ನವದೆಹಲಿ: ಪ್ರಸಕ್ತ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಹೊಸ ಪ್ರತಿಭೆ ಉಮ್ರಾನ್ ಮಲಿಕ್ ಇದೀಗ ಭಾರೀ ಸದ್ದು ಮಾಡ್ತಿದ್ದು, ದಾಖಲೆಯ 153 ಕಿ.ಮೀ ವೇಗದಲ್ಲಿ ಬೌಲ್ ಮಾಡಿ ದಾಖಲೆ ನಿರ್ಮಾಣ ಮಾಡಿದ್ದಾರೆ. ಈ ಪ್ರತಿಭೆಗೆ ಇದೀಗ ಟೀಂ ಇಂಡಿಯಾ ಮಣೆ ಹಾಕಿದೆ.
ಸನ್ರೈಸರ್ಸ್ ಹೈದರಾಬಾದ್ ತಂಡದ ವೇಗಿ ಟಿ. ನಟರಾಜನ್ ಕೊರೊನಾ ಸೋಂಕಿಗೊಳಗಾಗುತ್ತಿದ್ದಂತೆ ಬದಲಿ ಆಟಗಾರನಿಗೆ ಮಣೆ ಹಾಕಿದ್ದ SRH ಅನ್ಕ್ಯಾಪ್ಡ್, ಮಧ್ಯಮ ವೇಗಿ ಉಮ್ರಾನ್ ಮಲಿಕ್ಗೆ ಮಣೆ ಹಾಕಿತ್ತು. 21 ವರ್ಷದ ಮಲಿಕ್ ಈಗಾಗಲೇ ಲಿಸ್ಟ್ A ಪಂದ್ಯದಲ್ಲಿ ಜಮ್ಮು-ಕಾಶ್ಮೀರ ಪರ ಏಕೈಕ ಟಿ - 20 ಪಂದ್ಯವನ್ನಾಡಿ 4 ವಿಕೆಟ್ ಪಡೆದಿದ್ದಾರೆ. ಸನ್ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ನೆಟ್ ಬೌಲರ್ ಆಗಿ ಗುರುತಿಸಿಕೊಂಡಿದ್ದ ಇವರು, ಆಡಿರುವ 3 ಪಂದ್ಯಗಳಿಂದ 2 ವಿಕೆಟ್ ಪಡೆದುಕೊಂಡಿದ್ದಾರೆ.
ವೇಗದ ಬೌಲಿಂಗ್ನಿಂದಲೇ ಎಲ್ಲರ ಗಮನ ಸೆಳೆದಿರುವ ಜಮ್ಮು - ಕಾಶ್ಮೀರದ ವೇಗಿ ಉಮ್ರಾನ್ ಮಲಿಕ್, ಇದೀಗ ಟಿ -20 ವಿಶ್ವಕಪ್ಗಾಗಿ ಟೀಂ ಇಂಡಿಯಾ ನೆಟ್ ಬೌಲರ್ ಆಗಿ ಆಯ್ಕೆಯಾಗಿದ್ದಾರೆ. 153 ಕಿ.ಮೀ ವೇಗದಲ್ಲಿ ಬೌಲ್ ಮಾಡಿ ದಾಖಲೆ ಬರೆದಿರುವ ಉಮ್ರಾನ್ ಬಗ್ಗೆ ಈಗಾಗಲೇ ವಿರಾಟ್ ಕೊಹ್ಲಿ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ. ಜೊತೆಗೆ ಮಲಿಕ್ ಜರ್ಸಿಗೆ ಕೊಹ್ಲಿ ಸಹಿ ಕೂಡ ಮಾಡಿದ್ದಾರೆ.
ಇದನ್ನೂ ಓದಿರಿ: ಉಮ್ರಾನ್ ಮಲಿಕ್ ಪ್ರಗತಿಯನ್ನು ಗಮನಿಸಬೇಕಾದ ಅಗತ್ಯವಿದೆ: ವಿರಾಟ್ ಕೊಹ್ಲಿ
23 ವರ್ಷದ ವೇಗದ ಬೌಲರ್ ಉಮ್ರಾನ್ ಮಲಿಕ್ ಈಗಾಗಲೇ ರಣಜಿ ಹಾಗೂ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಭಾಗಿಯಾಗಿದ್ದು, ಇವರ ಬೌಲಿಂಗ್ ಪ್ರದರ್ಶನದಿಂದ ಆಕರ್ಷಿತವಾದ ಹೈದರಾಬಾದ್ ತಂಡ ನೆಟ್ ಬೌಲರ್ ಆಗಿ ಆಯ್ಕೆ ಮಾಡಿತ್ತು. ಇದೀಗ ವಿಶ್ವಕಪ್ಗಾಗಿ ನೆಟ್ ಬೌಲರ್ ಆಗಿದ್ದಾರೆ.
