ಜಿಂಬಾಬ್ವೆಯನ್ನು ಅದರದ್ದೇ ನೆಲದಲ್ಲಿ ಏಕದಿನ ಸರಣಿಯನ್ನು ಕ್ಲೀನ್ಸ್ವೀಪ್ ಮಾಡಿದ ಹುಮ್ಮಸ್ಸಿನಲ್ಲಿರುವ ಭಾರತ ತಂಡ ಭರ್ಜರಿಯಾಗಿಯೇ ವಿಜಯೋತ್ಸವ ಆಚರಿಸಿದೆ. ಮೂರನೇ, ಅಂತಿಮ ಪಂದ್ಯವನ್ನೂ ಗೆದ್ದ ಬಳಿಕ ತಂಡದ ಆಟಗಾರರು ಡ್ರೆಸ್ಸಿಂಗ್ ರೂಮಿನಲ್ಲಿ ಬಾಲಿವುಡ್ ಹಾಡೊಂದಕ್ಕೆ ಹೆಜ್ಜೆ ಹಾಕಿ ಸಂಭ್ರಮಿಸಿದ್ದಾರೆ.
- " class="align-text-top noRightClick twitterSection" data="
">
ಇದರ ವಿಡಿಯೋವನ್ನು ಆರಂಭಿಕ ಆಟಗಾರ ಗಬ್ಬರ್ಸಿಂಗ್ ಖ್ಯಾತಿಯ ಶಿಖರ್ ಧವನ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ವಿಡಿಯೋ ವೈರಲ್ ಆಗಿದೆ. ಭಾರತ ತಂಡದ ಆಟಗಾರರು 'ಬಾರ್ ಬಾರ್ ದೇಖೋ' ಚಿತ್ರದ ಹಿಟ್ ಗೀತೆಯಾದ 'ಕಾಲಾ ಚಷ್ಮಾ' ಗೆ ನೃತ್ಯ ಮಾಡಿದ್ದಾರೆ. ಈ ಹಿಂದೆ ಇದೇ ಹಾಡಿನ ಬೀಟಿಗೆ ನಾರ್ವೆಯ ಕ್ವಿಕ್ ಸ್ಟ್ರೈಲ್ ತಂಡ ಕುಣಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡಿತ್ತು.
ಇನ್ನು ಮೂರನೇ ಪಂದ್ಯವನ್ನೂ ಭಾರತ 13 ರನ್ಗಳಿಂದ ಗೆಲ್ಲುವ ಮೂಲಕ ಸರಣಿ ಕ್ಲೀನ್ಸ್ವೀಪ್ ಮಾಡಿತು. ಮೂರು ಪಂದ್ಯಗಳ ಸರಣಿಯಲ್ಲಿ 245 ರನ್ ಚಚ್ಚಿ ಅತ್ಯುತ್ತಮ ಪ್ರದರ್ಶನ ತೋರಿದ ಶುಭಮನ್ ಗಿಲ್ ಸರಣಿ ಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.
ಇದನ್ನೂ ಓದಿ: ಟೀಂ ಇಂಡಿಯಾ ಕೋಚ್ ರಾಹುಲ್ ದ್ರಾವಿಡ್ಗೆ ಕೋವಿಡ್ ಸೋಂಕು: ವರದಿ
