ಧೋನಿ,ರೈನಾ,ರೋಹಿತ್​ ಸಾಲಿಗೆ ರಹಾನೆ.. ಅಜಿಂಕ್ಯಾ ಕುಟುಂಬಕ್ಕೆ ಎಂಟ್ರಿಕೊಟ್ಳು ಮಹಾಲಕ್ಷ್ಮಿ..

ಅಜಿಂಕ್ಯಾ ರಹಾನೆ ಹೆಣ್ಣು ಮಗುವಿನ ತಂದೆಯಾಗುವ ಮೂಲಕ ತಂಡದ ಸಹ ಅಟಗಾರರಾದ ಧೋನಿ, ರೈನಾ, ಭಜ್ಜಿ, ರೋಹಿತ್​ ಹಾಗೂ ವಿಹಾರಿ ಸಾಲಿಗೆ ಸೇರಿಕೊಂಡಿದ್ದಾರೆ.

ಮುಂಬೈ: ಭಾರತ ಟೆಸ್ಟ್​ ತಂಡದ ಉಪನಾಯಕ ಅಜಿಂಕ್ಯಾ ರಹಾನೆ ಮಡದಿ ಶನಿವಾರ ಹೆಣ್ಣುಮಗುವಿಗೆ ಜನ್ಮ ನೀಡಿದ್ದಾರೆ.

2014ರಲ್ಲಿ ಬಾಲ್ಯದ ಗೆಳತಿ ರಾಧಿಕಾರನ್ನು ಮನೆಯವರನ್ನು ಒಪ್ಪಿಸಿ ಮದುವೆಯಾಗಿದ್ದ ರಹಾನೆ 5 ವರ್ಷಗಳ ಬಳಿಕ ತಂದೆಯಾಗಿದ್ದಾರೆ. ವಿಶಾಖಪಟ್ಟಣದಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಪಂದ್ಯದಲ್ಲಿ ಭಾಗಿಯಾಗಿರುವ ರಹಾನೆ, ತಮ್ಮ ಮಗುವಿನ ಮುಖವನ್ನು ನೋಡಲು ಇನ್ನೊಂದು ದಿನ ಕಾಯಬೇಕಾಗಿದೆ. ನಾಳೆ ಮೊದಲ ಟೆಸ್ಟ್​ ಪಂದ್ಯಕ್ಕೆ ಕೊನೆಯ ದಿನವಾಗಿದ್ದು, ಒಂದು ವೇಳೆ ಪಂದ್ಯ ಗೆದ್ದರೆ ರಹಾನೆ ಪಾಲಿಗೆ ಡಬಲ್​ ಸಂಭ್ರಮವಾಗಲಿದೆ.

ರಹಾನೆಗೆ ಮಾಜಿ ಕ್ರಿಕೆಟರ್‌ ಹರ್ಭಹನ್​ ಸಿಂಗ್​ ಟ್ವೀಟ್​ ಮಾಡಿ ಶುಭಕೋರಿದ್ದು, ಅಮ್ಮ ಹಾಗೂ ಮಗು ರಾಜಕುಮಾರಿ ಆರೋಗ್ಯವಾಗಿದ್ದಾರೆಂದು ಭಾವಿಸಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ರಹಾನೆ ಹೆಣ್ಣು ಮಗುವಿನ ತಂದೆಯಾಗುವ ಮೂಲಕ ತಂಡದ ಸಹ ಅಟಗಾರರಾದ ಧೋನಿ, ರೈನಾ, ಭಜ್ಜಿ, ರೋಹಿತ್​ ಹಾಗೂ ವಿಹಾರಿ ಸಾಲಿಗೆ ಸೇರಿಕೊಂಡಿದ್ದಾರೆ.