ಮುಂಬೈ: 13ನೇ ಐಪಿಎಲ್ ಮುಕ್ತಾಯವಾಗಿದ್ದು, ಮುಂಬೈ ಇಂಡಿಯನ್ಸ್ ತಂಡ 5ನೇ ಬಾರಿ ಪ್ರಶಸ್ತಿ ಎತ್ತಿ ಹಿಡಿದಿದೆ. ಆದರೆ, ಟ್ವಿಟರ್ನಲ್ಲಿ ಫ್ಲೇ ಆಫ್ ತಲುಪದ ತಂಡವಾಗಿರುವ ಸಿಎಸ್ಕೆ ಐಪಿಎಲ್ನಲ್ಲಿ ಅತಿ ಹೆಚ್ಚು ಟ್ವೀಟ್ ಮಾಡಲ್ಪಟ್ಟ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಮುಂಬೈ ಇಂಡಿಯನ್ಸ್ , ಡೆಲ್ಲಿ ಕ್ಯಾಪಿಟಲ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಸನ್ರೈಸರ್ಸ್ ಹೈದರಾಬಾದ್ ತಂಡಗಳ ಪ್ಲೇ ಆಫ್ ತಲುಪಿದ್ದವು. ಆದರೆ, ಸಿಎಸ್ಕೆ 7ನೇ ಸ್ಥಾನಕ್ಕೆ ಕುಸಿದಿತ್ತು. ಆದರೂ ಸಾಮಾಜಿಕ ಜಾಲಾತಾಣದಲ್ಲಿ ಅತಿ ಹೆಚ್ಚು ಜನಪ್ರಿಯತೆ ಪಡೆದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಟ್ವಿಟರ್ ಇಂಟರ್ನಲ್ ಡಾಟಾ ಪ್ರಕಾರ ಸಿಎಸ್ಕೆ , ಮುಂಬೈ ಮತ್ತು ಆರ್ಸಿಬಿ ತಂಡಗಳು ಐಪಿಎಲ್ನ ಅತಿ ಹೆಚ್ಚು ಜನಪ್ರಿಯ ತಂಡಗಳಾಗಿವೆ. ಆದರೆ, ಇದೇ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದ್ದ ಡೆಲ್ಲಿ ಕ್ಯಾಪಿಟಲ್ ಸಾಮಾಜಿಕ ಜಾಲಾತಾಣಗಳ ಜನಪ್ರಿಯತೆಯಲ್ಲಿ 8ನೇ ಸ್ಥಾನ ಪಡೆದಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಅತಿ ಹೆಚ್ಚು ಟ್ವೀಟ್ ಮಾಡಲ್ಪಟ್ಟ ಆಟಗಾರನಾಗಿ ಹೊರ ಹೊಮ್ಮಿದ್ದಾರೆ. #IPL2020, #Whistlepodu, and #CSK ಅತಿ ಹೆಚ್ಚು ಬಾರಿ ಟ್ವೀಟ್ ಮಾಡಿರುವ ಹ್ಯಾಸ್ಟ್ಯಾಗ್ಗಳಾಗಿವೆ. ಇನ್ನು ಜನಪ್ರಿಯ ಪಂದ್ಯದ ವಿಭಾದಲ್ಲಿ ಮುಂಬೈ ಪ್ರಾಬಲ್ಯ ಸಾಧಿಸಿದೆ. #MI vsCSK ಅತಿ ಹೆಚ್ಚು ಜನಪ್ರಿಯ ಪಡೆದ ಪಂದ್ಯದ ಹ್ಯಾಸ್ಟ್ಯಾಗ್ ಆಗಿದೆ. ಇದನ್ನು ಬಿಟ್ಟರೆ #MIvsSRH ಮತ್ತು #MIvsDC ಎರಡನೇ ಸ್ಥಾನ ಪಡೆದುಕೊಂಡಿದೆ.
ಸಚಿನ್ ತೆಂಡೂಲ್ಕರ್ ಟ್ವೀಟ್ ಐಪಿಎಲ್ನ ಗೋಲ್ಡನ್ ಟ್ವೀಟ್ ಆಗಿದೆ. ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಿಕೋಲಸ್ ಪೂರನ್ ಡೈವ್ ಮಾಡಿ ಬೌಂಡರಿ ತಡೆದಿದ್ದ ಪೋಟೋವನ್ನು ಸಚಿನ್ ಶೇರ್ ಮಾಡಿದ್ದರು. ಈ ಟ್ವೀಟ್ 2 ಲಕ್ಷಕ್ಕೂ ಹೆಚ್ಚು ಲೈಕ್ ಹಾಗೂ 23,000 ರೀಟ್ವೀಟ್ ಆಗಿತ್ತು.
