ನಾಗ್ಪುರ: ಸರಣಿ ಗೆಲ್ಲಲು ಬಾಂಗ್ಲಾದೇಶ ಮತ್ತು ಭಾರತ ತಂಡಕ್ಕೆ ಅಂತಿಮ ಪಂದ್ಯ ನಿರ್ಣಾಯಕವೆನಿಸಿದೆ. ಇದೇ ಪಂದ್ಯದಲ್ಲಿ ಕೇವಲ ಒಂದು ವಿಕೆಟ್ ಪಡೆದರೆ ಸ್ಪಿನ್ನರ್ ಯಜುವೇಂದ್ರ ಚಹಲ್ ಮೈಲುಗಲ್ಲೊಂದನ್ನು ಸ್ಥಾಪಿಸಲಿದ್ದಾರೆ.
ನಾಗ್ಪುರದಲ್ಲಿ ಭಾನುವಾರ ಬಾಂಗ್ಲಾದೇಶ ಅಂತಿಮ ಟಿ 20 ಪಂದ್ಯ ನಡೆಯಲಿದೆ. ಭಾರತದ ಪ್ರಮುಖ ಸ್ಪಿನ್ ಅಸ್ತ್ರವಾದ ಚಹಲ್ ಈ ಪಂದ್ಯದಲ್ಲಿ ಇನ್ನೊಂದು ವಿಕೆಟ್ ಪಡೆದರೆ ಟಿ20 ಕ್ರಿಕೆಟ್ನಲ್ಲಿ 50 ವಿಕೆಟ್ ಪಡೆದ ಭಾರತದ ಮೂರನೇ ಬೌಲರ್ ಎನಿಸಿಕೊಳ್ಳಲಿದ್ದಾರೆ.
ಈಗಾಗಲೆ ಭಾರತದ ಹಿರಿಯ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್(52), ವೇಗಿ ಜಸ್ಪ್ರೀತ್ ಬುಮ್ರಾ(51) ವಿಕೆಟ್ ಪಡೆದಿದ್ದಾರೆ. ಆದರೆ ಅಶ್ವಿನ್ ಈ ಸಾಧನೆಗಾಗಿ 42 ಪಂದ್ಯಗಳನ್ನಾಡಿದ್ದಾರೆ. ಬುಮ್ರಾ 41 ಪಂದ್ಯಗಳನ್ನಾಡಿದ್ದಾರೆ.
ಸಧ್ಯಕ್ಕೆ ವಿಕೆಟ್ ಅರ್ಧಶತಕದ ಹೊಸ್ತಿಲಲ್ಲಿರುವ ಚಹಲ್ 33 ಪಂದ್ಯಗಳನ್ನಾಡಿದ್ದ 49 ವಿಕೆಟ್ ಪಡೆದಿದ್ದಾರೆ. ನಾಳಿನ ಪಂದ್ಯದಲ್ಲಿ ಇನ್ನೊಂದು ವಿಕೆಟ್ ಪಡೆದರೆ 50 ವಿಕೆಟ್ ಸಾಧನೆಯ ಜೊತೆಗೆ ವೇಗವಾಗಿ ಈ ಮೈಲುಗಲ್ಲು ತಲುಪಿದ ಭಾರತೀಯ ಬೌಲರ್ ಎನಿಸಿಕೊಳ್ಳಲಿದ್ದಾರೆ.
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ವೇಗವಾಗಿ 50 ವಿಕೆಟ್ ಪಡೆದ ದಾಖಲೆ ಶ್ರೀಲಂಕಾದ ಅಜಂತಾ ಮೆಂಡಿಸ್ ಹೆಸರಿನಲ್ಲಿದೆ. ಮೆಂಡಿಸ್ ಕೇವಲ 26 ಪಂದ್ಯಗಳಲ್ಲಿ 50 ವಿಕೆಟ್ ಪಡೆದಿದ್ದಾರೆ. 2 ನೇ ಸ್ಥಾನದಲ್ಲಿ ಇಮ್ರಾನ್ ತಾಹೀರ್ (31), 3ನೇ ಸ್ಥಾನದಲ್ಲಿ ಮುಸ್ತಫಿಜುರ್ ರಹಮಾನ್(31) 4ನೇ ಸ್ಥಾನದಲ್ಲಿ ಡೇಲ್ ಸ್ಟೈನ್(33) ಇದ್ದಾರೆ. ನಾಳೆ ಚಹಲ್ ಒಂದು ವಿಕೆಟ್ ಪಡೆದರೆ ವೇಗವಾಗಿ 50 ವಿಕೆಟ್ ಪಡೆದ ವಿಶ್ವದ 6ನೇ ಬೌಲರ್ ಎನಿಸಿಕೊಳ್ಳಲಿದ್ದಾರೆ.
