ETV Bharat / sports

ವಿಶ್ವಕಪ್‌ ಕ್ರಿಕೆಟ್‌: ನ್ಯೂಜಿಲೆಂಡ್‌ಗೆ ಸಾಧಾರಣ ಗುರಿ ನೀಡಿದ ಬಾಂಗ್ಲಾದೇಶ; ಹ್ಯಾಟ್ರಿಕ್‌ ವಿಜಯ ಸಾಧಿಸುವುದೇ ಕೇನ್‌ ಟೀಂ??

author img

By ETV Bharat Karnataka Team

Published : Oct 13, 2023, 1:48 PM IST

Updated : Oct 13, 2023, 6:25 PM IST

ಚೆನ್ನೈನ ಚೆಪಾಕ್​ ಮೈದಾನದಲ್ಲಿ ಇಂದು ನ್ಯೂಜಿಲೆಂಡ್​ ಮತ್ತು ಬಾಂಗ್ಲಾದೇಶ ನಡುವಿನ ವಿಶ್ವಕಪ್ ಕ್ರಿಕೆಟ್‌ ಪಂದ್ಯ ನಡೆಯುತ್ತಿದೆ.

2023 Cricket World Cup
2023 Cricket World Cup

ಚೆನ್ನೈ (ತಮಿಳುನಾಡು): ವಿಶ್ವಕಪ್​ನಲ್ಲಿ ಎರಡು ಬೃಹತ್​ ಗೆಲುವು ದಾಖಲಿಸಿದ ನ್ಯೂಜಿಲೆಂಡ್​ ತಂಡಕ್ಕೆ ಬಾಂಗ್ಲಾದೇಶ 246 ರನ್​ಗಳ​ ಸಾಧಾರಣ ಗುರಿ ನೀಡಿತು. ಕಿವೀಸ್​ನ ಲಾಕಿ ಫರ್ಗುಸನ್, ಮ್ಯಾಟ್ ಹೆನ್ರಿ ಮತ್ತು ಬೋಲ್ಟ್​ ಉತ್ತಮ ಬೌಲಿಂಗ್​ ಪ್ರದರ್ಶನ ನೀಡಿದರು. ಇದರಿಂದಾಗಿ ಶಕೀಬ್ ಅಲ್ ಹಸನ್​ ಪಡೆ ನಿಗದಿತ ಓವರ್‌ಗಳಂತ್ಯಕ್ಕೆ 9 ವಿಕೆಟ್​ ಕಳೆದುಕೊಂಡು 245 ರನ್​​ ಕಲೆಹಾಕಿತು.

ರಾತ್ರಿ ಬೀಳುವ ಮಂಜಿನ ಲಾಭ ಪಡೆಯುವ ಉದ್ದೇಶದಿಂದ ಟಾಸ್​ ಗೆದ್ದ ಕಿವೀಸ್​ ನಾಯಕ ಕೇನ್ ವಿಲಿಯಮ್ಸನ್ ಮೊದಲು ಕ್ಷೇತ್ರ ರಕ್ಷಣೆ ಆಯ್ಕೆ ಮಾಡಿಕೊಂಡರು. ಅದರಂತೆ ಬೌಲಿಂಗ್​ ಮತ್ತು ಫೀಲ್ಡಿಂಗ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಬಾಂಗ್ಲಾವನ್ನು ಸಾಧಾರಣ ಮೊತ್ತಕ್ಕೆ ಕಟ್ಟಿ ಹಾಕಿದರು.

ಆರಂಭಿಕ ಜೊತೆಯಾಟದ ಕೊರತೆ: ಏಕದಿನ ಪಂದ್ಯದಲ್ಲಿ ಮೊದಲ ವಿಕೆಟ್​ ಜೊತೆಯಾಟ ಪ್ರಮುಖವಾಗುತ್ತದೆ. ನ್ಯೂಜಿಲೆಂಡ್​ನ ಅನುಭವಿ ಎಡಗೈ ವೇಗಿ ಟ್ರೆಂಟ್ ಬೌಲ್ಟ್ ಮೊದಲ ಬಾಲ್​ನಲ್ಲೇ ಲಿಟ್ಟನ್ ದಾಸ್ ವಿಕೆಟ್​ ಪಡೆದರು. ಇದರಿಂದ ಬಾಂಗ್ಲಾಕ್ಕೆ ಒತ್ತಡ ಹೆಚ್ಚಾಯಿತು. ಕಿವೀಸ್​ ದಾಳಿಯ ವಿರುದ್ಧ ರಕ್ಷಣಾತ್ಮಕ ಆಟ ಮುಂದುವರೆಸಿದ ಬಾಂಗ್ಲಾ ತಂಡಕ್ಕೆ ದೊಡ್ಡ ಜೊತೆಯಾಟ ಮೂಡಲೇ ಇಲ್ಲ. ತಂಝಿದ್ ಹಸನ್ (16), ಮೆಹಿದಿ ಹಸನ್ ಮಿರಾಜ್​ (30) ಮತ್ತು ನಜ್ಮುಲ್ ಹೊಸೈನ್ ಶಾಂಟೊ (7) ಸ್ಕೋರ್​ ಮಾಡುವಲ್ಲಿ ವಿಫಲರಾದರು.

ಅನುಭವಿಗಳ ಆಸರೆ: 13ನೇ ಓವರ್​ನಲ್ಲಿ 4 ವಿಕೆಟ್​ ಕಳೆದುಕೊಂಡಿದ್ದ ಬಾಂಗ್ಲಾಕ್ಕೆ ಅನುಭವಿ ಮಧ್ಯಮ ಕ್ರಮಾಂಕದ ಜೋಡಿಯಾದ ​ನಾಯಕ ಶಕೀಬ್ ಅಲ್ ಹಸನ್ ಮತ್ತು ಮುಶ್ಫಿಕರ್ ರಹೀಮ್ ಬಲವಾಗಿ ನಿಂತರು. ಇವರ ಜೊತೆಯಾಟ ತಂಡಕ್ಕೆ ಚೇತರಿಕೆ ನೀಡಿತು. 5ನೇ ವಿಕೆಟ್​ಗೆ 96 ರನ್​ ಜೊತೆಯಾಟ ಆಡಿದರು. ಇದರಿಂದ ತಂಡ ಚೇತರಿಸಿಕೊಂಡಿದ್ದಲ್ಲದೇ 150ರ ಗಡಿ ದಾಟಿತು. ಅರ್ಧಶತಕದತ್ತ ದಾಪುಗಾಲು ಹಾಕುತ್ತಿದ್ದ ಶಕೀಬ್​​ 40 ರನ್​ಗೆ ಲಾಕಿ ಫರ್ಗುಸನ್​ಗೆ ವಿಕೆಟ್​ ಕೊಟ್ಟರು. ಅವರ ಬೆನ್ನಲ್ಲೇ ಅರ್ಧಶತಕ ಗಳಿಸಿದ ಮುಶ್ಫಿಕರ್ ರಹೀಮ್ (66) ಇನ್ನಿಂಗ್ಸ್​ ಸಹ ಅಂತ್ಯವಾಯಿತು.

ಮಹಮ್ಮದುಲ್ಲಾ ಏಕಾಂಗಿ ಹೋರಾಟ: ಒಂದೆಡೆ ಬಾಲಂಗೋಚಿಗಳಾದ ತೌಹಿದ್ ಹೃದಯೋಯ್(13), ತಸ್ಕಿನ್ ಅಹ್ಮದ್ (17) ಮತ್ತು ಮುಸ್ತಫಿಜುರ್ ರೆಹಮಾನ್ (4) ವಿಫಲರಾದರೆ, ಮಹಮ್ಮದುಲ್ಲಾ ಏಕಾಂಗಿಯಾಗಿ ಹೋರಾಡಿದರು. ಅವರ ಹೋರಾಟದ ಫಲವಾಗಿ ಬಾಂಗ್ಲಾದೇಶ 250ನ್ನು ಸಮೀಪಿಸಿತು. ಇನ್ನಿಂಗ್ಸ್​ನಲ್ಲಿ ಮಹಮ್ಮದುಲ್ಲಾ 49 ಬಾಲ್​ ಎದುರಿಸಿ 2 ಬೌಂಡರಿ ಮತ್ತು ಸಿಕ್ಸ್​ನಿಂದ 41 ರನ್​ ಗಳಿಸಿ ಅಜೇಯರಾಗುಳಿದರು. ಇದರಿಂದ ಬಾಂಗ್ಲಾ 50 ಓವರ್​ಗೆ 9 ವಿಕೆಟ್​ ನಷ್ಟಕ್ಕೆ 245 ರನ್​ ಗಳಿಸಿತು.

ಕಿವೀಸ್​ ಪರ ಲಾಕಿ ಫರ್ಗುಸನ್ ಉತ್ತಮ ಬೌಲಿಂಗ್​ ಪ್ರದರ್ಶನ ನೀಡಿದರು. ಬಾಂಗ್ಲಾದ 3 ವಿಕೆಟ್​ ಕಿತ್ತ ಫರ್ಗುಸನ್ 10 ಓವರ್ 49 ರನ್​ ಕೊಟ್ಟು 4.90ರ ಎಕಾನಮಿ ಸಾಧಿಸಿದರು. ಫರ್ಗುಸನ್​ಗೆ ಟ್ರೆಂಟ್ ಬೌಲ್ಟ್ ಮತ್ತು ಮ್ಯಾಟ್ ಹೆನ್ರಿ ತಲಾ ಎರಡು ವಿಕೆಟ್​ ಪಡೆದು ಸಾಥ್​ ನೀಡಿದರು. ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್ ತಲಾ ಒಂದು ವಿಕೆಟ್​ ಪಡೆದರು.

ಇದನ್ನೂ ಓದಿ: ಶನಿವಾರ ಭಾರತ - ಪಾಕ್​ ಹೈವೋಲ್ಟೇಜ್​ ಪಂದ್ಯ.. ಹೇಗಿರುತ್ತೆ ಗೊತ್ತಾ ಅಭಿಮಾನಿಗಳ ಜೋಶ್​

ಚೆನ್ನೈ (ತಮಿಳುನಾಡು): ವಿಶ್ವಕಪ್​ನಲ್ಲಿ ಎರಡು ಬೃಹತ್​ ಗೆಲುವು ದಾಖಲಿಸಿದ ನ್ಯೂಜಿಲೆಂಡ್​ ತಂಡಕ್ಕೆ ಬಾಂಗ್ಲಾದೇಶ 246 ರನ್​ಗಳ​ ಸಾಧಾರಣ ಗುರಿ ನೀಡಿತು. ಕಿವೀಸ್​ನ ಲಾಕಿ ಫರ್ಗುಸನ್, ಮ್ಯಾಟ್ ಹೆನ್ರಿ ಮತ್ತು ಬೋಲ್ಟ್​ ಉತ್ತಮ ಬೌಲಿಂಗ್​ ಪ್ರದರ್ಶನ ನೀಡಿದರು. ಇದರಿಂದಾಗಿ ಶಕೀಬ್ ಅಲ್ ಹಸನ್​ ಪಡೆ ನಿಗದಿತ ಓವರ್‌ಗಳಂತ್ಯಕ್ಕೆ 9 ವಿಕೆಟ್​ ಕಳೆದುಕೊಂಡು 245 ರನ್​​ ಕಲೆಹಾಕಿತು.

ರಾತ್ರಿ ಬೀಳುವ ಮಂಜಿನ ಲಾಭ ಪಡೆಯುವ ಉದ್ದೇಶದಿಂದ ಟಾಸ್​ ಗೆದ್ದ ಕಿವೀಸ್​ ನಾಯಕ ಕೇನ್ ವಿಲಿಯಮ್ಸನ್ ಮೊದಲು ಕ್ಷೇತ್ರ ರಕ್ಷಣೆ ಆಯ್ಕೆ ಮಾಡಿಕೊಂಡರು. ಅದರಂತೆ ಬೌಲಿಂಗ್​ ಮತ್ತು ಫೀಲ್ಡಿಂಗ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಬಾಂಗ್ಲಾವನ್ನು ಸಾಧಾರಣ ಮೊತ್ತಕ್ಕೆ ಕಟ್ಟಿ ಹಾಕಿದರು.

ಆರಂಭಿಕ ಜೊತೆಯಾಟದ ಕೊರತೆ: ಏಕದಿನ ಪಂದ್ಯದಲ್ಲಿ ಮೊದಲ ವಿಕೆಟ್​ ಜೊತೆಯಾಟ ಪ್ರಮುಖವಾಗುತ್ತದೆ. ನ್ಯೂಜಿಲೆಂಡ್​ನ ಅನುಭವಿ ಎಡಗೈ ವೇಗಿ ಟ್ರೆಂಟ್ ಬೌಲ್ಟ್ ಮೊದಲ ಬಾಲ್​ನಲ್ಲೇ ಲಿಟ್ಟನ್ ದಾಸ್ ವಿಕೆಟ್​ ಪಡೆದರು. ಇದರಿಂದ ಬಾಂಗ್ಲಾಕ್ಕೆ ಒತ್ತಡ ಹೆಚ್ಚಾಯಿತು. ಕಿವೀಸ್​ ದಾಳಿಯ ವಿರುದ್ಧ ರಕ್ಷಣಾತ್ಮಕ ಆಟ ಮುಂದುವರೆಸಿದ ಬಾಂಗ್ಲಾ ತಂಡಕ್ಕೆ ದೊಡ್ಡ ಜೊತೆಯಾಟ ಮೂಡಲೇ ಇಲ್ಲ. ತಂಝಿದ್ ಹಸನ್ (16), ಮೆಹಿದಿ ಹಸನ್ ಮಿರಾಜ್​ (30) ಮತ್ತು ನಜ್ಮುಲ್ ಹೊಸೈನ್ ಶಾಂಟೊ (7) ಸ್ಕೋರ್​ ಮಾಡುವಲ್ಲಿ ವಿಫಲರಾದರು.

ಅನುಭವಿಗಳ ಆಸರೆ: 13ನೇ ಓವರ್​ನಲ್ಲಿ 4 ವಿಕೆಟ್​ ಕಳೆದುಕೊಂಡಿದ್ದ ಬಾಂಗ್ಲಾಕ್ಕೆ ಅನುಭವಿ ಮಧ್ಯಮ ಕ್ರಮಾಂಕದ ಜೋಡಿಯಾದ ​ನಾಯಕ ಶಕೀಬ್ ಅಲ್ ಹಸನ್ ಮತ್ತು ಮುಶ್ಫಿಕರ್ ರಹೀಮ್ ಬಲವಾಗಿ ನಿಂತರು. ಇವರ ಜೊತೆಯಾಟ ತಂಡಕ್ಕೆ ಚೇತರಿಕೆ ನೀಡಿತು. 5ನೇ ವಿಕೆಟ್​ಗೆ 96 ರನ್​ ಜೊತೆಯಾಟ ಆಡಿದರು. ಇದರಿಂದ ತಂಡ ಚೇತರಿಸಿಕೊಂಡಿದ್ದಲ್ಲದೇ 150ರ ಗಡಿ ದಾಟಿತು. ಅರ್ಧಶತಕದತ್ತ ದಾಪುಗಾಲು ಹಾಕುತ್ತಿದ್ದ ಶಕೀಬ್​​ 40 ರನ್​ಗೆ ಲಾಕಿ ಫರ್ಗುಸನ್​ಗೆ ವಿಕೆಟ್​ ಕೊಟ್ಟರು. ಅವರ ಬೆನ್ನಲ್ಲೇ ಅರ್ಧಶತಕ ಗಳಿಸಿದ ಮುಶ್ಫಿಕರ್ ರಹೀಮ್ (66) ಇನ್ನಿಂಗ್ಸ್​ ಸಹ ಅಂತ್ಯವಾಯಿತು.

ಮಹಮ್ಮದುಲ್ಲಾ ಏಕಾಂಗಿ ಹೋರಾಟ: ಒಂದೆಡೆ ಬಾಲಂಗೋಚಿಗಳಾದ ತೌಹಿದ್ ಹೃದಯೋಯ್(13), ತಸ್ಕಿನ್ ಅಹ್ಮದ್ (17) ಮತ್ತು ಮುಸ್ತಫಿಜುರ್ ರೆಹಮಾನ್ (4) ವಿಫಲರಾದರೆ, ಮಹಮ್ಮದುಲ್ಲಾ ಏಕಾಂಗಿಯಾಗಿ ಹೋರಾಡಿದರು. ಅವರ ಹೋರಾಟದ ಫಲವಾಗಿ ಬಾಂಗ್ಲಾದೇಶ 250ನ್ನು ಸಮೀಪಿಸಿತು. ಇನ್ನಿಂಗ್ಸ್​ನಲ್ಲಿ ಮಹಮ್ಮದುಲ್ಲಾ 49 ಬಾಲ್​ ಎದುರಿಸಿ 2 ಬೌಂಡರಿ ಮತ್ತು ಸಿಕ್ಸ್​ನಿಂದ 41 ರನ್​ ಗಳಿಸಿ ಅಜೇಯರಾಗುಳಿದರು. ಇದರಿಂದ ಬಾಂಗ್ಲಾ 50 ಓವರ್​ಗೆ 9 ವಿಕೆಟ್​ ನಷ್ಟಕ್ಕೆ 245 ರನ್​ ಗಳಿಸಿತು.

ಕಿವೀಸ್​ ಪರ ಲಾಕಿ ಫರ್ಗುಸನ್ ಉತ್ತಮ ಬೌಲಿಂಗ್​ ಪ್ರದರ್ಶನ ನೀಡಿದರು. ಬಾಂಗ್ಲಾದ 3 ವಿಕೆಟ್​ ಕಿತ್ತ ಫರ್ಗುಸನ್ 10 ಓವರ್ 49 ರನ್​ ಕೊಟ್ಟು 4.90ರ ಎಕಾನಮಿ ಸಾಧಿಸಿದರು. ಫರ್ಗುಸನ್​ಗೆ ಟ್ರೆಂಟ್ ಬೌಲ್ಟ್ ಮತ್ತು ಮ್ಯಾಟ್ ಹೆನ್ರಿ ತಲಾ ಎರಡು ವಿಕೆಟ್​ ಪಡೆದು ಸಾಥ್​ ನೀಡಿದರು. ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್ ತಲಾ ಒಂದು ವಿಕೆಟ್​ ಪಡೆದರು.

ಇದನ್ನೂ ಓದಿ: ಶನಿವಾರ ಭಾರತ - ಪಾಕ್​ ಹೈವೋಲ್ಟೇಜ್​ ಪಂದ್ಯ.. ಹೇಗಿರುತ್ತೆ ಗೊತ್ತಾ ಅಭಿಮಾನಿಗಳ ಜೋಶ್​

Last Updated : Oct 13, 2023, 6:25 PM IST

TAGGED:

2023 Cricket World CupWorld Cup 2023World CupLive Matchಏಕದಿನ ವಿಶ್ವಕಪ್ ಟೂರ್ನಿ

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಈ 5 ವಿಷಯಗಳು ನಿಮ್ಮ ಜೀವನವನ್ನೇ ಬದಲಾಯಿಸುತ್ತವೆ: ಆ ಆರೋಗ್ಯ ರಹಸ್ಯಗಳೇನು ಗೊತ್ತಾ? - 5 THINGS ARE IMPORTANT TO HEALTH

IRCTC ಸೂಪರ್​ ಟೂರ್​ ಪ್ಯಾಕೇಜ್: ಕೈಗೆಟುಕುವ ದರದಲ್ಲಿ ಕೈಗೊಳ್ಳಿ ನೇಪಾಳ ಪ್ರವಾಸ! - IRCTC Hyderabad Nepal Tour

ಜುಲೈ 3 ರಿಂದ ಏರ್​ಟೆಲ್​ ಟಾರಿಫ್​ ಹೆಚ್ಚಳ: ಯಾವ ಪ್ಲಾನ್​ಗೆ ಎಷ್ಟು ಏರಿಕೆ?: ಇಲ್ಲಿದೆ ಡಿಟೇಲ್ಸ್​​ - Airtel Tariff Hike

ಭಯ ಬೇಡ.. 'ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರಗಳು ಬದಲಾಗಿಲ್ಲ': ಯಾವುದಕ್ಕೆ ಎಷ್ಟು ಬಡ್ಡಿ, ಇಲ್ಲಿದೆ ಡಿಟೇಲ್ಸ್​! - SMALL SAVINGS SCHEME INTEREST RATES

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.