ್ಯಗಳು | ಗೆಲುವು | ಸೋಲು | ಟೈ | ರದ್ದು | ಅಂಕ | ನೆಟ್ ರನ್ ರೇಟ್ |
| ರಾಜಸ್ಥಾನ ರಾಯಲ್ಸ್ | 1 | 1 | 0 | 0 | 0 | 2 | +3.600 |
| ಲಕ್ನೋ ಸೂಪರ್ ಜೈಂಟ್ಸ್ | 1 | 1 | 0 | 0 | 0 | 2 | +2.500 |
| ರಾಯಲ್ ಚಾಲೆಂಜರ್ಸ್ ಬೆಂಗಳೂರು | 1 | 1 | 0 | 0 | 0 | 2 | +1.981 |
| ಗುಜರಾತ್ ಟೈಟನ್ಸ್ | 1 | 1 | 0 | 0 | 0 | 2 | +0.514 |
| ಪಂಜಾಬ್ ಕಿಂಗ್ಸ್ | 1 | 1 | 0 | 0 | 0 | 2 | +0.425 |
| ಕೋಲ್ಕತ್ತಾ ನೈಟ್ ರೈಡರ್ಸ್ | 1 | 0 | 1 | 0 | 0 | 0 | -0.425 |
| ಚೆನ್ನೈ ಸೂಪರ್ ಕಿಂಗ್ಸ್ | 1 | 0 | 1 | 0 | 0 | 0 | -0.514 |
| ಮುಂಬೈ ಇಂಡಿಯನ್ಸ್ | 1 | 0 | 1 | 0 | 0 | 0 | -1.981 |
| ಡೆಲ್ಲಿ ಕ್ಯಾಪಿಟಲ್ಸ್ | 1 | 0 | 1 | 0 | 0 | 0 | -2.500 |
| ಸನ್ ರೈಸರ್ಸ್ ಹೈದರಾಬಾದ್ | 1 | 0 | 1 | 0 | 0 | 0 | -3.600 |
