ನವದೆಹಲಿ: ಕಿಂಗ್ಸ್ ಇಲೆವೆನ್ ಪಂಜಾಬ್ (ಕೆಎಕ್ಸ್‌ಐಪಿ) ಪ್ಲೇ ಆಫ್‌ನಲ್ಲಿ ಸ್ಥಾನ ಗಳಿಸಲು ಸಾಧ್ಯವಾಗದಿರಬಹುದು. ಆದರೆ, ತಂಡದ ನಾಯಕ ಕೆ.ಎಲ್. ರಾಹುಲ್ ಆರೆಂಜ್ ಕ್ಯಾಪ್ ಹಿಡಿದಿಟ್ಟುಕೊಳ್ಳುವುದರ ಜೊತೆಗೆ, ಈ ಐಪಿಎಲ್ನಲ್ಲಿ ವಿಕೆಟ್ಗಳ ನಡುವಿನ ಗರಿಷ್ಠ ಅಂತರವನ್ನು ಕ್ರಮಿಸುವಲ್ಲಿ ವಿಶಿಷ್ಟತೆ ತೋರಿಸಿದ್ದಾರೆ.
ಕಿಂಗ್ಸ್ ಪಂಜಾಬ್ ನಾಯಕ ತನ್ನ 670 ರನ್‌ಗಳಲ್ಲಿ 300 ರನ್ಗಳನ್ನು ಸಿಂಗಲ್ಸ್, ಟೂ'ಸ್ ಅಥವಾ ತ್ರೀ'ಸ್ ಓಡುವ ಮೂಲಕ ಗಳಿಸಿದ್ದಾರೆ. ಜೊತೆಗೆ ತಮ್ಮ ತಂಡದ ಸ್ಕೋರ್‌ಗೆ 278 ರನ್ಗಳನ್ನು ಸೇರಿಸಲು ನಾನ್ - ಸ್ಟ್ರೈಕರ್ ತುದಿಯಿಂದ ಓಡಿದ್ದಾರೆ.
ಈ ಮೂಲಕ ಯುಎಇಯ ಮೂರು ಮೈದಾನಗಳಲ್ಲಿ ಈ ವರ್ಷ 22 ಗಜಗಳಷ್ಟು ದೂರ ಓಡಿ ರಾಹುಲ್ 578 ರನ್ ಗಳಿಸಿದಂತಾಗಿದೆ. ಈ ರೀತಿ, ವಿಕೆಟ್ಗಳ ನಡುವೆ ಓಡುವಾಗ ರಾಹುಲ್ ಅಂದಾಜು 12,716 ಮೀಟರ್ ಅಥವಾ 11.62 ಕಿಲೋಮೀಟರ್ ಕ್ರಮಿಸಿದ್ದಾರೆ ಎಂದು ವರದಿಯೊಂದು ತಿಳಿಸಿದೆ.
ರಾಹುಲ್ ತನ್ನ 14 ಇನ್ನಿಂಗ್ಸ್‌ಗಳಲ್ಲಿ 58 ಬೌಂಡರಿ ಮತ್ತು 23 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.
ವಿರಾಟ್ ಕೊಹ್ಲಿ ಪಂದ್ಯಾವಳಿಯಲ್ಲಿ ವಿಕೆಟ್ಗಳ ನಡುವೆ ಓಡುವಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಕೊಹ್ಲಿ ಗಳಿಸಿದ 460 ರನ್‌ಗಳಲ್ಲಿ 302 ರನ್ಗಳನ್ನ ವಿಕೆಟ್ಗಳ ನಡುವೆ ಓಡುವುದರಿಂದ ಬಂದಿದೆ. ಇದು ಶೇಕಡಾವಾರು ರನ್‌ಗಳ ವಿಷಯದಲ್ಲಿ ಅತಿ ಹೆಚ್ಚಾಗಿದ್ದು, ರಾಹುಲ್ ಸಾಧಿಸಿದ್ದಕ್ಕಿಂತ ಎರಡು ಪಟ್ಟು ಹೆಚ್ಚಾಗಿದೆ.
ಕೊಹ್ಲಿ ನಾನ್ ಸ್ಟ್ರೈಕರ್ ತುದಿನಿಂದ ಓಡಿ ತಂಡದ ಮೊತ್ತಕ್ಕೆ 217 ರನ್ ಸೇರಿಸಿದ್ದು, ಇದು ರಾಹುಲ್ ಮೊತ್ತಕ್ಕಿಂತ 61 ರನ್ ಕಡಿಮೆ ಇದೆ.
