ಹೈದರಾಬಾದ್: ಕಾತರಕ್ಕೆ ತೆರೆ ಬೀಳಲು ಇನ್ನೇನು ನಾಲ್ಕೇ ದಿನ. ಜಗತ್ತಿನ ಕ್ರಿಕೆಟ್ ಫ್ಯಾನ್ಸ್‌ ಆಂಗ್ಲರ ನಾಡಿನಲ್ಲಿ ನಡೆಯುವ ವಿಶ್ವಕಪ್ ಸಮರ ನೋಡಲು ತುದಿಗಾಲಿನಲ್ಲಿ ನಿಂತಿದ್ದಾರೆ. ಈಗಾಗಲೇ 2 ಬಾರಿ ವರ್ಲ್ಡ್‌ಕಪ್‌ ಗೆದ್ದಿರುವ ಟೀಂ ಇಂಡಿಯಾ ಈ ಸಾರಿಯೂ ಗೆಲ್ಲುವ ನೆಚ್ಚಿನ ತಂಡಗಳಲ್ಲೊಂದಾಗಿದೆ. ಬ್ಲ್ಯೂಬಾಯ್ಸ್‌ ಸ್ಟ್ರೆಂಥ್ ಜತೆಗೆ ಕೆಲ ವೀಕ್ನೆಸ್‌ಗಳನ್ನೂ ಮೆಟ್ಟಿ ನಿಲ್ಲಬೇಕು.
ಭಾರತ ತಂಡದಲ್ಲಿ ಒಂದಲ್ಲಾ ಹತ್ತಾರು ವೈಶಿಷ್ಟ್ಯ :
ಬಲಿಷ್ಠ ಬ್ಯಾಟಿಂಗ್ ಲೈನ್‌ಅಪ್, ಐಪಿಎಲ್ಲ್ಲಿ ಧೂಳೆಬ್ಬಿಸಿದ ಪವರ್ ಹಿಟ್ಟರ್ಸ್, ಯಂಗ್-ಎನರ್ಜಿಟಿಕ್ ಅಂಡ್ ಅಗ್ರೆಸ್ಸಿವ್ ಕ್ಯಾಪ್ಟನ್, ಅನುಭವಿ ವಿಕೆಟ್ ಕೀಪರ್, ಗೇಮ್ ಚೇಂಜ್ ಮಾಡಬಲ್ಲ ಯಂಗ್ ಬೌಲರ್ಸ್. ಇವೆಲ್ಲ ವಿಶ್ವಕಪ್ ಆಡ್ತಿರುವ ಟೀಂ ಇಂಡಿಯಾದ ವೈಶಿಷ್ಟ್ಯಗಳು. 2011ರಲ್ಲಿ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಶ್ರೀಲಂಕಾ ವಿರುದ್ಧ ರೋಚಕ ಫೈನಲ್ ಹಾಣಾಹಣಿ ಗೆದ್ದು ವಿಶ್ವಕಪ್ ಎತ್ತಿಹಿಡಿದ ಭಾರತ, ಆ ಗೆಲುವನ್ನ ಕ್ರಿಕೆಟ್ ದೇವರು ಸಚಿನ್ ತೆಂಡುಲ್ಕರ್ಗೆ ಅರ್ಪಿಸಿತು. ಟೀಂ ಇಂಡಿಯಾದ ಈಗಿನ ನಾಯಕ ಕಿಂಗ್ ಕೊಹ್ಲಿ, ಕ್ರಿಕೆಟ್ ದೇವರನ್ನ ತಮ್ಮ ಭುಜದ ಮೇಲೆ ಹೊತ್ಕೊಂಡು ಗೆಲುವನ್ನ ಸಂಭ್ರಮಿಸಿದ್ದರು. ಆ ಬಳಿಕ 2015ರಲ್ಲಿ ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ನಲ್ಲಿ ನಡೆದ ವಿಶ್ವಕಪ್ನಲ್ಲಿ ಭಾರತ ಮುಗ್ಗರಿಸಿ, ಕ್ರಿಕೆಟ್ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿತು. ಈಗ ಮತ್ತೆ ವಿಶ್ವಕಪ್ ಬಂದಿದೆ. ಕಪ್ ಗೆಲ್ಲುವ ನೆಚ್ಚಿನ ತಂಡಗಳ ಪಟ್ಟಿಯಲ್ಲಿ ಕೊಹ್ಲಿ ಬಳಗವೂ ಇದೆ. ಹಾಗಾದ್ರೇ ಟೀಂ ಇಂಡಿಯಾ ಈ ಬಾರಿ ಕಪ್ ಗೆಲ್ಲುತ್ತಾ, ಬ್ಲ್ಯೂ ಬಾಯ್ಸ್ ಸ್ಟ್ರೆಂಥ್ ಮತ್ತು ವೀಕ್ನೆಸ್ ಏನು? ಕಪ್ ಗೆಲ್ಲೋಕೆ ಯಾವೆಲ್ಲಾ ಅವಕಾಶಗಳು ಭಾರತಕ್ಕಿವೆ ಅಂತೀರಾ, ಇಲ್ನೋಡಿ.
ಟಾಪ್ ಆರ್ಡರ್ ಬ್ಯಾಟ್ಸ್‌ಮೆನ್ಸ್‌, ಸ್ಪಿನ್ ಬೌಲರ್ಸ್ ಬಲ:
ಟಾಪ್ ಆರ್ಡರ್ ಬ್ಯಾಟಿಂಗ್ ಲೈನಪ್ ಹೊಂದಿದೆ ಭಾರತ. ಎಡಗೈ ಬ್ಯಾಟ್ಸ್ಮೆನ್ ಶಿಖರ್ ಧವನ್, ಈ ಬಾರಿಯ ಐಪಿಎಲ್ ಕಪ್ ಗೆದ್ದ ನಾಯಕ ರೋಹಿತ್ ಶರ್ಮಾ, ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ಭಾರತ ತಂಡದಲ್ಲಿ ರನ್ ಮಳೆ ಸುರಿಸೋ ಟಾಪ್ ಆರ್ಡರ್ ಬ್ಯಾಟ್ಸ್ಮೆನ್ಗಳು. 2015ರ ವಿಶ್ವಪ್ನಲ್ಲಿ ಭಾರತದ ಟಾಪ್ ಆರ್ಡರ್ ಬ್ಯಾಟ್ಸ್ಮೆನ್ಗಳು ಬರೋಬ್ಬರಿ 13,055 ರನ್ ಪೇರಿಸಿದ್ದರು.
ತಂಡದಲ್ಲಿ ಮ್ಯಾಜಿಕ್ ಮಾಡಬಲ್ಲ ಸ್ಪಿನ್ನರ್ಸ್‌ಗಳಿದ್ದಾರೆ. ರವೀಂದ್ರ ಜಡೇಜಾ, ಕುಲ್ದೀಪ್ ಯಾದವ್ ಹಾಗೂ ಯಜುವೇಂದ್ರ ಚಾಹಲ್ ಭಾರತ ತಂಡದ ಸ್ಪಿನ್ ಮಾಂತ್ರಿಕರು. ಸದ್ಯ ಈ ಮೂವರೂ ಸ್ಥಿರ ಪ್ರದರ್ಶನ ನೀಡುತ್ತಿರುವುದು ಭಾರತಕ್ಕೆ ಪ್ಲಸ್ ಪಾಯಿಂಟ್. 2015ರ ವರ್ಲ್ಡ್‌ಕಪ್ನಿಂದ ಈ ಮೂವರಲ್ಲಿ ಕನಿಷ್ಟ ಒಬ್ಬರು ಆಡಿರುವ ಪಂದ್ಯಗಳಲ್ಲಿ ಒಟ್ಟು 517 ವಿಕಟ್ಗಳು ಉರುಳಿವೆ.
ಮಧ್ಯಮ ಕ್ರಮಾಂಕ, ಫಾರ್ಮ್‌ನದ್ದೇ ದೌರ್ಬಲ್ಯಗಳು:
ಭಾರತದ ಬ್ಯಾಟಿಂಗ್ ಹೆಚ್ಚಾಗಿ ಆರಂಭಿಕ ಆಟಗಾರರನ್ನೇ ನೆಚ್ಚಿದೆ. ಮಧ್ಯಮ ಕ್ರಮಾಂಕದ ಆಟಗಾರರಿಂದ ನಿರೀಕ್ಷಿತ ಪ್ರದರ್ಶನ ಬರುತ್ತಿಲ್ಲ. ಅಂಕಿ-ಅಂಶಗಳ ಪ್ರಕಾರ 2015ರ ವಿಶ್ವಕಪ್ ಬಳಿಕ ಭಾರತದ ಟಾಪ್ ಆರ್ಡರ್ ಬ್ಯಾಟ್ಸ್ಮನ್ಗಳಿಂದ 13,055 ರನ್ಗಳು ಬಂದಿವೆ. ಇದು ಉಳಿದ ತಂಡಗಳಿಗೆ ಹೋಲಿಸದ್ರೆ ಅತೀ ಹೆಚ್ಚು ರನ್. ಇದೇ ವೇಳೆ ಭಾರತ ತಂಡದ ಮಧ್ಯಮ ಕ್ರಮಾಂಕದ ರನ್ ಕೇವಲ 7,025. ಇದು 6ನೇ ಅತೀ ಹೆಚ್ಚು ಮೊತ್ತ. ಹೀಗಾಗಿ ಮಧ್ಯಮ ಕ್ರಮಾಂಕದ ಆಟಗಾರರು ಇನ್ನಷ್ಟು ವೇಗ ರನ್ ಪೇರಿಸಬೇಕಿದೆ.
ಆಟಗಾರರ ಫಾರ್ಮ್ ಸಮಸ್ಯೆ ಪದೇಪದೆ ಕಾಡುತ್ತಿದೆ. ನಾಯಕ ವಿರಾಟ್ ಕೊಹ್ಲಿ ರನ್ ಮೆಷಿನ್ ಅಂತಾನೇ ಫೇಮಸ್. ಯಾವ ಕ್ಷಣದಲ್ಲಿ ಅಬ್ಬರಿಸುತ್ತಾರೆಂದು ಎದುರಾಳಿಗಳೂ ಗೆಸ್ ಮಾಡೋದು ಕಷ್ಟ. ಆದರೆ, ಈ ಬಾರಿಯ ಐಪಿಎಲ್ನಲ್ಲಿ ಕೊಹ್ಲಿ ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ. ವಿಶ್ವಕಪ್ ಇಂಗ್ಲೆಂಡ್ನಲ್ಲಿ ನಡೆಯುತ್ತಿರುವುದರಿಂದ ಫಾರ್ಮ್‌ನಲ್ಲಿ ಸ್ಥಿರತೆ ಕಾಯ್ದುಕೊಳ್ಳಬೇಕಿದೆ. ಇನ್ನೊಂದೆಡೆ ಮಾಜಿ ನಾಯಕ ಎಂ ಎಸ್ ಧೋನಿ ಐಪಿಎಲ್ನಲ್ಲಿ ಭರ್ಜರಿ ಫಾರ್ಮ್ನಲ್ಲಿದ್ದರು. ಆದರೆ, ಅದಕ್ಕೂ ಹಿಂದೆ ನಡೆದ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಧೋನಿ ಫಾರ್ಮ್ ಕಳೆದುಕೊಂಡಿದ್ದರು. ಈಗ ಮತ್ತೆ ಧೋನಿ ಕಳಪೆ ಫಾರ್ಮ್ ಹೊಂದಬಾರದಷ್ಟೇ.
2 ಬಾರಿ ಚಾಂಪಿಯನ್ ಭಾರತ ತಂಡಕ್ಕೆ ಅವಕಾಶಗಳು :
ಸದ್ಯ ವಿಶ್ವಕಪ್ಗೆ ಆಯ್ಕೆಯಾಗಿರೋ ಟೀಂ ಇಂಡಿಯಾ ಬಲಿಷ್ಟವಾಗಿದೆ. 15 ಮಂದಿಯೂ ಅಬ್ಬರಿಸುವ ಸಾಮರ್ಥ್ಯವುಳ್ಳವರೇ. ಪ್ಲೇಯಿಂಗ್ ಇಲೆವೆನ್ ಹೊರತುಪಡಿಸಿ, ಉಳಿವ ನಾಲ್ಕು ಆಟಗಾರರನ್ನು ಅಗತ್ಯ ಬಿದ್ದಾಗ ಅಥವಾ ಇಂಜುರಿ ಸಮಸ್ಯೆ ಎದುರಾದಾಗ ಸಮರ್ಥ ರೀತಿಯಲ್ಲಿ ಬಳಸಿಕೊಳ್ಳಬೇಕಿದೆ. ಸದ್ಯ ಹಾರ್ದಿಕ್ ಪಾಂಡ್ಯ ಹಾಗೂ ಜಸ್ಪ್ರೀತ್ ಬೂಮ್ರಾ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಈ ಬಾರಿ ಮುಂಬೈ ಐಪಿಎಲ್ ಚಾಂಪಿಯನ್ ಆಗಲು ಈ ಇಬ್ಬರ ಪಾತ್ರ ದೊಡ್ಡದಾಗಿತ್ತು. ಬೂಮ್ರಾ ಏಕದಿನ ಕ್ರಿಕೆಟ್ನಲ್ಲಿ ನಂಬರ್ ಒನ್ ಱಂಕಿಂಗ್ನಲ್ಲಿದ್ದಾರೆ. ಇವರನ್ನು ಸಮರ್ಥ ಅಸ್ತ್ರವಾಗಿ ಬಳಸುವ ಅವಕಾಶವಿದೆ.
ಗೆಲ್ಲುವ ಫೇವರೆಟ್‌ ತಂಡ ಭಾರತಕ್ಕೆ ಭೀತಿಯೂ ಇದೆ :
ಮಧ್ಯಮ ಕ್ರಮಾಂಕಕ್ಕೆ ಸೂಕ್ತ ಆಟಗಾರರೇ ಸಿಗುತ್ತಿಲ್ಲ. ಟೀಂ ಇಂಡಿಯಾ ಇದಕ್ಕಾಗಿ ಹಲವು ಆಟಗಾರರನ್ನ ಪರೀಕ್ಷಿಸಿದೆ. ಆದರೆ, ಸ್ಟ್ಯಾಂಡಿಂಗ್ ಬ್ಯಾಟ್ಸ್ಮನ್ಗಳು ಟೀಂ ಇಂಡಿಯಾಗೆ ಲಭ್ಯವಾಗುತ್ತಿಲ್ಲ. ಮಿಡ್ಲ್ ಆರ್ಡರ್ಗಾಗೇ ಈವರೆಗೆ, ಭಾರತ 24 ಆಟಗಾರರನ್ನ ಬಳಸಿಯೂ, ಯಾವ ಜೋಡಿಯೂ ಕ್ಲಿಕ್ ಆಗಿಲ್ಲ. ಮೂವರು ವೇಗದ ಬೌಲರ್ಗಳನ್ನು ಈ ಸಾರಿ ಆಯ್ಕೆ ಮಾಡಲಾಗಿದೆ. ಶಮಿ, ಭುವನೇಶ್ವರ್ ಹಾಗೂ ಬೂಮ್ರಾ ಪೇಸರ್ಗಳಾಗಿ ಹೆಚ್ಚೆಚ್ಚು ವಿಕೆಟ್ ಕೀಳ್ತಾರಾ ಅನ್ನೋ ಆತಂಕವೂ ಇದೆ. ಇಂಗ್ಲೆಂಡ್ನ ಅಂಗಳಗಳಲ್ಲಿ ಉಮೇಶ್ ಯಾದವ್ ಹೆಚ್ಚು ಕ್ಲಿಕ್ ಆಗಿದ್ದಾರೆ. ಆದರೆ, ಯಾದವ್ ಆಯ್ಕೆಯಾಗದಿರುವುದು ಅಭಿಮಾನಿಗಳಿಗೆ ಚಿಂತೆಯಾಗಿದೆ.
ವಿಶ್ವಕಪ್ ಆಡಲಿರೋ ಭಾರತ ತಂಡದ ಪ್ಲೇಯರ್‌ಗಳು :
ವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ, ಶಿಖರ್ ಧವನ್, ವಿಜಯ್ ಶಂಕರ್, ಎಂಎಸ್ ಧೋನಿ, ಕೇದಾರ್ ಜಾಧವ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಕುಲ್ದೀಪ್ ಯಾದವ್, ಜಸ್ಪ್ರೀತ್ ಬೂಮ್ರಾ, ಯಜುವೇಂದ್ರ ಚಾಹಲ್, ಭುವನೇಶ್ವರ್ ಕುಮಾರ್, ಕೆಎಲ್ ರಾಹುಲ್, ದಿನೇಶ್ ಕಾರ್ತಿಕ್. ತಂಡದ ದೌರ್ಬಲ್ಯಗಳನ್ನ ಹತ್ತಿಕ್ಕಿ ಸಾಂಘಿಕ ಶಕ್ತಿ ಪ್ರದರ್ಶನ ತೋರಿದ್ರೇ ನಿಜಕ್ಕೂ ಭಾರತ ಈ ಸಾರಿ ಆಂಗ್ಲರ ನಾಡಿನಲ್ಲಿ ವರ್ಲ್ಡ್‌ಕಪ್‌ ಎತ್ತಿ ಹಿಡಿಯೋದರಲ್ಲಿ ಅನುಮಾನವೇ ಇಲ್ಲ.
