ಚೆನ್ನೈ (ತಮಿಳುನಾಡು): ವಿಶ್ವಕಪ್ ಆರಂಭದಲ್ಲೇ ಭಾರತ ತಂಡಕ್ಕೆ ಅನಾರೋಗ್ಯದ ಸಮಸ್ಯೆ ಕಾಡಿದೆ. ಟೀಂ ಇಂಡಿಯಾದ ಸ್ಟಾರ್, ಆರಂಭಿಕ ಯುವ ಆಟಗಾರ ಶುಭಮನ್ ಗಿಲ್ ಮುಂದಿನ ಎರಡು ಪಂದ್ಯಗಳಿಗೆ ತಂಡದಲ್ಲಿ ಲಭ್ಯ ಇರುವುದಿಲ್ಲ ಎಂದು ಬಿಸಿಸಿಐ ತಿಳಿಸಿದೆ. ಜ್ವರದ ಹಿನ್ನೆಲೆ ಭಾನುವಾರ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಪಂದ್ಯದಲ್ಲೂ ಅವರು ಕಾಣಿಸಿಕೊಂಡಿರಲಿಲ್ಲ. ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಕೋಚ್ ದ್ರಾವಿಡ್ ಮತ್ತು ನಾಯಕ ರೊಹಿತ್ ಶರ್ಮಾ ಹೇಳಿದ್ದರು.
ಬಿಸಿಸಿಐ ಪ್ರಕಟಣೆಯಲ್ಲಿ ತಿಳಿಸಿರುವಂತೆ, "ಟೀಂ ಇಂಡಿಯಾ ಬ್ಯಾಟರ್ ಶುಭ್‌ಮನ್ ಗಿಲ್ ಅವರು 9 ಅಕ್ಟೋಬರ್ 2023 ರಂದು ದೆಹಲಿಗೆ ತಂಡದೊಂದಿಗೆ ಪ್ರಯಾಣಿಸುವುದಿಲ್ಲ. ಚೆನ್ನೈನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಐಸಿಸಿ ಪುರುಷರ ಕ್ರಿಕೆಟ್ ವಿಶ್ವಕಪ್ 2023 ರಲ್ಲಿ ತಂಡದ ಮೊದಲ ಪಂದ್ಯಕ್ಕೆ ಅಲಭ್ಯರಾಗಿದ್ದ ಅವರು ಅಫ್ಘಾನಿಸ್ತಾನ ವಿರುದ್ಧದ ಅಕ್ಟೋಬರ್ 11 ರಂದು ದೆಹಲಿಯಲ್ಲಿ ನಡೆಯುವ ಮುಂದಿನ ಪಂದ್ಯವನ್ನು ಕಳೆದುಕೊಳ್ಳಲಿದ್ದಾರೆ. ಗಿಲ್ ಚೆನ್ನೈನಲ್ಲಿ ಉಳಿಯುತ್ತಾರೆ ಮತ್ತು ವೈದ್ಯಕೀಯ ತಂಡದ ಮೇಲ್ವಿಚಾರಣೆಯಲ್ಲಿರುತ್ತಾರೆ" ಎಂದಿದೆ.
-
🚨 Medical Update: Shubman Gill 🚨
— BCCI (@BCCI) October 9, 2023 " class="align-text-top noRightClick twitterSection" data="
More Details 🔽 #TeamIndia | #CWC23 | #MeninBluehttps://t.co/qbzHChSMnm
">🚨 Medical Update: Shubman Gill 🚨
— BCCI (@BCCI) October 9, 2023
More Details 🔽 #TeamIndia | #CWC23 | #MeninBluehttps://t.co/qbzHChSMnm🚨 Medical Update: Shubman Gill 🚨
— BCCI (@BCCI) October 9, 2023
More Details 🔽 #TeamIndia | #CWC23 | #MeninBluehttps://t.co/qbzHChSMnm
ಗಿಲ್ ಬದಲಿಗೆ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಇಶಾನ್ ಕಿಶನ್ ಅವರು ನಾಯಕ ರೋಹಿತ್ ಶರ್ಮಾ ಜೊತೆಗೆ ಆರಂಭಿಕರಾಗಿ ಕಣಕ್ಕಿಳಿದಿದ್ದರು. ಆದರೆ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ ಕಿಶನ್ಗೆ ಅಫ್ಘಾನಿಸ್ತಾನದ ವಿರುದ್ಧ ಅವಕಾಶ ಸಿಗುತ್ತದಾ ಅಥವಾ ಕೆ ಎಲ್ ರಾಹುಲ್ ಆರಂಭಿಕರಾಗಿ ಕಾಣಿಸಿಕೊಳ್ಳಲಿದ್ದಾರಾ ಎಂಬುದು ಮುಂದಿರುವ ಪ್ರಶ್ನೆ. ಕಿಶನ್ ಆರಂಭಿಕರಾಗಿ ಮತ್ತು ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ ಗುರುತಿಸಿಕೊಂಡಿದ್ದಾರೆ. ಆದರೆ ಆಸ್ಟ್ರೇಲಿಯಾದ ವಿರುದ್ಧದ ವಿಫಲತೆ ಬೆಂಚ್ ಕಾಯಲು ಕಾರಣವಾಗುತ್ತಾ ಎಂಬುದನ್ನು ಕಾದು ನೋಡಬೇಕಿದೆ.
ಅಫ್ಘಾನಿಸ್ತಾನದ ವಿರುದ್ಧದ ಪಂದ್ಯದ ನಂತರ ಭಾರತ ಹೈವೋಲ್ಟೇಜ್ ಪಂದ್ಯಕ್ಕೆ ಸಜ್ಜಾಗಬೇಕಿದೆ. ಅಕ್ಟೋಬರ್ 14 ರಂದು ಭಾರತ ಅಹಮದಾಬಾದ್ ಕ್ರೀಡಾಂಗಣದಲ್ಲಿ ಪಾಕಿಸ್ತಾನವನ್ನು ಎದುರಿಸಲಿದೆ. ಚೇತರಿಸಿಕೊಂಡು ತಂಡಕ್ಕೆ ಗಿಲ್ ಮರಳಿದರೆ ಈ ಹೈವೋಲ್ಟೇಜ್ ಕದನದಲ್ಲಿ ಅವಕಾಶ ಸಿಗುತ್ತದೆಯಾ ಅಥವಾ ವಿಶ್ರಾಂತಿ ನೀಡಿ ಮುಂದಿನ ಪಂದ್ಯಗಳಿಗೆ ಆಡಿಸುತ್ತಾರಾ ಎಂಬುದು ಬಿಸಿಸಿಐ ನಿರ್ಧಾರವನ್ನು ಅವಲಂಬಿಸಿದೆ.
ಭಾರತಕ್ಕೆ ಬೇಕು ದೊಡ್ಡ ಗೆಲುವು: ಅಫ್ಘಾನಿಸ್ತಾನದ ಮುಂದೆ ಭಾರತ ದೊಡ್ಡ ಗೆಲುವು ಪಡೆಯುವ ಅಗತ್ಯ ಇದೆ. ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಲೋ ಸ್ಕೋರ್ ಗೇಮ್ ಆಗಿದ್ದು, ಭಾರತ ಗೆದ್ದು 2 ಅಂಕ ಗಳಿಸಿದರೂ ಅಂಕ ಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದೆ. ಮೊದಲ ಪಂದ್ಯವಾದರೂ ರನ್ರೇಟ್ ಕೊನೆಯ ಹಂತದಲ್ಲಿ ಪ್ರಮುಖ ಆಗುವ ಕಾರಣ ವೀಕ್ ತಂಡದ ಎದುರು ಭರ್ಜರಿ ಪ್ರದರ್ಶನ ನೀಡಿ ರನ್ರೇಟ್ ಸುಧಾರಿಸಿಕೋಳ್ಳುವ ಅಗತ್ಯಇದೆ.
ಆಸಿಸ್ ವಿರುದ್ಧ ಆರಂಭಿಕರ ವೈಫಲ್ಯ: ನಿನ್ನೆಯ (ಭಾನುವಾರ) ಪಂದ್ಯದಲ್ಲಿ ಭಾರತ ಕಳಪೆ ಆರಂಭವನ್ನು ಪಡೆಯಿತು. ವಿಶ್ವಕಪ್ನಲ್ಲಿ ಮೊದಲ ಬಾರಿಗೆ ಇಬ್ಬರು ಆರಂಭಿಕ ಬ್ಯಾಟರ್ಗಳು ಶೂನ್ಯಕ್ಕೆ ವಿಕೆಟ್ ಕೊಟ್ಟರು. ಅವರ ಬೆನ್ನಲ್ಲೇ ಶ್ರೇಯಸ್ ಅಯ್ಯರ್ ಸಹ ರನ್ ಗಳಿಸದೇ ಔಟ್ ಆಗಿದ್ದರು. ನಂತರ ವಿರಾಟ್ (85) ಮತ್ತು ರಾಹುಲ್ (97) ಇನ್ನಿಂಗ್ಸ್ ತಂಡವನ್ನು ಗೆಲುವಿನತ್ತ ಕೊಂಡೊಯ್ದರು.
ಇದನ್ನೂ ಓದಿ: Cricket World Cup: ಆಸೀಸ್ ವಿರುದ್ಧ ರಾಹುಲ್ ವಿರಾಟ್ ಮಿಂಚು.. ಗಂಡಂದಿರ ಆಟ ಶ್ಲಾಘಿಸಿದ ಪತ್ನಿಯರು
