ಶಾರ್ಜಾ: ವುಮೆನ್ಸ್ ಟಿ20 ಚಾಲೆಂಜ್ನ ಮೊದಲ ಪಂದ್ಯದಲ್ಲಿ ವೆಲಾಸಿಟಿ ಬೌಲರ್ಗಳು ಅದ್ಭುತ ಪ್ರದರ್ಶನದಿಂದ ಹಾಲಿ ಚಾಂಪಿಯನ್ಸ್ ಸೂಪರ್ ನೋವಾಸ್ ತಂಡವನ್ನು 126 ರನ್ಗಳಿಗೆ ನಿಯಂತ್ರಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಸೂಪರ್ನೋವಾಸ್ ಪ್ರಿಯಾ ಪೂನಿಯಾ(11) ಮತ್ತು ಜೆಮಿಮಾ ರೋಡ್ರಿಗಸ್(7) ವಿಕೆಟ್ ಕಳೆದುಕೊಂಡು ಆಘಾತ ಅನುಭವಿಸಿತು. ಆದರೆ ನಂತರ ಅಟಪಟ್ಟು ಜೊತೆ ಸೇರಿಕೊಂಡ ನಾಯಕಿ ಕೌರ್ 3ನೇ ವಿಕೆಟ್ಗೆ 47 ರನ್ಗಳ ಜೊತೆಯಾಟ ನೀಡಿದರು.
ಸ್ಫೋಟಕ ಆಟಕ್ಕೆ ಮೊರೆಹೋದ ಅಟಪಟ್ಟು 39 ಎಸೆತಗಳಲ್ಲಿ ತಲಾ 2 ಸಿಕ್ಸರ್ ಹಾಗೂ ಬೌಂಡರಿ ಸಹಿತ 44 ರನ್ಗಳಿಸಿದರು. ಇವರ ಬೆನ್ನಲ್ಲೇ ಹರ್ಮನ್ ಪ್ರೀತ್ ಕೌರ್ 31 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು.
ಇವರಿಬ್ಬರ ನಂತರ ಬಂದ ಬ್ಯಾಟ್ಸ್ಮನ್ಗಳನ್ನ ವೆಲಾಸಿಟಿ ಬೌಲರ್ಗಳು ಕ್ರೀಸ್ನಲ್ಲಿ ನೆಲೆಯೂರಲು ಬಿಡಲಿಲ್ಲ, ಆಲ್ರೌಂಡರ್ ಸಿರಿವರ್ದನೆ ಮಾತ್ರ 18 ರನ್ಗಳಿಸಿದರು.
ವೆಲಾಸಿಟಿ ಪರ ಏಕ್ತಾ ಬಿಷ್ತ್ 22ಕ್ಕೆ 3 ವಿಕೆಟ್ ಪಡೆದರೆ, ಇವರಿಗೆ ಬೆಂಬಲ ನೀಡಿದ ಜಹನಾರ ಆಲಮ್ ತಲಾ 2 ವಿಕೆಟ್ ಪಡೆದು ಮಿಂಚಿದರು.
