ಏಷ್ಯಾಕಪ್‌: ನೇಪಾಳ ವಿರುದ್ಧ ಪಾಕಿಸ್ತಾನಕ್ಕೆ 238 ರನ್‌ಗಳ ಭರ್ಜರಿ ಗೆಲುವು

ನೇಪಾಳ ಮತ್ತು ಪಾಕಿಸ್ತಾನ ನಡುವಿನ ಮೊದಲ ಏಷ್ಯಾಕಪ್​ ಪಂದ್ಯದಲ್ಲಿ ಪಾಕಿಸ್ತಾನವು 238 ರನ್​ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಮುಲ್ತಾನ್​ (ಪಾಕಿಸ್ತಾನ) : ಏಷ್ಯಾಕಪ್​ 2023ರ ಮೊದಲ ಪಂದ್ಯದಲ್ಲಿ ನೇಪಾಳ ವಿರುದ್ಧ ಪಾಕಿಸ್ತಾನ 238 ರನ್​ಗಳ ಭರ್ಜರಿ ಗೆಲುವು ದಾಖಲಿಸಿತು. ಈ ಮೂಲಕ ಏಕದಿನ ಕ್ರಿಕೆಟ್​ ಶ್ರೇಯಾಂಕದಲ್ಲಿ ಅಗ್ರಸ್ಥಾನಿ ಪಾಕ್‌ ತಂಡ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ. ಪಾಕಿಸ್ತಾನ ನೀಡಿದ್ದ 342 ರನ್​ಗಳ ಬೃಹತ್​ ಗುರಿ ಬೆನ್ನತ್ತಿದ ಕ್ರಿಕೆಟ್​​ ಶಿಶು ನೇಪಾಳ, 104 ರನ್‌ಗಳಿಗೆ ತನ್ನೆಲ್ಲ ವಿಕೆಟ್​ಗಳನ್ನು ಕಳೆದುಕೊಂಡಿತು.

ಇದಕ್ಕೂ ಮೊದಲು ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ಪಾಕಿಸ್ತಾನ, ಆರಂಭಿಕ ಆಘಾತ ಎದುರಿಸಿತು. ಆರಂಭಿಕ ಆಟಗಾರರಾದ ಫಕರ್​ ಜಮನ್​ ಮತ್ತು ಇಮಾಮ್​ ಉಲ್​ ಹಕ್​ ಅಲ್ಪ ಮೊತ್ತಕ್ಕೆ ಪೆವಿಲಿಯನ್​ ಪರೇಡ್​ ನಡೆಸಿದರು. ಫಕರ್​ 14 ರನ್​ ಗಳಿಸಿ ಕರನ್​ ಅವರಿಗೆ ವಿಕೆಟ್​ ಒಪ್ಪಿಸಿದರೆ, ಇಮಾಮ್​ ಉಲ್​ ಹಕ್ 5 ರನ್​ ಗಳಿಸಿ​ ರನೌಟ್​ ಆದರು.

• Babar Azam and Iftikhar Ahmed both scored centuries, while Shadab took 4 wickets as Pakistan outshone Nepal by a margin of 238 runs.
  
  The Men in Green have made a remarkable start in this edition of the Asia Cup 🇵🇰 #AsiaCup2023 #PAKvNEP pic.twitter.com/8YLyZlnBQw

  — AsianCricketCouncil (@ACCMedia1) August 30, 2023 " class="align-text-top noRightClick twitterSection" data="

  Babar Azam and Iftikhar Ahmed both scored centuries, while Shadab took 4 wickets as Pakistan outshone Nepal by a margin of 238 runs.
  
  The Men in Green have made a remarkable start in this edition of the Asia Cup 🇵🇰 #AsiaCup2023 #PAKvNEP pic.twitter.com/8YLyZlnBQw

  — AsianCricketCouncil (@ACCMedia1) August 30, 2023

  ">

  Babar Azam and Iftikhar Ahmed both scored centuries, while Shadab took 4 wickets as Pakistan outshone Nepal by a margin of 238 runs.
  
  The Men in Green have made a remarkable start in this edition of the Asia Cup 🇵🇰 #AsiaCup2023 #PAKvNEP pic.twitter.com/8YLyZlnBQw

  — AsianCricketCouncil (@ACCMedia1) August 30, 2023

ಬಳಿಕ ಬಂದ ಸ್ಪೋಟಕ ಬ್ಯಾಟರ್ ಬಾಬರ್ ಆಜಮ್ ಪಾಕಿಸ್ತಾನವು ಗರಿಷ್ಟ ಮೊತ್ತ ದಾಖಲಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಆಜಂ 131 ಎಸೆತದಲ್ಲಿ 4 ಸಿಕ್ಸರ್​ ಹಾಗೂ 14 ಬೌಂಡರಿಗಳ ಸಹಾಯದಿಂದ 151 ರನ್​ ಗಳಿಸಿದರು. ಇವರಿಗೆ ಉತ್ತಮ ಸಾಥ್​ ನೀಡಿದ ಮೊಹಮ್ಮದ್​ ರಿಜ್ವಾನ್​ 44 ರನ್​ ಗಳಿಸಿ ತಂಡಕ್ಕೆ ಆಸರೆಯಾದರು. ಈಫ್ತಿಕಾರ್​ ಅಹ್ಮದ್​ 71 ಎಸೆತದಲ್ಲಿ 4 ಸಿಕ್ಸರ್​ ಮತ್ತು 11 ಬೌಂಡರಿ ಸಹಾಯದಿಂದ 109 ರನ್​ ಗಳಿಸಿದರು. ಈ ಮೂಲಕ ಪಾಕಿಸ್ತಾನ ತಂಡವು 6 ವಿಕೆಟ್​ ನಷ್ಟಕ್ಕೆ 342 ರನ್​ ಗಳಿಸಿ ಸವಾಲಿನ ಮೊತ್ತ ಪೇರಿಸಿತು. ನೇಪಾಳ ಪರ ಸೋಮ್​ಪಾಲ್​ ಕಾಮಿ 85/2 , ಕರಣ್​ ಕೆಸಿ ಮತ್ತು ಸಂದೀಪ್​ ತಲಾ 1 ವಿಕೆಟ್​ ಪಡೆದರು.

ಬಳಿಕ ಬ್ಯಾಟಿಂಗ್​ ನಡೆಸಿದ ನೇಪಾಳ, 104 ರನ್​ಗೆ ತನ್ನೆಲ್ಲ ವಿಕೆಟ್​ ಕಳೆದುಕೊಂಡು ಪಾಕಿಸ್ತಾನಕ್ಕೆ ಶರಣಾಯಿತು. ಆರೀಫ್​ ಶೇಖ್​ 26 ರನ್​, ಸೋಮ್​ಪಾಲ್​ ಕಾಮಿ 28 ರನ್​, ಗುಲ್​ಷನ್​ ಝಾ 13 ರನ್​ ಗಳಿಸಿದ್ದು ಬಿಟ್ಟರೆ ಯಾವೊಬ್ಬ ಆಟಗಾರನೂ ಒಂದಂಕಿ ಸ್ಕೋರ್​ ದಾಟಲಿಲ್ಲ. ಈ ಮೂಲಕ ಪಾಕಿಸ್ತಾನವು 238 ರನ್​ಗಳ ಗೆಲುವು ಸಾಧಿಸಿತು.

ಪಾಕಿಸ್ತಾನ ಪರ, ಶದಾಬ್​ ಖಾನ್​ 27/4 ವಿಕೆಟ್​ ಪಡೆದು ಮಿಂಚಿದರು. ಶಾಹೀನ್​ ಅಫ್ರಿದಿ 27/2, ಹ್ಯಾರಿಸ್​ ರೌಫ್​ 16/2, ನಸೀಮ್​ ಶಾ ಮತ್ತು ಮೊಹಮ್ಮದ್​ ನವಾಝ್​ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ : ಏಷ್ಯಾಕಪ್‌: ಬಾಬರ್​, ಇಫ್ತಿಕರ್​ ಶತಕದಾಟ; ಪಾಕಿಸ್ತಾನ ನೀಡಿದ ಈ ಗುರಿ ಸಾಧಿಸುವುದೇ ನೇಪಾಳ?