ಮೀಸಲು ದಿನವೂ ಭಾರತ - ಪಾಕ್​ ಪಂದ್ಯಕ್ಕೆ ಮಳೆ ಅಡ್ಡಿ.. ಓವರ್​ ಕಡಿತಗೊಳಿಸಿ ಮ್ಯಾಚ್​ ನಡೆಯುವುದೇ?

India-Pakistan reserve day match delayed due to rain: ಮೀಸಲು ದಿನವೂ ಪಂದ್ಯ ವಿಳಂಬವಾಗಿದ್ದು, ಪಿಚ್​ಗೆ ಹೊದಿಸಿರುವ ಕವರ್​​ನ್ನು ಇನ್ನೂ ತೆರವು ಮಾಡಲಾಗಿಲ್ಲ.

ಕೊಲಂಬೊ (ಶ್ರೀಲಂಕಾ): ಏಷ್ಯಾಕಪ್​​ ಸೂಪರ್​ ಫೋರ್​ ಪಂದ್ಯದ ಭಾರತ ಪಾಕಿಸ್ತಾನ ಮ್ಯಾಚ್​ಗೆ ಮಳೆಯ ಮುನ್ಸೂಚನೆ ಹಿನ್ನೆಲೆಯಲ್ಲಿ ಮೀಸಲು ದಿನವನ್ನು ಎಸಿಸಿ ಪ್ರಕಟಿಸಿತ್ತು. ಆದರೆ ವಿಪರ್ಯಾಸ ಎಂದರೆ ಮೀಸಲು ದಿನವೂ ಮಳೆ ಕಾಡುತ್ತಿದ್ದು, 3 ಗಂಟೆಗೆ ಆರಂಭವಾಗಬೇಕಾಗಿದ್ದ ಪಂದ್ಯ ವಿಳಂಬವಾಗಿದೆ. ನಿನ್ನೆ (ಭಾನುವಾರ) 24.1 ಓವರ್​ ವರೆಗಿನ ಇನ್ನಿಂಗ್ಸ್​ನ್ನು ಭಾರತ ಆಡಿತ್ತು. ಈ ವೇಳೆ ಮಳೆ ಬಂದ ಕಾರಣ ಪಂದ್ಯವನ್ನು ಸೋಮವಾರಕ್ಕೆ ಮುಂದೂಡಲಾಗಿತ್ತು.

ನಿನ್ನೆ ಸಂಜೆ 5ರ ಸುಮಾರಿಗೆ ಆರಂಭವಾದ ಮಳೆ ಸುಮಾರು ಎರಡು ಗಂಟೆಗಳ ಕಾಲ ಎಡೆಬಿಡದೇ ಸುರಿಯಿತು. ಮಳೆ ಬಿಟ್ಟ ನಂತರ ರಾತ್ರಿ 9ರ ವರೆಗೆ ಮೈದಾನವನ್ನು ಅಂಪೈರ್​ಗಳು ಪರಿಶೀಲಿಸಿದರು. ಆದರೆ ಪಿಚ್​ನ ಸುತ್ತಮುತ್ತಲಿನ ಮೈದಾನ ಹೆಚ್ಚು ತೇವವಾಗಿದ್ದರಿಂದ ಆಟವನ್ನು ಸೋಮವಾರಕ್ಕೆ ಮುಂದೂಡಲಾಯಿತು. ಆದರೆ ಇಂದು ಮುಂಜಾನೆಯಿಂದಲೇ ಮಳೆ ಶುರುವಾಗಿತ್ತು. ಈಗಲೂ ಆಗಾಗ ಮಳೆ ಬರುತ್ತಿರುವುದು ಪಂದ್ಯಕ್ಕೆ ಬಿಡುವು ಕೊಡುತ್ತಾ ಅಥವಾ ಇಲ್ಲವಾ ಎಂಬುದು ಸ್ಪಷ್ಟವಾಗ್ತಿಲ್ಲ.

• Delays persist for #PAKvIND Super 4 match on the reserve day. 🌦️🏟️ #AsiaCup2023 pic.twitter.com/t3s7kFzZDt

  — Pakistan Cricket (@TheRealPCB) September 11, 2023 " class="align-text-top noRightClick twitterSection" data="

  Delays persist for #PAKvIND Super 4 match on the reserve day. 🌦️🏟️ #AsiaCup2023 pic.twitter.com/t3s7kFzZDt

  — Pakistan Cricket (@TheRealPCB) September 11, 2023

  ">

  Delays persist for #PAKvIND Super 4 match on the reserve day. 🌦️🏟️ #AsiaCup2023 pic.twitter.com/t3s7kFzZDt

  — Pakistan Cricket (@TheRealPCB) September 11, 2023

ಪ್ರೇಮದಾಸ ಕ್ರೀಡಾಂಗಣದ ಸಂಪೂರ್ಣ ಪ್ರದೇಶವನ್ನು ಕವರ್​ ಮಾಡಲಾಗಿದೆ. ಆದರೆ ಮಳೆ ಬಿಡದೇ ಪಂದ್ಯ ಆಡಿಸುವುದು ಕಷ್ಟ. ನಿನ್ನೆ ರಾತ್ರಿಯ ಲೆಕ್ಕಾಚಾರದ ಪ್ರಕಾರ 20 ಓವರ್​ನ ಪಂದ್ಯವನ್ನು ಆಡಿಸಲು ಅವಕಾಶ ಸಿಕ್ಕರು ಡಿಎಲ್ಎಸ್​ ನಿಯಮದಂತೆ ಪಾಕಿಸ್ತಾನಕ್ಕೆ 180 ರನ್​ ಗುರಿಯನ್ನು ನೀಡಲಾಗುತ್ತದೆ.

ನಿನ್ನೆಯ ಭಾರತದ ಇನ್ನಿಂಗ್ಸ್​: ಭಾನುವಾರ ತಿಳಿ ನೀಲ ಆಕಾಶದ ಅಡಿಯಲ್ಲಿ, ನಾಯಕ ರೋಹಿತ್ ಶರ್ಮಾ ಮತ್ತು ಶುಭಮನ್​ ಗಿಲ್ ತ್ವರಿತ ಅರ್ಧಶತಕಗಳನ್ನು ಸಿಡಿಸಿ ಭಾರತಕ್ಕೆ ಉತ್ತಮ ಆರಂಭವನ್ನು ನೀಡಿದ್ದರು. ಈ ಆರಂಭಿಕ ಜೋಡಿ 121 ರನ್​ ಭರ್ಜರಿ ಜೊತೆಯಾಟ ಆಡಿತು. ಆರಂಭದಲ್ಲಿ ರೋಹಿತ್​ ಶರ್ಮಾ ಪಾಕ್​ನ ನಸೀಮ್​ ಶಾಗೆ ನಿದಾನವಾಗಿ ಬ್ಯಾಟಿಂಗ್​ ಮಾಡಿದರು. ಆದರೆ ಗಿಲ್​ ಶಾಹೀನ್​ ಅಫ್ರಿದಿ ವಿರುದ್ಧ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ರೋಹಿತ್ 56 ಮತ್ತು ಶುಭಮನ್​ ಗಿಲ್ 58 ರನ್​ ಗಳಿಸಿ ವಿಕೆಟ್​ ಕೊಟ್ಟಿದ್ದರು. ರೋಹಿತ್​ ಸ್ಪಿನ್ನರ್​ ಶಾಬಾದ್​ ಖಾನ್​ಗೆ ಮತ್ತು ಗಿಲ್​ ಶಾಹೀನ್​ ಅಫ್ರಿದಿಗೆ ಔಟ್​ ಆದರು.

ಭಾರತ ಇಬ್ಬರು ಆರಂಭಿಕರ ವಿಕೆಟನ್ನು ಬ್ಯಾಕ್ ​ಟು ಬ್ಯಾಕ್​ ಕಳೆದುಕೊಂಡಿತು. ನಂತರ ವಿರಾಟ್​ ಕೊಹ್ಲಿ ಮತ್ತು ಕೆಎಲ್​ ರಾಹುಲ್​ ಮೈದಾನಕ್ಕಿಳಿದರು. ರಾಹುಲ್ ಮತ್ತು ಕೊಹ್ಲಿ ತಮ್ಮ 24 ರನ್‌ಗಳ ಜೊತೆಯಾಟವನ್ನು ನಿರ್ಮಿಸಿ ಆಡುತ್ತಿರುವಾಗ ಮಳೆ ಬಂದು ಪಂದ್ಯವನ್ನು ನಿಲ್ಲಿಸಲಾಯಿತು. ಭಾನುವಾರ ಮಳೆಯ ಅಡಚಣೆಯ ಸಮಯದಲ್ಲಿ ಭಾರತ 24.1 ಓವರ್‌ಗಳಲ್ಲಿ 2 ವಿಕೆಟ್​ ನಷ್ಟಕ್ಕೆ 147 ರನ್​ ಗಳಿಸಿತ್ತು.

ಇದನ್ನೂ ಓದಿ: 'ಮಳೆ ನಮ್ಮನ್ನು ಉಳಿಸಿದೆ': ಏಷ್ಯಾಕಪ್‌ನ ಭಾರತ ಮತ್ತು ಪಾಕ್ ಹಣಾಹಣಿಯ ಬಗ್ಗೆ ಶೋಯೆಬ್ ಅಖ್ತರ್