ಮುಂಬೈ: ಟೆಸ್ಟ್ ಹಾಗೂ ಏಕದಿನ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್, ಶತಕ ಸೇರಿದಂತೆ ಹಲವಾರು ಬ್ಯಾಟಿಂಗ್ ದಾಖಲೆಯನ್ನು ಹೊಂದಿರುವ ಸಚಿನ್ ತೆಂಡೂಲ್ಕರ್ ಆರಂಭಿಕನಾಗಿ ಕಣಕ್ಕಿಳಿದರೂ ಸ್ಟೈಕ್ನಲ್ಲಿ ನಿಂತು ಮೊದಲ ಎಸೆತವನ್ನು ಎದುರಿಸುತ್ತಿರಲಿಲ್ಲ ಎಂದು ಬಿಸಿಸಿಐ ಅಧ್ಯಕ್ಷ ಹಾಗೂ ಭಾರತ ತಂಡ ಮಾಜಿ ನಾಯಕ ಸೌರವ್ ಗಂಗೂಲಿ ಬಹಿರಂಗಪಡಿಸಿದ್ದಾರೆ.
ಬಿಸಿಸಿಐ ಸಲುವಾಗಿ ಮಯಾಂಕ್ ಅಗರ್ವಾಲ್ ನಡೆಸಿದ ಲೈವ್ ಸಂವಾದದ ವೇಳೆ ಹಲವಾರು ಕೂತೂಹಲಕಾರಿ ಸಂಗತಿಗಳನ್ನು ಬಿಚ್ಚಿಟ್ಟಿರುವ ಗಂಗೂಲಿ ಸಚಿನ್ ಕುರಿತ ಮಹತ್ವದ ಸಂಗತಿಯೊಂದನ್ನು ಅಭಿಮಾನಿಗಳ ಮುಂದೆ ಬಹಿರಂಗಪಡಿಸಿದ್ದಾರೆ.
ಭಾರತದ ಪರ ಗಂಗೂಲಿ ಹಾಗೂ ಸಚಿನ್ ತೆಂಡೂಲ್ಕರ್ ಸಾಕಷ್ಟು ಬಾರಿ ಆರಂಭಿಕರಾಗಿ ಕಣಕ್ಕಿಳಿದದಿದ್ದಾರೆ. ಆದರೆ ಯಾವಾಗಲು ಗಂಗೂಲಿಯೇ ಮೊದಲ ಎಸೆತವನ್ನು ಎದರಿಸಬೇಕಿತ್ತಂತೆ. ಅತಿ ಹೆಚ್ಚು ರನ್ ಸರದಾರರಾಗಿರುವ ಸಚಿನ್ ಸ್ಟ್ರೈಕ್ನಲ್ಲಿ ನಿಂತು ಮೊದಲ ಎಸೆತವನ್ನು ಎದುರಿಸಿದ್ದು, ಬಹಳ ಕಡಿಮೆ ಅದೂ ನನ್ನ ಒತ್ತಡದಿಂದ ಬೆರಳೆಣಿಕೆಯಷ್ಟು ಪಂದ್ಯದಲ್ಲಿ ಮಾತ್ರ ಇನ್ನಿಂಗ್ಸ್ ಆರಂಭಿಸಿದ್ದಾರೆ ಎಂದು ಗಂಗೂಲಿ ಹೇಳಿದ್ದಾರೆ.
ಈ ವೇಳೆ ಸಚಿನ್ ನಾನ್ ಸ್ಟ್ರೈಕ್ನಲ್ಲಿ ನಿಲ್ಲಲು ಎರಡು ಕಾರಣ ಹೇಳಿದ್ದರಂತೆ, ಉತ್ತಮ ಫಾರ್ಮ್ ಮತ್ತೊಂದು ಕಳಪೆ ಫಾರ್ಮ್. ನಾನು ಉತ್ತಮ ಫಾರ್ಮ್ನಲ್ಲಿದ್ದೇನೆ ಈಗ ಯಾವುದೇ ಬದಲಾವಣೆ ಮಾಡುವುದು ಬೇಡ ನೀನೆ ಇನ್ನಿಂಗ್ಸ್ ಆರಂಭಿಸು ಎಂದು, ಮತ್ತೊಂದು ನಾನು ಉತ್ತಮ ಫಾರ್ಮ್ನಲ್ಲಿಲ್ಲ, ಹಾಗಾಗಿ ನಾನ್ಸ್ಟ್ರೈಕ್ನಲ್ಲಿ ಇರುವುದೇ ಸೂಕ್ತ ಎಂದು ಎರಡು ಕಾರಣಗಳನ್ನು ನೀಡುತ್ತಿದ್ದರು ಎಂದು ದಾದಾ ಹೇಳಿದ್ದಾರೆ.
ಅದರೂ ಒಮ್ಮೊಮ್ಮೆ ನಾನು ಸಚಿನ್ ಗಿಂತ ವೇಗವಾಗಿ ಹೋಗಿ ನಾನ್ಸ್ಟ್ರೈಕ್ನಲ್ಲಿ ನಿಂತು ಬಿಡುತ್ತಿದ್ದೆ. ಆ ಸಂದರ್ಭದಲ್ಲಿ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ ಕಾರಣ ಸಚಿನ್ ಅನಿವಾರ್ಯವಾಗಿಸ್ಟ್ರೈಕ್ ತೆಗೆದುಕೊಳ್ಳುತ್ತಿದ್ದರೂ ಎಂದು, ಹೀಗೆ ಒಂದೆರೆಡು ಬಾರಿ ನಡೆದಿತ್ತು ಎಂದಿದ್ದಾರೆ.
