ಕೊಲೊಂಬೊ: ಭಾರತದ ಕ್ರಿಕೆಟಿಗರಾದ ಮನ್ಪ್ರೀತ್ ಗೋನಿ ಹಾಗೂ ಮನ್ವಿಂದರ್ ಬಿಸ್ಲಾ ಚೊಚ್ಚಲ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಆಡುವ ಅವಕಾಶ ಪಡೆದಿದ್ದಾರೆ.
ಮುಂದಿನ ತಿಂಗಳು ನಡೆಯುವ ಟೂರ್ನಿಗಾಗಿ ನಡೆದ ಆಯ್ಕೆ ಪ್ರಕ್ರಿಯೆಯಲ್ಲಿ ಗೋನಿ ಮತ್ತು ಮನ್ವಿಂದರ್ರನ್ನು ಕೊಲೊಂಬೊ ಕಿಂಗ್ಸ್ ಫ್ರಾಂಚೈಸಿ ಆಯ್ಕೆ ಮಾಡಿಕೊಂಡಿದೆ.
ಮನ್ವಿಂದರ್ ಸಿಂಗ್ ಬಲಗೈ ಮಧ್ಯಮ ವೇಗಿಯಾಗಿದ್ದು ಭಾರತದ ಪರ 2 ಏಕದಿನ ಪಂದ್ಯವನ್ನಾಡಿದ್ದಾರೆ. 36 ವರ್ಷದ ಗೋನಿ ಐಪಿಎಲ್ನಲ್ಲಿ 44 ಪಂದ್ಯಗಳನ್ನು ಹಾಗೂ ವಿಕೆಟ್ ಕೀಪರ್ ಮನ್ವಿಂದರ್ ಬಿಸ್ಲಾ 35 ಐಪಿಎಲ್ ಪಂದ್ಯಗಳನ್ನಾಡಿದ್ದಾರೆ.
ಆನ್ಲೈನ್ನಲ್ಲಿ ನಡೆದ ಪ್ಲೇಯರ್ ಆಟಗಾರರ ಆಯ್ಕೆಪ್ರಕ್ರಿಯೆಯಲ್ಲಿ 41 ವರ್ಷದ ಕ್ರಿಸ್ ಗೇಲ್ ಅವರನ್ನು ಕ್ಯಾಂಡಿ ಟಸ್ಕರ್ಸ್ ಆಯ್ಕೆ ಮಾಡಿಕೊಂಡಿದೆ.
ಕೊಲೊಂಬೊ ಕಿಂಗ್ಸ್ಗೆ ಏಂಜೆಲೋ ಮ್ಯಾಥ್ಯೂಸ್ ಸ್ಥಳೀಯ ಐಕಾನ್ ಆದರೆ, ಫಾಫ್ ಡು ಪ್ಲೆಸಿಸ್ ಹಾಗೂ ಆ್ಯಂಡ್ರೆ ರಸೆಲ್ ವಿದೇಶಿ ಐಕಾನ್ ಆಟಗಾರರಾಗಿದ್ದಾರೆ. ಡೇವ್ ವಾಟ್ಮೋರ್ ಕೋಚ್ ಆಗಿ ನೇಮಕಗೊಂಡಿದ್ದಾರೆ.
ಗಾಲೆ ಗ್ಲಾಡಿಯೇಟರ್ ಲಸಿತ್ ಮಾಲಿಂಗರನ್ನು ಸ್ಥಳೀಯ ಐಕಾನ್ ಆಟಗಾರನಾಗಿದ್ದರೆ, ಶಾಹೀದ್ ಅಫ್ರಿದಿ ಹಾಗೂ ಕಾಲಿನ್ ಇಂಗ್ರಾಮ್ರನ್ನು ವಿದೇಶಿ ಐಕಾನ್ ಆಟಗಾರರಾಗಿದ್ದಾರೆ. ಮೊಯಿನ್ ಖಾನ್ ಕೋಚ್ ಆಗಿ ನೇಮಕಗೊಂಡಿದ್ದಾರೆ.
ದಾಸುನ್ ಶನಾಕ, ಡೇವಿಡ್ ಮಿಲ್ಲರ್ ಹಾಗೂ ಕಾರ್ಲಸ್ ಬ್ರಾತ್ವೇಟ್ ದಂಬುಲಾ ಹಾಕ್ಸ್ ತಂಡದ ಸ್ಟಾರ್ ಆಟಗಾರರಾಗಿದ್ದಾರೆ. ಜಾನ್ ಲೆವಿಸ್ ಈ ತಂಡದ ಕೋಚ್ ಆಗಿದ್ದಾರೆ. ಜಫ್ನಾ ಸ್ಟಾಲಿಯನ್ಸ್ ತಿಸಾರ ಪೆರೆರಾರನ್ನು ಸ್ಥಳೀಯ ಐಕಾನ್ ಆಗಿ ಆಯ್ಕೆಮಾಡಿಕೊಂಡಿದ್ದರೆ, ಡೇವಿಡ್ ಮಲಾನ್ ವಿದೇಶಿ ಐಕಾನ್ ಆಗಿದ್ದಾರೆ.
ಎಲ್ಪಿಎಲ್ ನವೆಂಬರ್ 21ರಿಂದ ಡಿಸೆಂಬರ್ 13ರವರೆಗೆ ನಡೆಯಲಿದೆ. 15 ದಿವಸಗಳ ಕಾಲ ನಡೆಯುವ ಈ ಟೂರ್ನಿಯಲ್ಲಿ 23 ಪಂದ್ಯಗಳು ನಡೆಯಲಿವೆ.
