ಭಾರತ ತಂಡಕ್ಕೆ ಖುಷಿ ವಿಚಾರ.. ಗಾಯದಿಂದ ಚೇತರಿಸಿಕೊಂಡು ಅಭ್ಯಾಸ ಶುರುಮಾಡಿದ ಸ್ಟಾರ್​ ಬ್ಯಾಟ್ಸ್​ಮನ್​

ಐಪಿಎಲ್​ನಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ ಪರ ಆಡುತ್ತಿದ್ದ ಸಹಾ ನವೆಂಬರ್​ 3 ರಂದು ನಡೆದಿದ್ದ ಮುಂಬೈ ಇಂಡಿಯನ್ಸ್​ ವಿರುದ್ಧದ ಪಂದ್ಯದ ವೇಳೆ ಹ್ಯಾಮ್​ಸ್ಟ್ರಿಂಗ್​ನಿಂದ ಬಳಲಿದ್ದರು. ನಂತರ 2 ಪಂದ್ಯಗಳಲ್ಲಿ ಅವರು ತಂಡದಿಂದ ಹೊರಬಿದ್ದಿದ್ದರು..

ಸಿಡ್ನಿ: ಐಪಿಎಲ್ ವೇಳೆ ಗಾಯಗೊಂಡಿದ್ದ ಭಾರತ ತಂಡದ ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ ವೃದ್ಧಿಮಾನ್ ಸಹಾ ಬುಧವಾರ ಭಾರತ ತಂಡದ ಜೊತೆಗೆ ನೆಟ್ಸ್​ನಲ್ಲಿ ಅಭ್ಯಾಸ ಶುರು ಮಾಡಿದ್ದಾರೆ.

ಅವರ ಫಿಟ್​ನೆಸ್​ ಬಗ್ಗೆ ಇನ್ನು ಯಾವುದೇ ಖಚಿತವಾದ ಮಾಹಿತಿ ತಿಳಿದು ಬಂದಿಲ್ಲವಾದರೂ, ಬುಧವಾರ ತಂಡದ ತರಬೇತುದಾರರೊಂದಿಗೆ 36 ವರ್ಷದ ಸಹಾ ಬ್ಯಾಟಿಂಗ್ ಮಾಡುವ ವಿಡಿಯೋವನ್ನು ಬಿಸಿಸಿಐ ತನ್ನ​ ಟ್ವಿಟರ್​ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

• Look who is batting in the nets today. Hello @Wriddhipops! 💪 #TeamIndia pic.twitter.com/GEzLKcSdVF

  — BCCI (@BCCI) November 18, 2020 " class="align-text-top noRightClick twitterSection" data="

  Look who is batting in the nets today. Hello @Wriddhipops! 💪 #TeamIndia pic.twitter.com/GEzLKcSdVF

  — BCCI (@BCCI) November 18, 2020

  ">

  Look who is batting in the nets today. Hello @Wriddhipops! 💪 #TeamIndia pic.twitter.com/GEzLKcSdVF

  — BCCI (@BCCI) November 18, 2020

"ನೋಡಿ ಇಂದು ನೆಟ್ಸ್​ನಲ್ಲಿ ಯಾರು ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಹೆಲೋ ವೃದ್ಧಿಮಾನ್​ ಸಹಾ" ಎಂದು ಟ್ವೀಟ್​ನಲ್ಲಿ ಬರೆದುಕೊಂಡು ವಿಡಿಯೋ ಶೇರ್​ ಮಾಡಿಕೊಂಡಿದೆ.

ವೃದ್ಧಿಮಾನ್ ಸಹಾ

ಐಪಿಎಲ್​ನಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ ಪರ ಆಡುತ್ತಿದ್ದ ಸಹಾ ನವೆಂಬರ್​ 3ರಂದು ನಡೆದಿದ್ದ ಮುಂಬೈ ಇಂಡಿಯನ್ಸ್​ ವಿರುದ್ಧದ ಪಂದ್ಯದ ವೇಳೆ ಹ್ಯಾಮ್​ಸ್ಟ್ರಿಂಗ್​ನಿಂದ ಬಳಲಿದ್ದರು.

ನಂತರ 2 ಪಂದ್ಯಗಳಲ್ಲಿ ಅವರು ತಂಡದಿಂದ ಹೊರಬಿದ್ದಿದ್ದರು. ಆದರೆ, ಬಿಸಿಸಿಐ ಅವರ ಫಿಟ್​ನೆಸ್​ ಮೇಲೆ ನಿಗಾ ಇಡಲಾಗಿದೆ ಎಂದು ಹೇಳಿಕೆ ಬಿಡುಗಡೆ ಮಾಡಿತ್ತು. ಗಂಗೂಲಿ ಕೂಡ ವೃದ್ದಿ ಟೆಸ್ಟ್​ ಸರಣಿ ವೇಳೆಗೆ ಫಿಟ್ ಆಗಲಿದ್ದಾರೆ ಎಂದು ತಿಳಿಸಿದ್ದರು. ಐಪಿಎಲ್​ನಲ್ಲಿ ಕೇವಲ 4 ಪಂದ್ಯಗಳಲ್ಲಿ ಆಡುವ ಅವಕಾಶ ಪಡೆದಿದ್ದ ಸಹಾ 2 ಅರ್ಧಶತಕಗಳ ಸಹಿತ 214 ರನ್​ ಗಳಿಸಿದ್ದರು.