ಚೆನ್ನೈ: ಎಂ.ಎ. ಚಿದಂಬರಂ ಕ್ರೀಡಾಂಗಣದಲ್ಲಿ ಭಾರತ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದ ಮೊದಲ ದಿನದಂದು ಮೂರನೇ ಅಂಪೈರ್ ಅನಿಲ್ ಚೌಧರಿ ಅವರ ಎಡವಟ್ಟಿನಿಂದಾಗಿ ಇಂಗ್ಲೆಂಡ್ ಪಡೆದಿದ್ದ ಅಂಪೈರ್ ತೀರ್ಮಾನ ಪುನರ್‌ಪರಿಶೀಲನಾ ಪದ್ಧತಿ (ಡಿಆರ್ಎಸ್) ಅನ್ನು ಪುನಃ ತಂಡಕ್ಕೆ ಮರಳಿಸಲಾಯಿತು.
ಎಡಗೈ ಸ್ಪಿನ್ನರ್ ಜ್ಯಾಕ್ ಲೀಚ್ ಎಸೆದ 75ನೇ ಓವರ್‌ನ 2ನೇ ಎಸೆತದಲ್ಲಿ ಅಜಿಂಕ್ಯ ರಹಾನೆ ಅದನ್ನು ಮುಂದಕ್ಕೆ ಬಂದು ಶಾರ್ಟ್-ಲೆಗ್ ಫೀಲ್ಡರ್ನತ್ತ ಬಾರಿಸಿದರು. ಇಂಗ್ಲೆಂಡ್ ಆಟಗಾರರು ಮನವಿ ಮಾಡಿದರೆ, ಅಂಪೈರ್ 'ನಾಟೌಟ್' ಎಂದು ಘೋಷಿಸಿದರು. ಬಳಿಕ ಡಿಆರ್ಎಸ್ ಪಡೆದರು.
ಚೆಂಡು ಬ್ಯಾಟ್ನ ಒಳ ಅಂಚಿಗೆ ತಗುಲಿರುವ ಕುರಿತು ಸ್ನಿಕೋಮೀಟರ್ನಲ್ಲಿ ತೋರಿಸಲಿಲ್ಲ. ಏಕಾಏಕಿ ನಿರ್ಧರಿಸಿ ಮೂರನೇ ಅಂಪೈರ್ ನಾಟೌಟ್ ಎಂದು ತೀರ್ಪು ನೀಡಿದರು. ಅಂಪೈರ್ ಸಂಪೂರ್ಣವಾಗಿ ಮರು ಪರಿಶೀಲನೆ ನಡೆಸದೆ ಚೆಂಡು ಫೀಲ್ಡರ್ನತ್ತ ಹೋಗುವುದನ್ನು ಮಾತ್ರ ತೋರಿಸಿದರು. 149 ಎಸೆತಗಳನ್ನು ಎದುರಿಸಿದ ರಹಾನೆ 67 ರನ್ ಗಳಿಸಿದ್ದರು.
ಅಂಪೈರ್ ನೀಡಿದ ನಿರ್ಧಾರದಿಂದ ರಹಾನೆಗೆ ಜೀವದಾನ ಸಿಕ್ಕಿತು. ಈ ಮೂಲಕ ಇಂಗ್ಲೆಂಡ್ ತಮ್ಮ ಮೂರು ಡಿಆರ್ಎಸ್ಗಳನ್ನು ಕಳೆದುಕೊಂಡಿತು. ಅಂಪೈರ್ ಮಾಡಿದ ದೋಷದಿಂದಾಗಿ ರಹಾನೆ ಇನ್ನೂ ಒಂದು ರನ್ಅನ್ನು ತಮ್ಮ ಖಾತೆಗೆ ಹಾಕಿಕೊಂಡರು. ಸರಿಯಾಗಿ ಪರಿಶೀಲಿಸದೆ ತೀರ್ಮಾನ ಕೈಗೊಂಡ ಅಂಪೈರ್ ವಿರುದ್ಧ ಭಾರೀ ಆಕ್ರೋಶ ವ್ಯಕ್ತವಾಯಿತು. ಅದಾದ ನಂತರ ಡಿಆರ್ಎಸ್ ಅನ್ನು ತಂಡಕ್ಕೆ ಮರಳಿಸಲಾಯಿತು.
ಸ್ನಿಕೋ ಮೀಟರ್ ಕುರಿತ ಮಾಹಿತಿ: ಸ್ನಿಕೋ ಮೀಟರ್ ಎಂದರೆ ಶಬ್ದ ಮತ್ತು ವೀಡಿಯೋ ಚಿತ್ರಣದ ಮೂಲಕ ಆಟಗಾರ ಔಟ್ ಆಗಿದ್ದಾರೋ ಇಲ್ಲವೋ ಎಂಬುದನ್ನು ಕಂಡು ಹಿಡಿಯಲು ಬಳಸಲಾಗುತ್ತದೆ. ಚೆಂಡು ಬ್ಯಾಟಿಗೆ ತಗುಲಿದೆಯೋ ಇಲ್ಲವೋ ಎಂಬುದನ್ನು ಸ್ನಿಕೋಮೀಟರ್ ಸ್ಪಷ್ಟವಾಗಿ ತಿಳಿಸುತ್ತದೆ.
ಪ್ರಥಮ ಇನ್ನಿಂಗ್ಸ್ನ ಮೊದಲ ದಿನಕ್ಕೆ 6 ವಿಕೆಟ್ ಕಳೆದುಕೊಂಡು 300 ರನ್ ಗಳಿಸಿರುವ ಭಾರತ, ಎರಡನೇ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದೆ.
