ಹೈದರಾಬಾದ್: ಇಂಗ್ಲೆಂಡ್ ತಂಡದ ನಾಯಕ ಇಯಾನ್ ಮಾರ್ಗನ್ ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ದೊಡ್ಡ ಮೊತ್ತಕ್ಕೆ ಸೇಲ್‌ ಆಗಲಿದ್ದಾರೆ ಎಂದು ಇಂಗ್ಲೆಂಡ್ ಮಾಜಿ ಆಟಗಾರ ಮಾಂಟಿ ಪನೇಸರ್ ಅಭಿಪ್ರಾಯಪಟ್ಟಿದ್ದಾರೆ.
ಇಂದು ಕೋಲ್ಕತ್ತಾದಲ್ಲಿ ನಡೆಯುತ್ತಿರುವ 2020ರ ಆವೃತ್ತಿಯ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಇಂಗ್ಲೆಂಡ್ ತಂಡದ ಹಲವು ಆಟಗಾರರ ಹೆಸರು ಸೇರಿದ್ದು, ಅದರಲ್ಲಿ ಇಂಗ್ಲೆಂಡ್ ತಂಡ ಸೀಮಿತ ಓವರ್ಗಳ ನಾಯಕ ಮಾರ್ಗನ್ ಉತ್ತಮ ಮೊತ್ತ ಪಡೆಯಲಿದ್ದಾರೆ ಎಂದು ಮಾಂಟಿ ಪನೇಸರ್ ಹೇಳಿದ್ದಾರೆ.
ಈಟಿವಿ ಭಾರತ ಸ್ಪೋರ್ಟ್ಸ್‌ ಡೆಸ್ಕ್‌ ಜೊತೆ ಮಾತನಾಡಿರುವ ಅವರು, ಮಾರ್ಗನ್ ಸೀಮಿತ ಓವರ್ಗಳಲ್ಲಿ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಜೊತೆಗೆ ಅವರೊಬ್ಬ ಉತ್ತಮ ನಾಯಕನೂ ಆಗಿರುವುದರಿಂದ ಅವರನ್ನು ಫ್ರಾಂಚೈಸಿಗಳ ನೆಚ್ಚಿನ ಆಟಗಾರರಲ್ಲಿ ಒಬ್ಬರು ಎಂದಿದ್ದಾರೆ.
ಮಾರ್ಗನ್ ಜೊತೆಗೆ ಸ್ಯಾಮ್ ಕರ್ರನ್ ಅವರೂ ಕೂಡ ಐಪಿಎಲ್ ತಂಡಗಳ ನೆಚ್ಚಿನ ಆಟಗಾರನಾಗಲಿದ್ದಾರೆ. ಅವರ ಮೇಲೆ ಹೆಚ್ಚು ಬಿಡ್ ಆಗುವ ಸಾಧ್ಯತೆಯಿದೆ ಎಂದು ಪನೇಸರ್ ಭವಿಷ್ಯ ನುಡಿದರು.
ಐಪಿಎಲ್ನ 8 ಫ್ರಾಂಚೈಸಿಗಳಿಂದ 71 ಆಟಗಾರರನ್ನು ಕೈಬಿಟ್ಟಿವೆ. ಇವರೂ ಸೇರಿದಂತೆ 971 ಆಟಗಾರರು ಈ ಬಾರಿ ಹರಾಜಿಗೆ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದರು. ಇದೀಗ 338 ಆಟಗಾರರ ಶಾರ್ಟ್ಲಿಸ್ಟ್ ತಯಾರಾಗಿದ್ದು ಅದರಲ್ಲಿ 73 ಆಟಗಾರರನ್ನು ಮಾತ್ರ ತಂಡದ ಮಾಲೀಕರು ಖರೀದಿಸಲು ಅವಕಾಶವಿದೆ.
