ಮುಂಬೈ: ಭಾರತ ತಂಡದ ಯಶಸ್ವಿ ಬೌಲರ್ ಹಾಗೂ ಎಲ್ಲಾ ಪ್ರಕಾರದ ಕ್ರಿಕೆಟ್ನಲ್ಲಿ ವಿಶ್ವದ ಅತ್ಯುತ್ತಮ ವೇಗಿಗಳಲ್ಲಿ ಒಬ್ಬರಾಗಿರುವ ಜಸ್ಪ್ರೀತ್ ಬುಮ್ರಾ ಟ್ವಿಟ್ಟರ್ನಲ್ಲಿ ತಮ್ಮ ಹಳೆಯ ಫೋಟೋವೊಂದನ್ನು ಶೇರ್ ಮಾಡಿಕೊಂಡಿದ್ದು ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ಬಡತನದ ನಡುವೆಯೂ ಕಠಿಣ ಪರಿಶ್ರಮದಿಂದ ಯಾರ ಬೆಂಬಲವಿಲ್ಲದೆ ಬೆಳೆದ ಕೆಲವೇ ಕೆಲವು ಕ್ರಿಕೆಟಿಗರಲ್ಲಿ ಜಸ್ಪ್ರೀತ್ ಬುಮ್ರಾ ಒಬ್ಬರು. ತುಂಬಾ ಚಿಕ್ಕ ವಯಸ್ಸಿಗೆ ತಂದೆಯನ್ನು ಕಳೆದುಕೊಂಡು ತಾಯಿಯ ಮಡಿಲಲ್ಲಿ ಬೆಳೆದ ಬುಮ್ರಾ ಇಂದು ವಿಶ್ವಮಟ್ಟದಲ್ಲಿ ಚಿರಪರಿಚಿತರಾಗಿದ್ದಾರೆ. ಎಷ್ಟೇ ಬೆಳೆದರು ಕ್ರಿಕೆಟ್ನಲ್ಲಿ ತಾವು ಬೆಳೆದುಬಂದ ಹಾದಿಯನ್ನು ಮರೆಯದ ಅವರು, ತಮ್ಮ ಹಳೆ ಫೋಟೊ ಜೊತೆಗೆ ಇಂದಿನ ಫೋಟೋವನ್ನು ಸೇರಿಸಿ ಟ್ವೀಟ್ ಮಾಡಿದ್ದಾರೆ.
-
Started from the bottom now we're here. 🦁🔥 pic.twitter.com/4Sv1wtoFxE
— Jasprit Bumrah (@Jaspritbumrah93) October 16, 2019 " class="align-text-top noRightClick twitterSection" data="
">Started from the bottom now we're here. 🦁🔥 pic.twitter.com/4Sv1wtoFxE
— Jasprit Bumrah (@Jaspritbumrah93) October 16, 2019Started from the bottom now we're here. 🦁🔥 pic.twitter.com/4Sv1wtoFxE
— Jasprit Bumrah (@Jaspritbumrah93) October 16, 2019
ತಮ್ಮ ಟ್ವಿಟ್ಟರ್ನಲ್ಲಿ ಶಾಲಾ ಮಟ್ಟದ ಟೂರ್ನಿಯಲ್ಲಿ ಪ್ರಶಸ್ತಿಯನ್ನು ಪಡೆಯುತ್ತಿರುವ ಚಿತ್ರ ಹಾಗೂ ವಿಶ್ವಕಪ್ನಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆಯುತ್ತಿರುವ ಚಿತ್ರವೊಂದನ್ನು ಪೋಸ್ಟ್ ಮಾಡಿದ್ದು, ಫೋಟೋಗೆ " ಕೆಳಮಟ್ಟದಿಂದ ಆರಂಭವಾಗಿ ಈಗ ಇಲ್ಲಿ ಬಂದು ನಿಂತಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ.
ಜಸ್ಪ್ರೀತ್ ಬುಮ್ರಾ ಕೇವಲ ಭಾರತ ತಂಡದ ಓರ್ವ ಬೌಲರ್ ಆಗಿಲ್ಲ. ಒಂದು ಬೃಹತ್ ಶಕ್ತಿಯಾಗಿ ಬೆಳೆದಿದ್ದಾರೆ. ವಿದೇಶಿ ಟೂರ್ನಿಗಳಲ್ಲಿ ಬುಮ್ರಾ ಇಲ್ಲದ ತಂಡವನ್ನು ಊಹಿಸಿಕೊಳ್ಳಲು ಸಾಧ್ಯವಿಲ್ಲ ಎಂಬ ಮಟ್ಟಕ್ಕೆ ಬೆಳೆದಿದ್ದಾರೆ. ಅವರ ಆ ಒಂದು ಫೋಟೋ ಕೋಟ್ಯಂತರ ಯುವ ಕ್ರಿಕೆಟಿಗರಿಗೆ ಖಂಡಿತ ಸ್ಪೂರ್ತಿಯಾಗಲಿದೆ. ಸಾಮರ್ಥ್ಯವೊಂದಿದ್ದರೆ ಎಂತಹ ಸಾಧನೆಯನ್ನಾದರೂ ಮಾಡಬಹುದು ಎಂಬುದನ್ನು ಸಾರಿ ಹೇಳುವಂತಿದೆ ಎಂದು ಸಾವಿರಾರು ಮಂದಿ ಕಾಮೆಂಟ್ ಮಾಡುವ ಮೂಲಕ ಬುಮ್ರಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
