ಟೆಸ್ಟ್ ಕ್ರಿಕೆಟ್​ನಲ್ಲಿ ಡಿ. 19ರಂದೇ ಟೀಂ ಇಂಡಿಯಾ ಗರಿಷ್ಠ-ಕನಿಷ್ಠ ರನ್: ಎರಡರಲ್ಲೂ ಕೊಹ್ಲಿಯೇ ನಾಯಕ!

ಇಂದು ಮುಕ್ತಾಯವಾದ ಪಂದ್ಯದಲ್ಲಿ ಟೀಂ ಇಂಡಿಯಾ ಟೆಸ್ಟ್​ ಕ್ರಿಕೆಟ್​ನಲ್ಲಿ ಕನಿಷ್ಠ ರನ್ ಗಳಿಸಿದ ಕಳಪೆ ದಾಖಲೆ ಬರೆದ್ರೆ, 2016ರಂದು ಗರಿಷ್ಠ ರನ್ ಗಳಿಸಿದ ದಾಖಲೆ ಬರೆದಿತ್ತು. ಈ ಎರಡೂ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿಯೇ ನಾಯಕ.

ಅಡಿಲೇಡ್: ಆಸೀಸ್ ವೇಗಿಗಳ ದಾಳಿಗೆ ತರಗೆಲೆಗಳಂತೆ ಉದುರಿದ ಟೀಂ ಇಂಡಿಯಾ ಆಟಗಾರರು 36 ರನ್​ ಗಳಿಸಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಭಾರತ ಕಲೆಹಾಕಿದ ಅತಿ ಕಡಿಮೆ ರನ್ ಎಂಬ ಕಳಪೆ ದಾಖಲೆ ಬರೆದಿದ್ದಾರೆ.

ವಿರಾಟ್ ಕೊಹ್ಲಿ

ವಿಶೇಷ ಎಂದರೆ ವಿರಾಟ್ ಕೊಹ್ಲಿ ನಾಯಕತ್ವದಲ್ಲೇ ಟೀಂ ಇಂಡಿಯಾ ಟೆಸ್ಟ್ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಮತ್ತು ಅತಿ ಕಡಿಮೆ ರನ್​ ಕಲೆಹಾಕಿದ ದಾಖಲೆ ಬರೆದಿದೆ. 2016ರಲ್ಲಿ ಚೆನ್ನೈನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಟೆಸ್ಟ್ ಪಂದ್ಯದಲ್ಲಿ ಅಬ್ಬರಿಸಿದ್ದ ಟೀಂ ಇಂಡಿಯಾ ಬ್ಯಾಟ್ಸ್​ಮನ್​ಗಳು 759 ರನ್​ ಕಲೆಹಾಕಿದ್ರು. ಇದು ಟೆಸ್ಟ್ ಕ್ರಿಕೆಟ್​ನಲ್ಲಿ ಭಾರತ ತಂಡ ಪೇರಿಸಿದ ಹೆಚ್ಚು ರನ್​ ಆಗಿದೆ.

• December 19, 2016: India's highest Test total
  December 19, 2020: India's lowest Test total#AUSvIND (h/t @kaustats)

  — ESPNcricinfo (@ESPNcricinfo) December 19, 2020 " class="align-text-top noRightClick twitterSection" data="

  December 19, 2016: India's highest Test total
  December 19, 2020: India's lowest Test total#AUSvIND (h/t @kaustats)

  — ESPNcricinfo (@ESPNcricinfo) December 19, 2020

  ">

  December 19, 2016: India's highest Test total
  December 19, 2020: India's lowest Test total#AUSvIND (h/t @kaustats)

  — ESPNcricinfo (@ESPNcricinfo) December 19, 2020

ಆಂಗ್ಲರ ಬೆವರಿಳಿಸಿದ್ದ ಕನ್ನಡಿಗ ಕರುಣ್ ನಾಯರ್ ಅಜೇಯ 303 ರನ್ ಗಳಿಸಿದ್ರೆ, ಕೆ.ಎಲ್.ರಾಹುಲ್ 199 ರನ್​ ಗಳಿಸಿದ್ರು. ಅಂದಿನ ಪಂದ್ಯದಲ್ಲಿ ಭಾರತ ತಂಡ ಇನ್ನಿಂಗ್ಸ್ ಮತ್ತು 75 ರನ್​ಗಳಿಂದ ಗೆಲುವು ಸಾಧಿಸಿತ್ತು.

ಓದಿ ಬ್ಯಾಟಿಂಗ್ ವೇಳೆ ಗಾಯಗೊಂಡ ಶಮಿ: ಮುಂದಿನ ಪಂದ್ಯದಲ್ಲಿ ಕಣಕ್ಕಿಳಿಯುವುದು ಅನುಮಾನ

ಇಂದು ಮುಕ್ತಾಯವಾದ ಪಂದ್ಯದಲ್ಲಿ ಕಳಪೆ ಪ್ರದರ್ಶನ ತೋರಿರುವ ಭಾರತೀಯ ಬ್ಯಾಟ್ಸ್​ಮನ್​ಗಳು ಕೇವಲ 36 ರನ್​ ಗಳಿಸಿದ್ದಾರೆ. ಇದು ಟೆಸ್ಟ್​ ಕ್ರಿಕೆಟ್​ನಲ್ಲಿ ಟೀಂ ಇಂಡಿಯಾ ಗಳಿಸಿದ ಅತಿ ಕಡಿಮೆ ರನ್ ಆಗಿದೆ. ವಿಶೇಷ ಅಂದರೆ ಈ ಎರಡೂ ಇನ್ನಿಂಗ್ಸ್​ಗಳು ಮುಕ್ತಾಯವಾಗಿದ್ದು ಡಿಸೆಂಬರ್ 19ರಂದು ಮತ್ತು ಎರಡೂ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ಭಾರತ ತಂಡದ ನಾಯಕ.