ಕೆಕೆಆರ್​ ಆಟಗಾರ​ ನಿತೀಶ್​ ರಾಣಾಗೆ ಕೊರೊನಾ?

ಇಂಡಿಯನ್​ ಪ್ರೀಮಿಯರ್ ಲೀಗ್​ ಆರಂಭಗೊಳ್ಳಲು ದಿನಗಣನೆ ಆರಂಭಗೊಂಡಿದೆ. ಈ ಮಧ್ಯೆ ಕೆಕೆಆರ್ ತಂಡದ ಪ್ಲೇಯರ್​ಗೆ ಕೊರೊನಾ ಸೋಂಕು ತಗುಲಿದೆ ಎಂಬ ವರದಿಯಾಗಿದೆ.

ಹೈದರಾಬಾದ್​: ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಆಟಗಾರ ನಿತೀಶ್​ ರಾಣಾಗೆ ಕೊರೊನಾ ಸೋಂಕು ತಗುಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಈ ಬಗ್ಗೆ ಟೀಂ ಮ್ಯಾನೇಜ್​ಮೆಂಟ್​ ಯಾವುದೇ ರೀತಿಯ ಅಧಿಕೃತ ಮಾಹಿತಿ ನೀಡಿಲ್ಲ.

• We're now close enough to D-Day to count down with our own fingers ✋🏻🤚🏻
  
  🔟 days to go! ⏳#KKR #HaiTaiyaar #IPL2021 pic.twitter.com/yB3y7BHsrW

  — KolkataKnightRiders (@KKRiders) April 1, 2021 " class="align-text-top noRightClick twitterSection" data="

  We're now close enough to D-Day to count down with our own fingers ✋🏻🤚🏻
  
  🔟 days to go! ⏳#KKR #HaiTaiyaar #IPL2021 pic.twitter.com/yB3y7BHsrW

  — KolkataKnightRiders (@KKRiders) April 1, 2021

  ">

  We're now close enough to D-Day to count down with our own fingers ✋🏻🤚🏻
  
  🔟 days to go! ⏳#KKR #HaiTaiyaar #IPL2021 pic.twitter.com/yB3y7BHsrW

  — KolkataKnightRiders (@KKRiders) April 1, 2021

ಕೆಕೆಆರ್​ ತರಬೇತಿ ಶಿಬಿರ ಆರಂಭಗೊಳ್ಳುವುದಕ್ಕೂ ಮುಂಚಿತವಾಗಿ ಗೋವಾದಲ್ಲಿ ಕೆಲ ದಿನಗಳ ಕಾಲ ಕಳೆದಿದ್ದ ನಿತೀಶ್​ ರಾಣಾ, ಕಳೆದೆರಡು ದಿನಗಳ ಹಿಂದೆ ತಂಡ ಸೇರಿಕೊಂಡಿದ್ದರು. ಸದ್ಯ ಮುಂಬೈನಲ್ಲಿ ಹೋಟೆಲ್​ನಲ್ಲಿ ಕ್ವಾರಂಟೈನ್​ ಆಗಿರುವ ಅವರಿಗೆ ಎಲ್ಲ ರೀತಿಯ ಆರೋಗ್ಯ ಸೌಲಭ್ಯವನ್ನು ಒದಗಿಸಲಾಗಿದೆ ಎಂದು ವರದಿಯಾಗಿದೆ.

ಪ್ರಸಕ್ತ ಸಾಲಿನ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ ಬರುವ ಏಪ್ರಿಲ್​​ 9ರಿಂದ ಆರಂಭಗೊಳ್ಳಲಿದ್ದು, ಮೇ 30ರಂದು ಫೈನಲ್ ಪಂದ್ಯ ನಡೆಯಲಿದೆ.

ಉದ್ಘಾಟನಾ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್ ಹಾಗೂ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್​ ಸೆಣಸಾಟ ನಡೆಸಲಿವೆ.

ಕೆಕೆಆರ್​​ ಬರುವ ಏಪ್ರಿಲ್​​ 11ರಂದು ಸನ್​ರೈಸರ್ಸ್​ ವಿರುದ್ಧ ಮೊದಲ ಪಂದ್ಯ ಆಡುವ ಮೂಲಕ ಅಭಿಯಾನ ಆರಂಭ ಮಾಡಲಿದೆ.

ಕಳೆದ ವರ್ಷದ ಟೂರ್ನಿಯಲ್ಲಿ ರಾಣಾ 14 ಪಂದ್ಯಗಳಿಂದ 254ರನ್​ಗಳಿಕೆ ಮಾಡಿದ್ರು. ಇಲ್ಲಿಯವರೆಗೆ 60 ಪಂದ್ಯಗಳನ್ನಾಡಿರುವ ನಿತೀಶ್​ ರಾಣಾ 1437ರನ್​ಗಳಿಕೆ ಮಾಡಿದ್ದಾರೆ. ಇನ್ನು ವಿಜಯ್ ಹಜಾರೆ ಟ್ರೋಫಿಯಲ್ಲಿ 7 ಪಂದ್ಯಗಳಿಂದ 398ರನ್​ಗಳಿಕೆ ಮಾಡಿದ್ದು, ಟಾಪ್​ 5 ಸ್ಕೋರ್​​ ಆಗಿದ್ದಾರೆ. ಪ್ರಸಕ್ತ ಸಾಲಿನ ಟೂರ್ನಿಯಲ್ಲಿ ಭಾಗಿಯಾಗುವ ಉದ್ದೇಶದಿಂದ ಕೆಕೆಆರ್ ಈಗಾಗಲೇ ಅಭ್ಯಾಸ ಆರಂಭಿಸಿದ್ದು, ಇದರಲ್ಲಿ ನಿತೀಶ್ ರಾಣಾ ಮಾತ್ರ ಕಾಣಿಸಿಕೊಂಡಿಲ್ಲ.