ಈ ದಿನಗಳಲ್ಲಿ ಕ್ಷೌರ ಮಾಡಬಾರದು: ಹಾಗಾದರೆ ಯಾವ ದಿನ ಉತ್ತಮ?, ಏನ್​​ ಹೇಳುತ್ತೆ ಜ್ಯೋತಿಷ್ಯ ಶಾಸ್ತ್ರ?

ವಾರಾಂತ್ಯದಲ್ಲಿ ಕ್ಷೌರ ಮಾಡಿಸಿಕೊಳ್ಳುವುದು, ಗಡ್ಡ ತೆಗೆಯುವುದು ಮಾಡದೇ ಇರುವುದು ಉತ್ತಮ ಎಂದು ಹೇಳುತ್ತದೆ ಜ್ಯೋತಿಷ್ಯ ಶಾಸ್ತ್ರ.

ಸಾಮಾನ್ಯವಾಗಿ ಗಂಡಸರು ಕೂದಲು ಅಥವಾ ಗಡ್ಡ ಸ್ವಲ್ಪ ಬೆಳೆದಿದೆ ಎಂದು ಗೊತ್ತಾದರೂ, ತಕ್ಷಣ ಸಲೂನ್​ಗೆ ಹೋಗಿ ಅಥವಾ ಸ್ವತಃ ಗಡ್ಡ ತೆಗೆಯುವುದನ್ನು ಮಾಡುತ್ತಾರೆ. ಆದರೆ ನಿಮಗೆ ಗೊತ್ತಾ? ಜ್ಯೋತಿಷ್ಯದ ಪ್ರಕಾರ, ಯಾವಾಗೆಂದರೆ ಆವಾಗ ಕೂದಲು ಕತ್ತರಿವುಸುವುದು ಅಥವಾ ಗಡ್ಡ ತೆಗೆಯುವುದು ಒಳ್ಳೆಯದಲ್ಲ. ಹಾಗೆ ಮಾಡಿದರೆ ನೀವು ಕಷ್ಟಗಳನ್ನು ಎದುರಿಸಬೇಕಾಗುತ್ತದೆ. ಹಾಗಾದರೆ ಕ್ಷೌರ ಮಾಡಲು ಮತ್ತು ಗಡ್ಡ ತೆಗೆಯಲು ಯಾವ ದಿನಗಳು ಒಳ್ಳೆಯದು? ಈ ಬಗ್ಗೆ ಜ್ಯೋತಿಷಿಗಳು ಏನು ಹೇಳುತ್ತಾರೆ ನೋಡೋಣ..

ನಮ್ಮಲ್ಲಿ ಹಲವರು ವಾರಾಂತ್ಯದಲ್ಲಿ ಹೇರ್​ ಕಟ್​ ಮತ್ತು ಶೇವಿಂಗ್​ ಮಾಡಿಕೊಳ್ಳುತ್ತಾರೆ. ಭಾನುವಾರ ರಜಾದಿನವಾದ್ದರಿಂದ ವಿಶೇಷವಾಗಿ ಉದ್ಯೋಗಿಗಳು ಮತ್ತು ವಿದ್ಯಾರ್ಥಿಗಳು ಆ ದಿನ ಸಲೂನ್​ಗೆ ಹೋಗುತ್ತಾರೆ. ಆದರೆ, ಜ್ಯೋತಿಷ್ಯದ ಪ್ರಕಾರ ಭಾನುವಾರ ಮತ್ತು ಶನಿವಾರ ಗಡ್ಡ ತೆಗೆಯುವುದು ಕ್ಷೌರ ಮಾಡದೇ ಇರುವುದು ಉತ್ತಮ ಎಂದು ಜ್ಯೋತಿಷಿ ಮಾಚಿರಾಜು ವೇಣುಗೋಪಾಲ್​ ಹೇಳುತ್ತಾರೆ.

ಅಲ್ಲದೇ ಕ್ಷೌರ ಮಾಡಿಸಿಕೊಳ್ಳುವಾಗ ಮೊದಲು ಗಡ್ಡ ತೆಗೆದು, ನಂತರ ಕೂದಲು ಕತ್ತರಿಸಿಕೊಳ್ಳಿ. ಹೀಗೆ ಮಾಡುವುದರಿಂದ ಕುಟುಂಬದ ಬೆಳವಣಿಗೆ ಆಗುತ್ತದೆ ಎಂದು ಹೇಳಲಾಗುತ್ತದೆ. ಇಲ್ಲಿ ಕುಟುಂಬದ ಬೆಳವಣಿಗೆ ಎಂದರೆ ಯುವಕರಾಗಿ ಉಳಿಯುವುದು. ಅದೇ ರೀತಿ, ಜ್ಯೋತಿಷ್ಯವು ಕ್ಷೌರವು ಒಬ್ಬರ ಜೀವನದ ಬೆಳವಣಿಗೆಯಲ್ಲಿ ಹೆಚ್ಚಿನ ಮಹತ್ವ ಹೊಂದಿದೆ ಎಂದು ಹೇಳುತ್ತದೆ.

ಹಾಗಾದರೆ ಯಾವಾಗ ಕ್ಷೌರ ಮಾಡಿಸಬೇಕು?: ಈ ಮೂರು ದಿನಗಳಲ್ಲಿ ಕ್ಷೌರ ಮಾಡಿಕೊಳ್ಳುವುದು ಉತ್ತಮ. ಈ ದಿನಗಳಲ್ಲಿ ಮಾಡುವುದರಿಂದ, ನೀವು ಅದೃಷ್ಟವನ್ನು ಆಹ್ವಾನಿಸಿದಂತೆ ಮತ್ತು ಅಸಾಧಾರಣ ಫಲಿತಾಂಶಗಳು ನಿಮ್ಮದಾಗಬಹುದು. ವಾರದ ಬುಧವಾರ, ಗುರುವಾರ ಮತ್ತು ಸೋಮವಾರದಂದು ಕ್ಷೌರ ಮತ್ತು ಗಡ್ಡ ತೆಗೆಯುವುದು ಉತ್ತಮ ಎಂದು ಮಾಚಿರಾಜು ಹೇಳುತ್ತಾರೆ.

ಈ ದಿನಗಳಲ್ಲಿ ಶೇವಿಂಗ್​, ಕಟಿಂಗ್​​​ ಬೇಡ: ಕೆಲವು ನಿರ್ದಿಷ್ಟ ಅವಧಿಗಳಲ್ಲಿ ಕ್ಷೌರ ಮಾಡುವುದು ಅಥವಾ ಕ್ಷೌರ ಮಾಡಿಕೊಳ್ಳುವುದು ಸೂಕ್ತವಲ್ಲ. ಪಾಡ್ಯಮಿ, ಚೌತಿ, ಷಷ್ಠಿ, ಅಷ್ಟಮಿ, ನವಮಿ, ಅಮಾವಾಸ್ಯೆ ಮತ್ತು ಪೌರ್ಣಮಿ ದಿನಗಳಲ್ಲಿ ಗಡ್ಡ ತೆಗೆಯುವುದು ಮತ್ತು ಟ್ರಿಮ್ ಮಾಡುವುದನ್ನು ತಪ್ಪಿಸುವುದು ಉತ್ತಮ ಎಂದು ಹೇಳಲಾಗುತ್ತದೆ.

ಅದೇ ರೀತಿ, ಜ್ಯೋತಿಷಿ ಮಾಚಿರಾಜು ವೇಣುಗೋಪಾಲ್ ಅವರು ಉಗುರು, ಮೀಸೆ ಮತ್ತು ಕೂದಲನ್ನು ಕತ್ತರಿಸುವಾಗ ಕೆಲವು ನಿಯಮಗಳನ್ನು ಪಾಲಿಸಬೇಕು ಎಂದು ಹೇಳುತ್ತಾರೆ. ಪ್ರತಿ ಐದು ದಿನಗಳಿಗೊಮ್ಮೆ ಅವುಗಳನ್ನು ಟ್ರಿಮ್ ಮಾಡುವುದು ವಿಶೇಷವಾಗಿ ಒಳ್ಳೆಯದು. ಅಲ್ಲದೇ, ಮೂಗಿನ ಕೂದಲನ್ನು ಆಗಾಗ್ಗೆ ಕತ್ತರಿಸಬೇಡಿ. ಏಕೆಂದರೆ ಅದು ಕಣ್ಣಿನ ಸಮಸ್ಯೆಗಳನ್ನು ಉಂಟುಮಾಡಬಹುದು. ನಾವು ಉಸಿರಾಡುವ ಗಾಳಿಯಲ್ಲಿ ಅನೇಕ ಹಾನಿಕಾರಕ ರಾಸಾಯನಿಕಗಳಿವೆ. ಮೂಗಿನಲ್ಲಿರುವ ಕೂದಲುಗಳು ಅವುಗಳನ್ನು ಗ್ರಹಿಸಿ ಉತ್ತಮ ಗಾಳಿಯನ್ನು ಒಳಗೆ ಬಿಡುತ್ತದೆ. ಹಾಗಾಗಿ, ಮೂಗಿನ ಕೂದಲನ್ನು ಹೆಚ್ಚಾಗಿ ಕತ್ತರಿಸಬೇಡಿ. ಅತಿಯಾಗಿ ಬೆಳೆದರೆ ಅದನ್ನು ಕತ್ತರಿಸುವುದರಲ್ಲಿ ಯಾವುದೇ ತಪ್ಪಿಲ್ಲ ಎನ್ನುತ್ತಾರೆ ಅವರು.

ಗಮನಿಸಿ: ಮೇಲಿನ ವಿವರಗಳನ್ನು ವಿಜ್ಞಾನದಲ್ಲಿ ಉಲ್ಲೇಖಿಸಲಾದ ಅಂಶಗಳ ಆಧಾರದ ಮೇಲೆ ಕೆಲವು ಜ್ಯೋತಿಷ್ಯ ತಜ್ಞರು ಒದಗಿಸಿದ್ದಾರೆ. ಆದಾಗ್ಯೂ, ಇದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ ಎಂಬುದನ್ನು ಓದುಗರು ಗಮನಿಸಬೇಕು. ನೀವು ಇದನ್ನು ಎಷ್ಟರ ಮಟ್ಟಿಗೆ ನಂಬುತ್ತೀರಿ ಎಂಬುದು ಸಂಪೂರ್ಣವಾಗಿ ನಿಮಗೆ ಬಿಟ್ಟ ವಿಷಯವಾಗಿದೆ.

ಇದನ್ನೂ ಓದಿ: 40 ವರ್ಷದ ಬಳಿಕ ಮಹಿಳೆಯರಿಗೆ ಬೆಲ್ಲಿ ಫ್ಯಾಟ್​ ಹೆಚ್ಚಾಗುತ್ತದೆಯೇ?: ಈ ಆಹಾರಗಳಿಂದ ಕರಗುತ್ತೆ ಬೊಜ್ಜು