2025ರ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್​ಗೆ ಭಾರತ ಆತಿಥ್ಯ​

2025ರ ಐಸಿಸಿ ಮಹಿಳಾ ವಿಶ್ವಕಪ್​ಗೆ ಭಾರತ ಆತಿಥ್ಯವಹಿಸಲಿದ್ದು, ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಇದಕ್ಕೆ ಸಂಬಂಧಿಸಿದಂತೆ ಮಾಹಿತಿ ರಿಲೀಸ್ ಮಾಡಿದೆ.

ಮುಂಬೈ: 2024ರಿಂದ 2027ರ ಅವಧಿಯಲ್ಲಿ ಒಟ್ಟು ನಾಲ್ಕು ಮಹಿಳಾ ವಿಶ್ವಕಪ್​​ಗಳು ನಡೆಯಲಿದ್ದು, ಇದರಲ್ಲಿ 2025ರ ಮಹಿಳಾ ಏಕದಿನ ವಿಶ್ವಕಪ್​ ಭಾರತದಲ್ಲಿ ಆಯೋಜನೆಗೊಳ್ಳಲಿದೆ. ಇದಕ್ಕೆ ಸಂಬಂಧಿಸಿದಂತೆ ಐಸಿಸಿ ಮಾಹಿತಿ ಹಂಚಿಕೊಂಡಿದೆ. ಬರ್ಮಿಂಗ್​​ಹ್ಯಾಮ್​​ನಲ್ಲಿ ನಡೆಯುತ್ತಿರುವ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಈ ಕಾರ್ಯಕ್ರಮಕ್ಕೆ ಅನುಮೋದನೆ ಸಿಕ್ಕಿದ್ದು, ಶ್ರೀಲಂಕಾದಲ್ಲಿ ಮಹಿಳಾ ಚಾಂಪಿಯನ್ಸ್​ ಟ್ರೋಫಿ ನಡೆಸಲು ನಿರ್ಧರಿಸಲಾಗಿದೆ.

• The hosts for the ICC Women's tournaments between 2024-2027 have now been confirmed 🤩
  
  Details 👇https://t.co/Auw0YAMRLD

  — ICC (@ICC) July 26, 2022 " class="align-text-top noRightClick twitterSection" data="

  The hosts for the ICC Women's tournaments between 2024-2027 have now been confirmed 🤩
  
  Details 👇https://t.co/Auw0YAMRLD

  — ICC (@ICC) July 26, 2022

  ">

  The hosts for the ICC Women's tournaments between 2024-2027 have now been confirmed 🤩
  
  Details 👇https://t.co/Auw0YAMRLD

  — ICC (@ICC) July 26, 2022

ಉಳಿದ ವಿಶ್ವಕಪ್​​ಗಳಿಗೋಸ್ಕರ ಬಾಂಗ್ಲಾದೇಶ, ಇಂಗ್ಲೆಂಡ್​ ಮತ್ತು ಶ್ರೀಲಂಕಾ ಆತಿಥ್ಯ ಪಡೆದುಕೊಂಡಿವೆ. ICC ಮಹಿಳಾ T-20 ವಿಶ್ವಕಪ್ 2024 ಬಾಂಗ್ಲಾದೇಶ, 2026ರ ಆವೃತ್ತಿಯ ವಿಶ್ವಕಪ್​​ ಇಂಗ್ಲೆಂಡ್‌ ಹಾಗೂ 2025ರಲ್ಲಿ ಭಾರತದಲ್ಲಿ ವಿಶ್ವಕಪ್ ಆಯೋಜನೆಗೊಳ್ಳಲಿದೆ. ಇದರ ಬಗ್ಗೆ ಮಾತನಾಡಿರುವ ಐಸಿಸಿ ಅಧ್ಯಕ್ಷ ಗ್ರೆಗ್​ ಬಾರ್ಕ್ಲೇ, ಬಾಂಗ್ಲಾದೇಶ, ಭಾರತ, ಇಂಗ್ಲೆಂಡ್ ಮತ್ತು ಶ್ರೀಲಂಕಾದಲ್ಲಿ ಐಸಿಸಿ ಮಹಿಳಾ ವಿಶ್ವಕಪ್​​ ಆಯೋಜನೆಯ ಆತಿಥ್ಯ ವಹಿಸಿಕೊಂಡಿದ್ದು, ಇದಕ್ಕೆ ನಾವು ಸಂತೋಷಪಡುತ್ತೇವೆ. ಮಹಿಳಾ ಕ್ರಿಕೆಟ್ ಮತ್ತಷ್ಟು ಉತ್ತುಂಗಕ್ಕೆ ತೆಗೆದುಕೊಂಡು ಹೋಗಲು ಇದು ಉತ್ತಮ ವೇದಿಕೆಯಾಗಲಿದೆ ಎಂದರು.

ಇದೇ ವೇಳೆ ಮಾತನಾಡಿರುವ ಬಿಸಿಸಿಐ ಅಧ್ಯಕ್ಷ ಗಂಗೂಲಿ, 2025ರ ಐಸಿಸಿ ಮಹಿಳಾ ವಿಶ್ವಕಪ್​ ಆಯೋಜನೆ ಮಾಡಲು ನಾವು ಉತ್ಸುಕರಾಗಿದ್ದೇವೆ. ಇತ್ತೀಚಿನ ದಿನಗಳಲ್ಲಿ ಮಹಿಳಾ ಕ್ರಿಕೆಟ್ ವೇಗವಾಗಿ ಬೆಳೆಯುತ್ತಿದ್ದು, ಐಸಿಸಿ ಜೊತೆ ನಾವು ನಿಕಟವಾಗಿ ಕೆಲಸ ಮಾಡ್ತಿದ್ದೇವೆ ಎಂದರು.